amit shah’s statement over nagaland firing: નાગાલેન્ડ ફાયરિંગઃ આખરે શું થયું હતું, ગૃહ મંત્રી અમિત શાહે સંસદમાંથી દેશને જણાવ્યું – home minister amit shah’s statement over nagaland firing in parliament

0


હાઈલાઈટ્સ:

  • નાગાલેન્ડમાં થયેલા ગોળીબારની ઘટનાના સંસદમાં પડ્યા પડઘાં
  • સંસદમાંથી ગૃહ મંત્રી અમિત શાહે દેશને જણાવ્યો ઘટનાનો ચિતાર
  • સેનાને વાહનને રોકવાનો પ્રયાસ કર્યો પણ ન રોકાતા કર્યુ ફાયરિંગઃ શાહ

નવી દિલ્હીઃ નાગાલેન્ડમાં 16 નાગરિકોનાં મોત મામલે ગૃહ મંત્રી અમિત શાહે સોમવારે સંસદમાં નિવેદન આપ્યું હતું. તેઓએ લોકસભામાં આખા ઘટનાક્રમની જાણકારી આપતા કહ્યું કે, જો કે સ્થિતિ તણાવભરી છે પણ નિયંત્રણમાં છે. અમિત શાહે પોતાના નિવેદનમાં કહ્યું કે, ઉગ્રવાદીઓની મૂવમેન્ટની સૂચના પર સેનાએ જાળ વિછાવી હતી. એ દરમિયાન ત્યાંથી એક વાહન પસાર થઈ રહ્યું હતું. સેનાએ એ વાહનને રોકવાનો પ્રયાસ કર્યો પણ તે રોકાયું નહીં. જે બાદ સુરક્ષા બળે ફાયરિંગ કર્યુ હતું. જેમાં 6 નાગરિકોનાં મોત થયા હતા. બાદમાં હોબાળો મચાવી રહેલાં ગ્રામીણોને વેર વિખેર કરવા માટે ગોળીઓ ચલાવવામાં આવી હતી. જેમાં અન્ય નાગરિકો માર્યા ગયા હતા.

નાગાલેન્ડમાં ક્યારે, કેમ અને કેવી રીતે થયું? અમિત શાહે સંસદને જણાવ્યું

amit shah 1


ગૃહ મંત્રી અમિત શાહે નાગાલેન્ડમાં સુરક્ષા બળ દ્વારા માર્યા ગયેલા 16 નાગરિકોના મોતના સંબંધમાં નિવેદન આપ્યું હતું. અમિત શાહે લોકસભામાં જણાવ્યું કે, ભારતીય સેનાને નાગાલેન્ડમાં તિરૂ ગામ પાસે ઉગ્રવાદીઓના અવર જવરની માહિતા મળીહતી. જેના આધારે કમાન્ડોની ટીમે 4 ડિસેમ્બરની સાંજે વોચ ગોઠવી હતી. આ દરમિયાન એક વાહન ત્યાંથી પસાર થુયું. તેને રોકવાનો ઈશારો કર્યો અને પ્રયાસ પણ કર્યો. રોકવાના પ્રયાસ બાદ પણ ત્યાંથી નીકળવાનો પ્રયાસ કર્યો. સેનાને એવી શંકા ગઈ કે તેમાં શંકાસ્પદ ઉગ્રવાદીઓ જઈ રહ્યા હતા, એટલે તેઓએ વાહન પર ફાયરિંગ કર્યું. જેમાં વાહનમાં સવાર 8માંથી 6 લોકોનાં મોત થઈ ગયા. બાદમાં આખો મામલો સામે આવ્યો કે તેમાં ઉગ્રવાદીઓ નહોતા. આ ઘટનામાં જે બે લોકો ઈજાગ્રસ્ત થયા હતા તેઓને સેનાના જવાનો નજીકની હોસ્પિટલમાં સારવાર માટે લઈ ગયા હતા.
ઓમિક્રોનના કેસો વધતા શેરબજારમાં ફરી મોટો કડાકો, સેન્સેક્સ 949 પોઈન્ટ્સ ઘટ્યો
અમિત શાહે જણાવ્યું કે, આ ઘટના બાદ સ્થાનિક લોકોએ સેનાની ટુકડીને ઘેરી હતી. બે વાહનોને આગચંપી કરવામાં આવી અને તેમના પર હુમલો કરવામાં આવ્યો. જેના પરિણામે સુરક્ષા બળના એક જવાન શહીદ થઈ ગયા અને અન્ય જવાન ઈજાગ્રસ્ત થયા હતા. પોતાની સુરક્ષા માટે અને ઉમટેલી ભીડને વિખેરવા માટે સુરક્ષા બળને ગોળી ચલાવવાની ફરજ પડી હતી. જેમાં સાત વધુ નાગરિકોનાં મોત થયા અને કેટલાંક લોકો ઘાયલ થયા હતા. તેઓએ કહ્યું કે, હાલ સ્થિતિ તણાવભરી છે પણ નિયંત્રણમાં છે.

કોંગ્રેસે લોકસભામાં ઉઠાવ્યો મુદ્દો

amit shah 2


લોકસભામાં કોંગ્રેસ સંસદીય દળના નેતા અધીર રંજન ચૌધરીએ નાગાલેન્ડમાં થયેલા ગોળીબારના મામલાને ઉછાળ્યો હતો. લોકસભાની કાર્યવાહી શરૂ થતાં જ કોંગ્રેસના વરિષ્ઠ નેતા અધીર રંજન ચૌધરીએ નાગાલેન્ડમાં અસમ રાઈફલના જવાનો દ્વારા કરવામાં આવેલા ફાયરિંગમાં નિર્દોષ લોકો માર્યા ગયા હોવાનો મુદ્દો ઉછાળ્યો. તેઓએ કહ્યું કે, ગૃહ મંત્રી અમિત શાહે સંસદમાં આ મામલે નિવેદન આપવું જોઈએ.
Expert’s Advice: આ 7 શેર સતત ચઢાવ-ઉતાર આ માર્કેટમાં તમને મજબૂતી આપશે
કેન્દ્રીય મંત્રી અમિત શાહ આપશે નિવેદન

amit shah 3


વિપક્ષની માંગ પર સંસદીય કાર્યમંત્રી પ્રહલાદ જોશીએ કહ્યું કે, સરકાર આ ઘટનાને લઈને ખૂબ જ સંવેદનશીલ છે. તેઓએ કહ્યું કે, આ મુદ્દે સંસદમાં ગૃહ મંત્રી સરકાર તરફથી નિવેદન આપશે.

રાજ્યસભામાં ઉઠ્યો મુદ્દો, સભાપતિએ કહ્યું-રક્ષા મંત્રી, ગૃહ મંત્રી સાથે વાત થઈ છે

amit shah 4


રાજ્યસભામાં પણ કોંગ્રેસ નેતા મલ્લિકાર્જુન ખડગેએ આ ઘટનાને ઉછાળી હતી. મલ્લિકાર્જુન ખડગેએ કહ્યું કે, આ ખૂબ જ દુઃખદ ઘટના છે. અમે આ મુદ્દે ગૃહ મંત્રી અમિત શાહના નિવેદનની માંગણી કરીએ છીએ. મહેરબાની કરીને આ મુદ્દે નિર્દેશ કરવામાં આવે. જેને લઈને સભાપતિ વૈંકેયા નાયડુએ કહ્યું કે, અનેક સભાસદોએ આ મુદ્દાને લઈને સવાલ ઉઠાવ્યા છે. મારી રક્ષા મંત્રી અને ગૃહ મંત્રી સાથે વાત થઈ છે. ગૃહ મંત્રીએ આ દુર્ભાગ્યપૂર્ણ ઘટના પર નિવેદન આપવાની વાત કરી છે.

કેટરિના કૈફની ગાડી રોક્યા પછી જબરું હતું ટ્રાફિક પોલીસનું રિએક્શન



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here