lrd recruitment: LRD ઉમેદવારો માટે મહત્વપુર્ણ સમાચારઃ રદ કરાયેલી શારીરિક કસોટી આ તારીખે લેવાશે – a new date for the canceled physical test of lrd and psi has now been announced

0


હાઈલાઈટ્સ:

  • 3 અને 4 ડિસેમ્બરના રોજ રદ કરાયેલી શારીરિક કસોટી હવે 12 ડિસેમ્બરના રોજ લેવાશે
  • 6 ડિસેમ્બરે વાવ ખાતે રદ કરાયેલી શારીરિક કસોટી 26 ડિસેમ્બરના રોજ લેવાશે
  • કોલ લેટરમાં જણાવ્યા અનુસાર સમય અનુસાર ઉમેદવારોએ હાજર રહેવું પડશે

પોલીસની ભરતી માટે તૈયારીઓ કરતાં ઉમેદવારો માટે મહત્વપુર્ણ સમાચાર સામે આવ્યા છે. અગાઉ કમોસમી વરસાદને કારણે રાજ્યના અમુક સ્થળો પર રદ કરવામાં આવેલ શારીરિક કસોટીની પરીક્ષાની હવે નવી તારીખ જાહેર કરી દેવામાં આવી છે. 3 અને 4 ડિસેમ્બરે રદ કરાયેલ શારીરિક કસોટીની પરીક્ષા હવે 12 ડિસેમ્બરના રોજ લેવામાં આવશે અને આ માટે અલગથી કોલ લેટરની જરૂર નહીં રહે, એ જ કોલ લેટર ઉપર ઉમેદવારો પરીક્ષા આપી શકશે. આ ઉપરાંત 6 ડિસેમ્બરના રોજ વાવ ખાતે રદ કરવામાં આવેલ શારીરિક કસોટી હવે 26 ડિસેમ્બરના રોજ લેવામાં આવશે,.

પીએસઆઈ રિક્રુટમેન્ટ બોર્ડની વેબસાઈટ ઉપર જાહેર કરવામાં આવેલ સૂચના મુજબ તારીખ 3 અને 4 ડિસેમ્બરના રોજ જે મેદાનો ઉપર વરસાદને કારણે શારીરિક કસોટી મોકૂફ રાખવામાં આવેલ તે કસોટી હવે બંન્ને દિવસના ઉમેદવારો માટે એકી સાથે તારીખ 12 ડિસેમ્બર (રવિવાર)ના રોજ એ જ મેદાન પર એ જ કોલ લેટર ઉપર લેવામાં આવશે. મોકુફ રાખવામાં આવેલ કસોટીના ઉમેદવારોએ અગાઉ ઇશ્યુ થયેલ કોલ લેટર સાથે કોલ લેટરમાં જણાવેલ સમયે કસોટી માટે હાજર રહેવું પડશે.

વધુમાં બોર્ડ દ્વારા એમ પણ જણાવવામાં આવ્યું છે કે, SRPF ગ્રુપ-11, વાવ ખાતે તા.6/12/2021 નારોજ શારીરિક કસોટી મોકૂફ રાખવામાં આવેલ તે કસોટી હવે તા.26/12/2021 (રવિવાર) ના રોજ એ જ મેદાન પર એ જ કોલલેટર ઉપર લેવામાં આવશે. મોકુફ રાખવામાં આવેલ કસોટીના ઉમેદવારોએ અગાઉ ઇશ્યુ થયેલ કોલ લેટર સાથે, કોલલેટરમાં જણાવેલ સમયે કસોટી માટે હાજર રહેવું પડશે.

જો કે, 12 તારીખે એક જ દિવસે આટલી મોટી સંખ્યામાં ઉમેદવારોને શારીરિક કસોટી માટે બોલાવવામાં આવતાં એડિશનલ ડીજીપી હસમુખ પટેલે ટ્વીટ કરીને તેનો ખુલાસો આપ્યો હતો. તેઓએ ટ્વીટ કરીને લખ્યું કે, 12 ડિસેમ્બરના રોજ જેમની પરીક્ષા છે તેવા ઉમેદવારો વેબસાઇટમાં આપેલ સુચના મુજબ તારીખ બદલવા માટે પુરાવા સાથે અરજી કરી શકશે. આ ઉપરાંત બીજી ટ્વીટ કરતાં તેઓએ જણાવ્યું કે, દરરોજ પંદરસો ઉમેદવારોને શારીરિક કસોટી માટે બોલાવવામાં આવે છે 12 તારીખે સત્તરસો ઉમેદવારોને શારીરિક કસોટી માટે બોલાવવામાં આવેલ છે બંને વચ્ચે બહુ મોટો તફાવત નથી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here