vadodara gangrape fsl report: ગેંગરેપ-આપઘાત કેસઃ FSL રિપોર્ટમાં યુવતી પર દુષ્કર્મ ન થયુ હોવાનો ઘટસ્ફોટ – vadodara gangrape suicide case: fsl report says no misdemeanor seen on girl

0


હાઈલાઈટ્સ:

  • વડોદરામાં ગેંગરેપ અને વલસાડ રેલવે સ્ટેશન પર ટ્રેનના કોચમાંથી યુવતીનો મૃતદેહ મળ્યો હતો
  • આ કેસમાં એફએસએલ રિપોર્ટમાં ચોંકાવનારો ખુલાસો થયો છે, દુષ્કર્મ ન થયાનો મોટો ધડાકો
  • યુવતી પર ગેંગરેપ અને આપઘાતના આ કેસમાં હજુ સુધી આરોપીઓ પોલીસ પકડથી દૂર છે

વડોદરાઃ શહેરમાં 3 નવેમ્બરના રોજ 18 વર્ષીય યુવતી સાથે ગેંગરેપ થયો હોવાની ઘટના સામે આવી હતી. આ ઘટના બાદ વલસાડ રેલવે સ્ટેશન પર ગુજરાત ક્વીન એક્સપ્રેસ ટ્રેનના કોચમાંથી યુવતીનો કથિત રીતે આપઘાત કરેલી હાલતમાં મૃતદેહ મળી આવ્યો હતો. આ કેસ બાદ રાજ્યની પોલીસમાં ખળભળાટ મચી ગયો હતો. ત્યારે FSL રિપોર્ટમાં એક ચોંકાવનારો ખુલાસો સામે આવ્યો છે. ગાંધીનગરથી આવેલા FSL રિપોર્ટમાં એવો ખુલાસો થયો છે કે, પીડિત યુવતી પર દુષ્કર્મ થયુ નથી. જો કે, હાલ આ FSL રિપોર્ટ રેલવે પોલીસને સોંપવામાં આવ્યો છે.

FSL રિપોર્ટમાં મોટો ધડાકો
વડોદરીમાં ગેંગેરપ અને પછી વલસાડ ટ્રેનમાં આપઘાતના આ કેસમાં દિવસે ને દિવસે નવા વળાંક સામે આવી રહ્યા છે. હવે ગાંધીનગરથી આવેલા FSL રિપોર્ટમાં એવો ખુલાસો થયો છે કે, નવસારીની આ પીડિત યુવતી પર દુષ્કર્મ થયુ નથી. મહત્વનું છે કે, વડોદરામાં ગેંગરેપ થયા બાદ વલસાડમાં રેલવે ટ્રેનના કોચમાંથી યુવતીનો કથિત રીતે આપઘાત કરેલો મૃતદેહ મળી આવ્યો હતો. જેનો FSL રિપોર્ટ આવી જતા રેલવે પોલીસને સોંપવામાં આવ્યો છે. બીજી મહત્વની વાત એ છે કે, યુવતીના શરીર પર ઈજાના નિશાન પણ મળી આવ્યા હતા.

ગાંધીનગરઃ મામાના ઘરે લગ્નમાં આવેલા 4 વર્ષના બાળકને કારે કચડી નાખતા મોત, ઘટના CCTVમાં કેદ

SITની તપાસમાં થયો હતો આ ખુલાસો
વડોદરામાં નવસારીની યુવતી પર ગેંગરેપ થયા બાદ તેનો મૃતદેહ વલસાડ રેલવે સ્ટેશન પરથી ગુજરાત ક્વીનના કોચમાંથી મળી આવ્યો હતો. એ પછી પોલીસે પીડિતાની લાશને પોસ્ટમોર્ટમ માટે મોકલી હતી. જેનો પોસ્ટમોર્ટમ રિપોર્ટ પણ આવી ગયો છે. પોસ્ટમોર્ટમ રિપોર્ટમાં એવું સામે આવ્યું હતું કે, શ્વાસ રૂંધાવાના કારણે યુવતીનું મોત થયુ હતું. આ સિવાય રેલવે પોલીસ અને એસઆઈટીની તપાસમાં એવું સામે આવ્યું હતું કે, યુવતી પર દુષ્કર્મ આચરવામાં આવ્યું હતું. ત્યારબાદ પોલીસને યુવતીની સાયકલ પણ મળી આવી હતી. જો કે, આ કેસમાં આરોપીઓ હજુ સુધી પોલીસ પકડથી દૂર છે.

પીડિત પરિવારે ગૃહ મંત્રીને કરી હતી રજૂઆત
પીડિત યુવતીના પરિવારે સર્કિટ હાઉસમાં ગૃહ રાજ્ય મંત્રી હર્ષ સંઘવી સાથે પણ મુલાકાત કરી હતી. પીડિત પરિવારે તેઓને મળીને ન્યાય માટે રજૂઆત કરી હતી. પીડિત પરિવારનું કહેવું છે કે, આ હચમચાવી દેતી ઘટનાને એક મહિનાનો સમય વીતી ગયો હોવા છતા આરોપીઓ પકડાયા નથી. એટલું જ નહીં યુવતી વડોદરાની ઓએસિસ સંસ્થામાં ઇન્ટર્નશિપ કરી રહી હતી, એ સંસ્થા સામે પણ કોઈ પગલાં લેવામાં આવ્યા નથી. ત્યારે હર્ષ સંઘવીએ પીડિત પરિવારને ન્યાય મળશે એવું આશ્વાસન આપ્યું હતું.
અજાણ્યા શખ્સોની મિત્રતા મોંઘી પડી, 3 શખ્સોએ MP લઈ જઈને બોપલના યુવકની હત્યા કરી
પીડિત પરિવારનો ગંભીર આરોપ
વડોદરાના વેક્સિન ગ્રાઉન્ડ પર યુવતી પર ગેંગરેપ થયો હતો. ત્યારે પીડિત યુવતીના માતા-પિતાનું કહેવં છે કે, વડોદરાના વેક્સિન ગ્રાઉન્ડ પર આરોપીઓનો મુખ્ય ઈરાદો દુષ્કર્મનો નહીં પણ હત્યા કરવાનો હતો. પીડિત પરિવારનો એવો પણ આરોપ છે કે, તેઓની દીકરી ઓએસિસ સંસ્થામાં કંઈક ખોટુ ચાલતું હોવાનું જોઈ ગઈ હશે. જેથી તેને મારી નાખવાનો ઈરાદો હશે. મહત્વનું છે કે, પીડિત યુવતીની ડાયરીમાંથી ખુલાસો થયો હતો કે તેના પર દુષ્કર્મ થયું હતું. ત્યારે આ મામલે હજુ પણ પોલીસ તપાસ ચાલી રહી છે.

ભાવનગરમાં રખડતા ઢોરનો આતંક, વ્યક્તિ પર હુમલાની ઘટના CCTVમાં કેદ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here