India vs New Zealand Mumbai Test 2021: મુંબઈમાં ન્યૂઝીલેન્ડને કચડી ટેસ્ટમાં નંબર-1 બની વિરાટ સેના – india reclaim number-1 spot test ranking after beating new zealand

0


ભારતીય ક્રિકેટ ટીમ ફરીથી ટેસ્ટ રેન્કિંગમાં નંબર વનના સ્થાને પહોંચી ગઈ છે. મુંબઈના વાનખેડે સ્ટેડિયમમાં રમાયેલી બીજી ટેસ્ટમાં વર્લ્ડ ટેસ્ટ ચેમ્પિયન ન્યૂઝીલેન્ડને હરાવીને વિરાટ કોહલીની ટીમ ટોચના સ્થાને પહોંચી ગઈ છે. કાનપુર ખાતે રમાયેલી પ્રથમ ટેસ્ટ ડ્રો રહ્યા બાદ બીજી ટેસ્ટમાં ભારતે પ્રવાસી ટીમને 372 રને પરાજય આપ્યો હતો.

ભારત 124 રેટિંગ પોઈન્ટ સાથે નંબર-1ના સ્થાને પહોંચી ગયું છે. જ્યારે ન્યૂઝીલેન્ડ બીજા સ્થાને છે અને તેના 121 પોઈન્ટ છે. જૂનમાં રમાયેલી વર્લ્ડ ટેસ્ટ ચેમ્પિયનશિપની ફાઈનલમાં ભારતને ન્યૂઝીલેન્ડ સામે પરાજયનો સામનો કરવો પડ્યો હતો. 108 પોઈન્ટ સાથે ઓસ્ટ્રેલિયા ત્રીજા, 107 પોઈન્ટ સાથે ઈંગ્લેન્ડ ચોથા અને 92 પોઈન્ટ સાથે પાકિસ્તાન પાંચમાં ક્રમે છે.

કોહલીનો વિરાટ રેકોર્ડઃ આ સિદ્ધિ નોંધાવનારો વિશ્વનો પ્રથમ ખેલાડી બન્યો
બીજી તરફ વર્લ્ડ ટેસ્ટ ચેમ્પિયનશિપ ટેબલમાં ભારત 42 પોઈન્ટ સાથે ત્રીજા ક્રમે છે. શ્રીલંકન ટીમ પ્રથમ અને પાકિસ્તાની ટીમ બીજા ક્રમે છે. ભારત હવે સાઉથ આફ્રિકાના પ્રવાસે જશે જ્યાં તે ત્રણ ટેસ્ટ મેચની સીરિઝ રમશે.

ભારત અને ન્યૂઝીલેન્ડ વચ્ચેની બીજી ટેસ્ટ ઘણી બધી રીતે યાદગાર બની રહી છે. આ ટેસ્ટના પ્રથમ દાવમાં ન્યૂઝીલેન્ડના સ્પિનર એજાઝ પટેલે ભારતની તમામ 10 વિકેટો ખેરવીને ઈતિહાસ રચ્યો હતો. આ સિદ્ધિ નોંધનાવારો તે જિમ લેકર અને અનિલ કુંબલે બાદ વિશ્વનો ત્રીજો બોલર બન્યો છે. મયંકની 150 રનની ઈનિંગ્સની મદદથી ભારતે પ્રથમ દાવમાં 325 રનનો સ્કોર નોંધાવ્યો હતો. જેના જવાબમાં ન્યૂઝીલેન્ડની ટીમ ફક્ત 62 રનમાં આઉટ થઈ ગઈ હતી.
આ તસ્વીર પાછળ રહેલી છે એક ખાસ વાત, ક્રિકેટપ્રેમીઓમાં થઈ વાઈરલબીજા દાવમાં ભારતે સાત વિકેટે 276 રનના સ્કોર પર દાવ ડિક્લેર કર્યો હતો. પ્રથમ દાવની સરસાઈના આધારે ભારતે પ્રવાસી કિવિ ટીમ સામે 540 રનનો લક્ષ્યાંક મૂક્યો હતો. જેના જવાબમાં ન્યૂઝીલેન્ડની ટીમ 167 રનમાં આઉટ થઈ ગઈ હતી. અશ્વિને પ્રથમ અને બીજા દાવમાં 4-4 વિકેટ ઝડપી હતી. મયંકને પ્લેયર ઓફ ધ મેચ જ્યારે અશ્વિનને પ્લેયર ઓફ ધ સીરિઝ જાહેર કરાયો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here