team india sa tour schedule: સાઉથ આફ્રિકા પ્રવાસ માટે ટીમ ઈન્ડિયાનું નવું શિડ્યુલ જાહેર, 26 ડિસેમ્બરથી શરૂ થશે ટેસ્ટ મેચ – csa announce new schedule for team india’s south africa tour

0


હાઈલાઈટ્સ:

  • ટીમ ઈન્ડિયાના સાઉથ આફ્રિકા પ્રવાસનું નવું શિડ્યુલ જાહેર
  • 26 ડિસેમ્બરથી પ્રથમ ટેસ્ટ મેચનું આયોજન
  • 19, 21, 23 જાન્યુઆરીએ 3 વન-ડે મેચ રમાશે

સાઉથ આફ્રિકામાં કોરોનાનો નવો વેરિયન્ટ ઓમિક્રોન મળ્યા અનેક દેશોમાં તેની અસર જોવા મળી રહી છે, પણ ક્રિકેટ પણ ઓમિક્રોનથી પ્રભાવિત થયું હતું. જેમાં ભારતનો સાઉથ આફ્રિકા પ્રવાસ એક અઠવાડિયા માટે મુલતવી રાખવામાં આવ્યો હતો. જો કે, હવે ભારતના સાઉથ આફ્રિકા પ્રવાસ માટેનું નવું શિડ્યુલ જાહેર કરી દેવામાં આવ્યું છે. ભારત સાઉથ આફ્રિકામાં 3 ટેસ્ટ મેચ અને 3 વન-ડે મેચ રમશે. અને 26 ડિસેમ્બરથી ટેસ્ટ મેચની શરૂઆત થશે.

થોડા દિવસો અગાઉ જ બીસીસીઆઈ દ્વારા જાહેરાત કરવામાં આવી હતી કે, ભારતીય ટીમ સાઉથ આફ્રિકાના પ્રવાસે 3 ટેસ્ટ મેચ અને 3 વન-ડે મેચ જ રમશે, જ્યારે ટી20 મેચ બાદમાં રમવામાં આવશે અને ક્રિકેટ સાઉથ આફ્રિકા દ્વારા નવું શિડ્યુલ જાહેર કરવામાં આવશે તેમ બીસીસીઆઈએ જણાવ્યું હતું. જેમાં આજ રોજ એટલે કે સોમવારે સીરિઝનું નવું શિડ્યુલ જાહેર કરવામાં આવ્યું હતું.

ક્રિકેટ સાઉથ આફ્રિકા દ્વારા જાહેર કરવામાં આવેલાં નવા શિડ્યુલ મુજબ ભારત અને સાઉથ આફ્રિકા વચ્ચે બોક્સિંગ ડે ટેસ્ટ મેચ 26 ડિસેમ્બરના રોજ રમવામાં આવશે. જે અગાઉ 17 ડિસેમ્બરના રોજ રમાવવાની હતી. બીજી ટેસ્ટ મેચ 3થી 7 જાન્યુઆરી 2002 દરમિયાન અને ત્રીજી ટેસ્ટ મેચ 11થી 15 જાન્યુઆરી દરમિયાન રમવામાં આવશે. પ્રથમ ટેસ્ટ મેચ સેન્યુરિયનના સુપરસ્પોર્ટ પાર્કમાં, બીજી મેચ જોહાનિસબર્ગના વાંડરર્સમાં, અને ત્રીજી ટેસ્ટ મેચ કેપટાઉનમાં રમવામાં આવશે.

ત્રણ ટેસ્ટ મેચ સહિત ભારત 3 વન-ડે મેચની સીરિઝ પણ રમશે. જેમાં વન-ડે સીરિઝનું આયોજન 19થી 23 જાન્યુઆરી 2022 દરમિયાન રાખવામાં આવ્યું છે. અને સીરિઝની પ્રથમ બે વન-ડે પાર્લમાં રમવામાં આવશે, જ્યારે અંતિમ અને ત્રીજી વન-ડે કેપટાઉનમાં રમાશે.

ટેસ્ટ સીરિઝનું શિડ્યુલઃ

પ્રથમ ટેસ્ટઃ 26-30 ડિસેમ્બર, સમય 1.30 વાગ્યે (ભારતીય સમય અનુસાર)
બીજી ટેસ્ટઃ 3-7 જાન્યુઆરી, સમય 1.30 વાગ્યે (ભારતીય સમય અનુસાર)
ત્રીજી ટેસ્ટઃ 11-15 જાન્યુઆરી, સમય 2 વાગ્યે (ભારતીય સમય અનુસાર)

વન-ડે સીરિઝનું શિડ્યુલઃ

પ્રથમ મેચઃ 19 જાન્યુઆરી, સમય 2 વાગ્યે (ભારતીય સમય અનુસાર)
બીજી મેચઃ 21 જાન્યુઆરી, સમય 2 વાગ્યે (ભારતીય સમય અનુસાર)
ત્રીજી મેચઃ 23 જાન્યુઆરી, સમય 2 વાગ્યે (ભારતીય સમય અનુસાર)



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here