team india coach: ‘દ્રવિડ કોચ બનવા તૈયાર ન હતા, અમે આશા છોડી દીધી હતી’, ગાંગુલીએ જણાવી સમગ્ર કહાની – bcci president sourav ganguly explains the story of how they board rahul dravid on coach seat

0


હાઈલાઈટ્સ:

  • સૌરવ ગાંગુલીએ કર્યો ખુલાસો, રાહુલને મનાવવા અનેક પ્રયાસો કર્યાં
  • નાના બાળકોને કારણે રાહુલ કોચ બનવા તૈયાર ન હતો
  • રાહુલે કોચ બનવા કેમ હા પાડી તેનું કારણ હજુ સુધી સૌરવને પણ નથી ખબર

ટી20 વર્લ્ડ કપ બાદ ભારતીય ટીમના નવા કોચ તરીકે રાહુલ દ્રવિડની પસંદગી કરવામાં આવી છે. રાહુલ દ્રવિડ કોચ બનતાંની સાથે જ ભારતીય ટીમે ન્યૂઝીલેન્ડ સામેની ઘરેલુ ટી20 અને ટેસ્ટ સીરિઝમાં શાનદાર વિજય હાંસલ કર્યો છે. જો કે, રાહુલ દ્રવિડ કોચ બનવા માટે તૈયાર જ ન હતા. અને તેમને કોચ માટે મનાવવા બીસીસીઆઈ પ્રમુખ સૌરવ ગાંગુલીને અનેક પ્રયાસો કરવા પડ્યા હતા. જેની સમગ્ર કહાની ખુદ સૌરવ ગાંગુલીએ જણાવી છે.

ભારતીય ક્રિકેટ કંટ્રોલ બોર્ડના અધ્યક્ષ સૌરવ ગાંગુલીએ પત્રકાર બોરિયા મજૂમદારના શો ‘ બેકસ્ટેજ વિથ બોરિયા’માં ખુલાસો કર્યો હતો કે, રાહુલ દ્રવિડને મનાવવો કેટલો મુશ્કેલ હતો અને તેઓએ કેટલી મહેનત કરી હતી. સાથે ગાંગુલીએ એમ પણ જણાવ્યું હતું કે, જય શાહના દિમાગમાં રાહુલ દ્રવિડનું નામ પહેલેથી હતું.

ગાંગુલીએ શોમાં જણાવ્યું કે, રાહુલ દ્રવિડનું નામ હંમેશાથી અમારા દિમાગમાં હતું. હું અને જય બંને આ અંગે વિચારી રહ્યા હતા, પણ રાહુલ દ્રવિડ તેના માટે તૈયાર થઈ રહ્યા ન હતા. રાષ્ટ્રીય ટીમની સાથે રહેવાનો અર્થ એ છે કે તમને ઘરથી 8-9 મહિના સુધી દૂર રહેવું પડે અને રાહુલ દ્રવિડ આ ઈચ્છતા ન હતા. તેમના બે નાના બાળકો છે અને તેઓ તેમની સાથે સમય પસાર કરવા માગતા હતા.

આ ઉપરાંત ગાંગુલીએ કહ્યું કે, એક સમય એવો આવ્યો કે અમે તેને મનાવવાનું જ છોડી દીધું હતું. તેઓને નેશનલ ક્રિકેટ એકેડમી, બેંગલુરુના અધ્યક્ષ બનાવવામાં આવ્યા, કે જેથી ત્યાંથી તે વસ્તુને આગળ લઈ જઈ શકે. આ માટે અમે ઈન્ટરવ્યૂ સહિતની તમામ પ્રક્રિયાઓ કરી હતી. સૌરવ ગાંગુલીની એપ્લિકેશન જોવામાં આવી અને તેમનું ઈન્ટરવ્યૂ પણ લેવામાં આવ્યું અને બાદમાં તેઓને એનસીએના અધ્યક્ષ બનાવવામાં આવ્યા હતા. પણ તેમને એનસીએના અધ્યક્ષ બનાવ્યા બાદ પણ અમે તેમને મનાવવાના પ્રયાસો સતત ચાલુ રાખ્યા હતા.

ગાંગુલીએ કહ્યું કે, અમે ટીમ સાથે પણ વાત કરી હતી અને દરેકની ઈચ્છા હતી કે દ્રવિડ કોચ બને. જે બાદ અમે ફરીથી રાહુલ સાથે વાત કરી હતી. અનેક વખત તો મેં ખાનગીમાં તેમની સાથે વાત કરી. મેં તેમને કહ્યું કે, હું જાણું છું કે આ અઘરું છે, પણ બે વર્ષ માટે ટ્રાય કરી જુઓ, જો તમને વધારે મુશ્કેલ લાગે તો પછી અમે બીજો કોઈ રસ્તો અપનાવીશું. આગળ જતાં ગાંગુલીએ કહ્યું કે, પણ નસીબથી તે રાજી થઈ ગયા અને મને ખબર નથી કે કયા વિચારે તેમને કોચ બનવા માટે રાજી કર્યાં હશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here