ambulance accident: લીંબડી-અમદાવાદ હાઈવે પર એમ્બ્યુલન્સનો અકસ્માત, સારવાર મળતા પહેલા દર્દીનું મોત – ambulance met with an accident on limbdi ahmedabad highway, patient died on the spot

0


હાઈલાઈટ્સ:

  • દર્દીને રાજકોટથી અમદાવાદ લાવવામાં આવી રહ્યા હતા અને અકસ્માત થયો
  • લીંબડી-અમદાવાદ હાઈવે પર એમ્બ્યુલન્સના અકસ્માતમાં દર્દીનું મોત થયું
  • એમ્બ્યુલન્સમાં સવાર મૃતકના સગા પણ ઘાયલ થતા દાખલ કરવામાં આવ્યા

રાજકોટઃ લીંબડી-અમદાવાદ હાઈવે પર દર્દીને લઈને જતી એમ્બ્યુલન્સને અકસ્માત નડ્યો છે. આ અકસ્માતમાં એક વ્યક્તિનું મોત થયું છે જ્યારે અન્ય બે ઘાયલ થયા છે. અકસ્માત અંગેની ઘટનાની જાણ થતાં પોલીસે બનાવના સ્થળ પર પહોંચીને કાર્યવાહી શરુ કરી છે. જ્યારે ઘાયલોને લીંબડી હોસ્પિટલમાં સારવાર માટે ખસેડવામાં આવ્યા છે.

રાજકોટમાં યુકેથી આવેલા પ્રોફેસર ક્વોરન્ટાઈન થવાના બદલે વિદ્યાર્થીઓને મળવા પહોંચ્યા

મળતી વિગતો પ્રમાણે દર્દીને રાજકોટથી અમદાવાદ એમ્બ્યુલન્સમાં લાવવામાં આવી રહ્યા હતા, આ દરમિયાન ઓવરટેકિંગ વખતે અકસ્માત સર્જાયો હતો. જેમાં એમ્બ્યુલન્સમાં જે દર્દીને લઈ જવામાં આવી રહ્યા હતા તેમનું જ ઘટના સ્થળ પર મોત થઈ ગયું હતું. જ્યારે દર્દીની સાથે રહેલા બે સગા અકસ્માતમાં ગંભીર રીતે ઘાયલ થયા છે. જેમને હાલ લીંબડી સારવાર માટે ખસેડવામાં આવ્યા છે.

પ્રાથમિક તપાસમાં એવી વિગતો સામે આવી રહી છે કે લીંબડી-અમદાવાદ હાઈવે પર સરકારી એમ્બ્યુલન્સ રાજકોટથી અમદાવાદ સિવિલ આવી રહી હતી ત્યારે જનશાળા ગામના પાટિયા પાસે એમ્બ્યુલન્સને ઓવરટેકિંગ વખતે અકસ્માત નડ્યો હતો અને એમ્બ્યુલન્સ ખાડામાં ઉતરી ગઈ હતી. ઘાયલ થયેલા મૃતકના સગાને 108ની મદદથી સારવાર માટે ખસેડવામાં આવ્યા છે.

16 વર્ષની છોકરીએ ભણવાના બદલે ફોનનો ઉપયોગ પ્રેમી સાથે વાત કરવા કર્યો
આ અકસ્માત પછી ટ્રક ચાલક બનાવના સ્થળેથી નાસી છૂટ્યો હતો. પોલીસે ઘટના સ્થળ પર પહોંચીને કાર્યવાહી શરુ કરી છે. એમ્બ્યુલન્સના અકસ્માતના કારણે લીંબડી-અમદાવાદ હાઈવે પર ટ્રાફિક જામ થઈ ગયો હતો. પોલીસ દ્વારા ટ્રાફિકને પૂર્વવત કરીને ફરાર ટ્રક ડ્રાઈવરને ઝડપી પાડવા માટે કાર્યવાહી કરવામાં આવી રહી છે.

આ ઘટનાના કારણે મૃતકના પરિવાર પર આભ તૂટી પડ્યું છે. રાજકોટથી દર્દીને સારી સારવાર મળે તે માટે અમદાવાદ લાવવાની કામગીરી કરવામાં આવી રહી હતી. જોકે, દર્દીને સારવાર મળે તે પહેલા જ અકસ્માતમાં મોત થઈ ગયું છે. આ સિવાય દર્દીની સાથે જઈ રહેલા સગાને પણ ગંભીર ઈજાઓ થતા સારવાર માટે દાખલ કરવાની ફરજ પડી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here