rajkot professor quarantine: રાજકોટમાં યુકેથી આવેલા પ્રોફેસર ક્વોરન્ટાઈન થવાના બદલે વિદ્યાર્થીઓને મળવા પહોંચ્યા – rajkot professor broke quarantine guidelines in rajkot after return from the uk

0


હાઈલાઈટ્સ:

  • રાજકોટમાં પ્રોફેસરે ક્વોન્ટાઈન થવાના નિયમને તોડીને બેદરકારી દાખવી
  • UKથી પરત આવીને પ્રોફેસર વિદ્યાર્થીઓને મળવા માટે યુનિવર્સિટી પહોંચ્યા
  • સૌરાષ્ટ્ર યુનિવર્સિટીના પ્રોફેસર ડીજી કુબેરકર સામે ભરાઈ શકે છે કડક પગલા

રાજકોટઃ ગુજરાતના એક સહિત દેશભરમાં ઓમિક્રોન વેરિયન્ટથી સંક્રમિત દર્દીઓની સંખ્યા વધીને 23 થઈ ગઈ છે. આવામાં વિદેશથી આવતા મુસાફરોની તપાસ કર્યા બાદ તેમનો રિપોર્ટ પોઝિટિવ આવે કે પછી નેગેટિવ સાત દિવસ ક્વોરન્ટાઈન થવું પડે છે. આમ છતાં યુકેથી પરત આવેલા રાજકોટના પ્રોફેસરે ક્વોરન્ટાઈન નિયમ તોડીને યુનિવર્સિટી પહોંચી ગયા છે.

રાજકોટમાં સૌરાષ્ટ્ર યુનિવર્સિટીના પ્રોફેસર દ્વારા દાખવવામાં આવેલા બેદરકારી સામે સવાલ ઉઠી રહ્યા છે. પ્રોફેસર ડીજી કુબેરકરે ગાઈડલાઈન્સ પ્રમાણે ક્વોરન્ટાઈન થવાનું હતું પરંતુ તેઓ રિપોર્ટ નેગેટિવ આવતા યુનિવર્સિટીમાં વિદ્યાર્થીઓને મળવા માટે પહોંચી ગયા હતા. ગાઈડલાઈન્સ પ્રમાણે વિદેશી આવ્યા બાદ પણ રિપોર્ટ નેગેટિવ આવે તેમ છતાં હાઈરિસ્કના કારણે ક્વોરન્ટાઈન થવું ફરજિયાત છે.

ઓમિક્રોનના કારણે દિલ્હીમાં લોકડાઉન લાગુ કરાશે? સરકારે દૂર કર્યું કન્ફ્યુઝન

શું પ્રોફેસર સામે કોઈ પગલા ભરાશે?

સ્થાનિક મીડિયા રિપોર્ટ્સ મુજબ પોતાનો રિપોર્ટ નેગેટિવ આવી જતા પ્રોફેસર કુબેરકર ગાઈડલાઈન્સનું પાલન કરવાના બદલે વિદ્યાર્થીઓને મળવા માટે પહોંચી ગયા હતા. આમ કરીને તેમને વિદ્યાર્થીઓના જીવને જોખમમાં મૂક્યા હોવાની ચર્ચાઓ થઈ રહી છે. હવે સ્થાનિક વહીવટી તંત્ર દ્વારા બેદરકારી દાખવનારા પ્રોફેસર ડીજી કુબેરકર સામે શું ભગલા ભરવામાં આવે છે તે જોવાનું રહેશે.

વિદ્યાર્થીઓને સાચો માર્ગ બતાવવાનું કામ કરતા શિક્ષક દ્વારા જ ખોટું પગલું ભરવામાં આવ્યું છે ત્યારે આ મામલે લોકોને પણ સવાલ થઈ રહ્યા છે કે આ મામલે રાજકોટ મ્યુનિસિપલ કોર્પોરેશન દ્વારા પ્રોફેસર કુબેરકર સામે કોઈ પગલા ભરવામાં આવશે કે નહીં. મહત્વનું છે કે આ પ્રોફેસરના સાત દિવસ પછી ફરી રિપોર્ટ્સ કરવામાં આવશે અને આ દરમિયાન તેમાં ફેરફાર આવ્યા તો પ્રોફેસર જે વિદ્યાર્થીઓ અને સ્ટાફના સંપર્કમાં આવ્યા હશે તેઓને પણ ક્વારન્ટાઈન કરવામાં આવશે.

16 વર્ષની છોકરીએ ભણવાના બદલે ફોનનો ઉપયોગ પ્રેમી સાથે વાત કરવા કર્યો
ભારતમાં ઓમિક્રોનના કેસની સંખ્યા 23 થઈ

ભારતમાં સૌથી પહેલા કર્ણાટકમાં ઓમિક્રોનના બે કેસ નોંધાયા હતા, જે પછી ગુજરાતના જામનગરમાં એક કેસ નોંધાયો હતો. આ પછી મહારાષ્ટ્ર, જયપુર અને દિલ્હીમાં કેસ નોંધાયા જેમાં સૌથી વધારે મહારાષ્ટ્રમાં 10 અને જયપુરમાં 9 કેસ નોંધાયા છે. આ સિવાય પણ જે શંકાસ્પદ કેસ છે તેમના જીનોમ સિક્વન્સિંગ માટે સેમ્પલ મોકલવામાં આવ્યા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here