vadodara rape suicide case: વડોદરા કથિત ગેંગરેપ-આપઘાત કેસમાં આખરે ઓએસિસ સામે ગુનો નોંધાયો – 3 of vadodara oasis institute booked for covering up navsari girl alleged rape

0


હાઈલાઈટ્સ:

  • ગંભીર બનાવની જાણ હોવા છતાં ઓએસીસના જવાબદાર વ્યક્તિઓ દ્વારા માહિતી છુપાવાઈ હતી
  • સંસ્થાના મેનેજિંગ ટ્રસ્ટી પ્રીતિ શાહ ટ્રસ્ટી સંજીવ શાહ અને કર્મચારી વૈષ્ણવી ટાપરિયા સામે ફરિયાદ
  • 4 નવેમ્બરના રોજ મૂળ નવસારીની યુવતી વલસાડ રેલવે સ્ટેશન ખાતે ટ્રેનમાં મૃત હાલતમાં મળી હતી

વડોદરા: વડોદરા સ્થિત OASIS સંસ્થામાં કામ કરતા બે ટ્રસ્ટીઓ અને એક માર્ગદર્શક સામે ક્રાઈમ બ્રાન્ચ દ્વારા 18 વર્ષની છોકરી પર થયેલા કથિત સામૂહિક બળાત્કારને ઢાંકવાનો પ્રયાસ કરવા બદલ ગુનો નોંધવામાં આવ્યો છે, જેણીએ બાદમાં વલસાડ ખાતે ટ્રેનમાં આત્મહત્યા કરી લીધી હતી. પોલીસે જણાવ્યું કે, આરોપીઓ કથિત જાતીય શોષણથી વાકેફ હતા પરંતુ તેઓએ પોલીસ અથવા છોકરીના માતા-પિતાને જાણ કરી ન હતી.

ક્રાઈમ બ્રાન્ચના અધિકારીઓએ કહ્યું કે જો સંસ્થાના મેનેજમેન્ટે સક્રિય રીતે કાર્યવાહી કરી અને પોલીસને જાણ કરી હોત તો યુવતીનો જીવ બચાવી શકાયો હોત. પોલીસે વધુમાં જણાવ્યું કે, ‘અમે મેનેજિંગ ટ્રસ્ટી પ્રીતિ શાહ, ટ્રસ્ટી સંજીવ શાહ અને કર્મચારી વૈષ્ણવી ટાપરિયા સામે IPC કલમ 114, 176 અને 202 હેઠળ ગુનો નોંધ્યો છે. ત્રણેયની ટૂંક સમયમાં પૂછપરછ કરવામાં આવશે અને તેમની સામે કાર્યવાહી શરૂ કરવામાં આવશે.’

તપાસમાં જાણવા મળ્યું કે યુવતી છેલ્લા બે વર્ષથી સંસ્થામાં સ્ટોર મેનેજર તરીકે કામ કરવા ઉપરાંત કોર્સ કરી રહી હતી. ક્રાઈમ બ્રાન્ચના અધિકારીએ જણાવ્યું કે, ‘વેક્સિન ઇન્સ્ટિટ્યૂટ ગ્રાઉન્ડમાં તેણી પર કથિત રીતે બળાત્કાર થયા બાદ છોકરીએ સંસ્થાના ટ્રસ્ટીઓ અને અન્ય છોકરીઓને જાણ કરી હતી. જો તેઓએ પોલીસને જાણ કરી હોત તો અમે પુરાવા એકઠા કરી શક્યા હોત અને આરોપીઓને પકડી શક્યા હોત. ઉપરાંત, જ્યારે તપાસ શરૂ થઈ ત્યારે ટ્રસ્ટીઓએ સહકાર આપ્યો ન હતો અને દસ્તાવેજી પુરાવા રજૂ કરવામાં અનિચ્છા દર્શાવી હતી.’

ગેંગરેપ-આપઘાત કેસઃ FSL રિપોર્ટમાં યુવતી પર દુષ્કર્મ ન થયુ હોવાનો ઘટસ્ફોટ

છોકરીની આત્મહત્યા પછી સંસ્થા વિરુદ્ધ ઘણી ફરિયાદો કરવામાં આવી હતી, જેના પગલે શહેર પોલીસ કમિશનર શમશેર સિંહે OASIS વિરુદ્ધ તપાસના આદેશ આપ્યા હતા. બાળકીની માતાએ પણ OASIS સંસ્થા પર તેની પુત્રીના મોતનો આરોપ લગાવ્યો હતો અને મેનેજમેન્ટ સામે કાર્યવાહી કરવાની માંગ કરી હતી. ઉલ્લેખનીય છે કે, મૂળ નવસારીની યુવતી 4 નવેમ્બરે વલસાડ રેલવે સ્ટેશન પર ગુજરાત ક્વીન એક્સપ્રેસ ટ્રેનમાંથી મૃત હાલતમાં મળી આવી હતી.

તપાસ દરમિયાન પોલીસને તેણીની બેગમાંથી એક ડાયરી મળી જેમાં તેણીએ લખ્યું હતું કે 29 ઓક્ટોબરના રોજ વડોદરામાં વેક્સીન ઇન્સ્ટીટ્યુટ ગ્રાઉન્ડમાં બે ઓટો-ડ્રાઇવર્સ દ્વારા તેણીનું જાતીય શોષણ કરવામાં આવ્યું હતું. પોલીસે આ કેસમાં તપાસ શરૂ કરી હતી અને આરોપીઓને શોધવા માટે શોધખોળ શરૂ કરી હતી. પરંતુ સેંકડો ઓટો ચાલકોની પૂછપરછ અને સીસીટીવી ફૂટેજ સ્કેન કરવા છતાં પોલીસ હજુ સુધી આરોપીનો કોઈ સુરાગ મેળવી શકી નથી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here