sister came to marry her brother on bullet: મણિનગરમાં ભાઈને પરણાવા બહેન બુલેટ પર બેસાડી બેન્ડ બાજા સાથે જાન લઈને આવી – sister came to marry her brother on bullet bike with band baja in maninagar

0


| I am Gujarat | Updated: Dec 7, 2021, 8:41 PM

મણિનગરમાં ભાઈને પરણાવા માટે બહેન બુલેટ પર બેસાડીને વાજતે ગાજતે જાન લઈને આવી હતી. આવી જાન જોઈને રસ્તા પરથી પસાર થઈ રહેલાં લોકો પણ થોડી વાર માટે ઊભા રહી ગયા હતા

 

હાઈલાઈટ્સ:

  • મણિનગરમાં લગ્નની જાનમાં જોવા મળ્યો અનોખો નજારો, જોઈને સૌ કોઈ ચોંકી ગયા
  • ભાઈને પરણાવા માટે બહેન બુલેટ પર બેસાડી બેન્ડ બાજા સાથે જાન લઈને આવી હતી
  • વરરાજા પરણ્યા બાદ લગ્નમંડપથી કન્યાને બુલેટ પર બેસાડીને પોતાના ઘરે લઈ ગયો હતો

અમદાવાદઃ ગુજરાતમાં હાલ લગ્નની સિઝન જામી છે. ત્યારે અમદાવાદમાં ઠેર ઠેર લગ્નનો માહોલ જામ્યો છે. લગ્નોમાં હાલ વિવિધ ટ્રેન્ડ જોવા મળતા હોય છે. લગ્નમાં બુલેટ પર વરરાજા કે દુલ્હનની એન્ટ્રી, હેલિકોપ્ટરમાં એન્ટ્રી, ઘોડા પર એન્ટ્રી કે અન્ય કોઈ રીતે એન્ટ્રી કરવાનો હાલ ટ્રેન્ડ જામ્યો છે. ત્યારે અમદાવાદના મણિનગરમાં યોજાયેલા એક લગ્નમાં અલજ જ નજારો જોવા મળ્યો હતો. અહીં એક બહેન પોતાના ભાઈને પરણાવા માટે નીકળી ત્યારે અનોખી સ્ટાઈલમાં જોવા મળી હતી. બહેન પોતાના ભાઈને બુલેટ પર બેસાડીને બેન્ડ બાજા સાથે પરણવા માટે જાન લઈને આવી હતી. ત્યારે આ નજારો જોવા માટે ત્યાંથી પસાર થઈ રહેલાં લોકો પણ થોડી વાર માટે ઊભા રહી ગયા હતા.
દુલ્હન મંડપમાં રાહ જોતી રહી ગઈ અને પ્રેમિકા વરરાજાને લગ્ન સ્થળેથી ભગાડી ગઈ
આ નજારો મણિનગરના ગોરના કુવાના પાર્ટી પ્લોટમાં જોવા મળ્યો હતો. અહીં બહેન શ્વેતા વરરાજા બનેલા તેના ભાઈને બુલેટ પર વાજતે ગાજતે બેન્ડ બાજા સાથે પરણવા માટે જાન લઈને આવી હતી. શ્વેતા પોતે બુલેટ ચલાવી રહી હતી અને વરરાજા બનેલો ભાઈ પાછળ બેઠો હતો. બહેને આ રીતે બેન્ડ બાજા સાથે જાન લઈને પોતાના ભાઈને પરણાવા માટે આવી હતી. ત્યારે આ દ્રશ્યો જોવા માટે ત્યાંથી પસાર થઈ રહેલાં વાહન ચાલકો સહિત અન્ય લોકો પણ થોડી વાર માટે ઊભા રહી ગયા હતા.
લગ્નમાં અચાનક પહોંચ્યો પ્રેમી, વરરાજાની સામે જ દુલ્હનના સેથામાં ભર્યુ સિંદૂર
થોડી વાર પછી લગ્ન પૂર્ણ થયા હતા. ત્યારબાદ વરરાજા પાર્થ સોનવણે કન્યા શિવાની બાવિષ્કારને બુલેટ પર બેસાડીને લગ્નમંડપમાંથી પરણીને પોતાના ઘરે લઈ ગયો હતો. આ દ્રશ્યો જોઈને ત્યાંથી પસાર થતા રાહદારીઓ પણ ઘડીવાર માટે આશ્ચર્યમાં મૂકાઈ ગયા હતા. વરરાજા બનેલો પાર્થ સોનવણે લગ્નના દિવસે કન્યા શિવાનીને સરપ્રાઈઝ આપવા માગતો હતો. એટલે તેણે કેટલાય દિવસોથી વિચારી રાખ્યું હતું. આખરે તે નવી બુલેટ બાઈક લાવ્યો હતો. આ બુલેટ તેની બહેન શ્વેતાએ ચલાવી હતી અને પાર્થને પાછળ બેસાડ્યો હતો. પાર્થની આ સરપ્રાઈઝ જોઈને કન્યા પક્ષના લોકો પણ ચોંકી ગયા હતા. આ રીતે વરરાજાની બહેન સાથેની એન્ટ્રી અને કન્યાને લઈ જવાની સ્ટાઈલ જોઈને સૌ કોઈ નવાઈ પામ્યા હતા.

અમદાવાદની સિવિલ હોસ્પિટલમાં ઓમિક્રોન આઇસોલેશન વોર્ડ શરૂ કરાયો

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : sister came to marry her brother on bullet bike with band baja in maninagar
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here