young man injured in firing in vastral: વસ્ત્રાલ રિંગ રોડ પર ફાયરિંગ, યુવકને માથાના ભાગે ગોળી વાગતા સારવાર હેઠળ – young man injured in firing on vastral ring road ahmedabad

0


| I am Gujarat | Updated: Dec 7, 2021, 9:23 PM

વસ્ત્રાલ રિંગ રોડ પર આવેલી વૃંદાવન સ્કાયલાઈનમાં ફાયરિંગની ઘટનાથી ચકચાર મચી ગઈ છે. યુવકને માથાના ભાગે ગોળી વાગતા સારવાર માટે હોસ્પિટલમાં ખસેડવામાં આવ્યો હતો

 

હાઈલાઈટ્સ:

  • વસ્ત્રાલ રિંગ રોડ પર આવેલી વૃંદાવન સ્કાયલાઈનમાં ફાયરિંગની ઘટના
  • યુવક પર ફાયરિંગ કરીને આરોપી શખ્સ ઘટના સ્થળેથી ફરાર થયો
  • સોસાયટીના મેઈન્ટેનન્સને લઈને ચાલી રહેવા વિવાદમાં ફાયરિંગ થયુ હોવાની ચર્ચા

અમદાવાદઃ શહેરમાં કાયદો અને વ્યવસ્થાની સ્થિતિ ધીરે ધીરે કથળી રહી હોય એવું લાગી રહ્યું છે. શહેરમાં દિવસે ને દિવસે ગુનાખોરીમાં વધારો થઈ રહ્યો છે. અસામાજીક તત્વોને પોલીસનો જરાય ડર ન રહ્યો હોય એવું લાગી રહ્યું છે. ત્યારે અમદાવાદના વસ્ત્રાલ રિંગ રોડ પર આવેલી વૃંદાવન સ્કાયલાઈનમાં આજે બપોરે ફાયરિંગની ઘટના સામે આવી છે. આ ફાયરિંગમાં યુવકને માથાના ભાગે ગોળી વાગતા તે ઘાયલ થયો હતો. જે બાદ સારવાર માટે યુવકને હોસ્પિટલ ખસેડવામાં આવ્યો હતો.

આ ઘટના રામોલ પોલીસ સ્ટેશન અંતર્ગત આવતા વસ્ત્રાલ રિંગ રોડ પર આવેલી વૃંદાવન સ્કાયલાઈનની છે. આજે બપોરે અહીં ઈશ્વર ઠાકોર નામના યુવક પર ફાયરિંગ થયુ હતુ. પ્રદીપ રાજપૂત નામનો શખ્સ ઈશ્વર ઠાકોર પર ફાયરિંગ કરીને ફરાર થયો હતો. પ્રદીપ રાજપૂતે પોઈન્ટ બ્લેન્ક રેજન્થી ગોળી મારી હતી. જે બાદ ઈશ્વાર ઠાકોરને માથાના ભાગે ગોળી વાગતા તે લોહી લુહાણ હાલતમાં ઢળી પડ્યો હતો.
મહેસાણામાં સ્પાની આડમાં ચાલતું કુટણખાનું ઝડપાયું, બે શખ્સની ધરપકડ
આ ઘટના બાદ સ્થાનિક લોદો દોડી આવ્યા હતા. બાદમાં ઈજાગ્રસ્ત યુવકને સારવાર માટે હોસ્પિટલ ખસેડવામાં આવ્યો હતો. બનાવના પગલે સ્થાનિક લોકોના ટોળે ટોળા ઉમટ્યા હતા. જે બાદ અહીં ટ્રાફિકની ભારે સમસ્યા સર્જાઈ હતી. ઘટનાની જાણ થતા ઉચ્ચ પોલીસ અધિકારીઓ સહિતનો કાફલો ઘટના સ્થળે દોડી આવ્યો હતો. પોલીસે આ મામલે હત્યાના પ્રયાસ સહિતની કલમ હેઠળ ગુનો નોંધીને આરોપીને ઝડપી પાડવા માટે ચક્રો ગતિમાન કર્યા હતા.
‘ગે’ સાથે મિત્રતા કરી રાજકોટની જાણિતી ધાર્મિક સંસ્થાનો સેવક જોરદાર ફસાયો
જો કે, આ ફાયરિંગ કયા કારણોસર કરવામાં આવ્યું હતું તે હજુ સુધી જાણવા મળ્યું નથી. ત્યારે સ્થાનિકોમાં એવી ચર્ચા છે કે, સોસાયટીના મેઈન્ટેનન્સને લઈને છેલ્લાં કેટલાંક સમથી માથાકૂટ ચાલી રહી હતી. આ માથાકૂટને લઈને ફાયરિંગ કર્યુ હોવાની ચર્ચા ચાલી રહી છે. પોલીસનું કહેવું છે કે, ઈજાગ્રસ્ત ઈશ્વર ઠાકોર અને ફાયરિંગ કરનારો શખ્સ પ્રદીપ રાજપૂત બંને વૃંદાવન સ્કાયલાઈનના જ રહેવાસી છે. પોલીસનું કહેવું છે કે, બંને પક્ષો વચ્ચે સોસાયટીના મેનેજમેન્ટને લઈને ઝઘડો ચાલી રહ્યો હતો. ત્યારે પોલીસે આ મામલે ગુનો નોંધીને આગળની કાર્યવાહી હાથ ધરી છે.

ભાવનગરમાં રખડતા ઢોરનો આતંક, વ્યક્તિ પર હુમલાની ઘટના CCTVમાં કેદ

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : young man injured in firing on vastral ring road ahmedabad
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here