ramol police: 50 વર્ષીય વ્યક્તિની હત્યા કરનારો આરોપી ઝડપાયો, મેન્ટેનન્સ બાબતે થઈ હતી માથાકૂટ – ahmedabad a resident fired two rounds at committee over maintenance due ramol police nabbed him

0


હાઈલાઈટ્સ:

  • હાઉસિંગ સોસાયટીમાં રહેતા રહીશે કમિટી મેમ્બરની ગોળી મારીને કરી હત્યા
  • આરોપીએ મેન્ટેનન્સ ન ભર્યું હોવાથી તેમના ઘરે ઉઘરાણી માટે ગયા હતા મૃતક
  • અમરાઈવાડીમાંથી બસ પકડીને રાજ્ય બહાર ભાગવાની તૈયારીમાં હતો આરોપી

અમદાવાદઃ શહેરના રામોલ વિસ્તારમાં 50 વર્ષીય વ્યક્તિની તેની જ હાઉસિંગ સોસાયટીમાં રહેતા રહીશે ગોળી મારીને હત્યા કરી દીધી હતી. મંગળવારે સાંજે શહેર ક્રાઈમ બ્રાંચના અધિકારીઓએ તેની ધરપકડ કરી હતી.

ક્રાઈમ બ્રાંચ અધિકારીઓના જણાવ્યા પ્રમાણે, ઈશ્વર ઠાકોર વૃંદાવન સ્કાઈલાઈન ફ્લેટ્સમાં રહેતા હતા, જ્યાં આરોપી પ્રદીપ રાજપૂત પણ રહે છે. ઠાકોર હાઉસિંગ સોસાયટીની કમિટીના મેમ્બર હતા. રાજપૂતે છેલ્લા ત્રણ મહિનાથી મેન્ટેનન્સ ન ભર્યું હોવાથી ઠાકોર તેમના ઘરે ઉઘરાણી કરવા માટે ગયા હતા.

‘મારો તો નવ કરોડનો બંગલો છે’, કોલેજીયન યુવતીને આંબલા-આંબલી દેખાડી બદકામ કર્યું
પૈસા આપવાના બદલે રાજપૂત ઠાકોર પર ગુસ્સે થઈ ગયો હતો અને સોસાયટીમાં યોગ્ય સુવિધા પૂરી ન પાડવામાં આવતી હોવાનું કહીને ગાળો ભાંડવાનું શરૂ કરી દીધું હતું. ઝઘડો હિંસામાં પરિણમ્યો હતો જ્યારે રાજપૂતે તેની પિસ્તોલ બહાર કાઢી હતી અને ઠાકોર પર બે રાઉન્ડ ફાયરિંગ કર્યું હતું.

એક બુલેટ ઠાકરોની ડાબી બાજુની આઈબ્રો પર પર વાગી હતી અને તેઓ ઢળી પડ્યા હતા. રાજપૂત બાદમાં ભાગી ગયો હતો. ઠાકોરને મણિનગરમાં આવેલી એલજી હોસ્પિટલમાં લઈ જવામાં આવ્યા હતા, જ્યાં તેમને સારવાર દરમિયાન મૃત જાહેર કરાયા હતા, તેમ રામોલ પોલીસના એક અધિકારીએ કહ્યું હતું.

ગિફ્ટ સિટી માટે દેશ-વિદેશમાંથી ટેલેન્ટને આકર્ષવા દારુબંધીમાં છૂટ આપવા વિચારણા
શહેર ક્રાઈમ બ્રાંચની ટીમને મોબાઈલ ફોનનો લોકેશનના આધારે રાજપૂતને પકડવાનો આદેશ આપવામાં આવ્યો હતો અને હ્યુમન ઈન્ટેલિજન્સે તેને અમરાઈવાડી વિસ્તારમાંથી પકડી પાડ્યો હતો.

ક્રાઈમ બ્રાંચના અધિકારીઓએ કહ્યું હતું કે, રાજપૂતની જ્યારે ધરપકડ કરવામાં આવી ત્યારે તે બસ પકડીને રાજ્ય બહાર ભાગી જવાની ફિરાકમાં હતો. પોલીસ અધિકારીઓએ જણાવ્યું હતું કે, રાજપૂત વસ્ત્રાલ વિસ્તારમાં મેડિકલ સ્ટોર ચલાવે છે. રામોલ પોલીસે તેમની સામે હત્યા અને આર્મ્સ એક્ટના ભંગ હેઠળનો ગુનો નોંધી આગળની તપાસ શરૂ કરી હતી. રાજપૂતની અગાઉ નિકોલ પોલીસ દ્વારા હત્યાનો પ્રયાસ અને આર્મ્સ એક્ટના ભંગ હેઠળ 2017માં ધરપકડ કરવામાં આવી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here