Gujarati Shot Dead in USA: અમેરિકાના કોલંબસમાં મૂળ નડિયાદના યુવકની ગોળી મારીને હત્યા કરાઈ – young man from nadiad shot dead in columbus usa

0


નડિયાદ: અમેરિકામાં વધુ એક ગુજરાતીની હત્યાના સમાચાર સામે આવ્યા છે. પ્રાપ્ત માહિતી પ્રમાણે અમેરિકાના કોલંબસમાં મૂળ નડિયાદના યુવકને ગોળી મારીને હત્યા કરી દેતા પરિવાર અને સમાજમાં શોકનું મોજું ફરી વળ્યું છે. મીડિયા રિપોર્ટ મુજબ નડિયાદનો યુવક બેન્કમાં રૂપિયા ભરવા જતો હતો ત્યારે અજાણ્યા શખ્સોએ ગોળી મારીને ફરાર થઈ ગયા હતા.

પુત્રીના જન્મદિવેસ જ પિતાની હત્યા
ફાયરિંગમાં મોતને ભેટનાર અમિતભાઈને એક 3 વર્ષની દીકરી છે. સોમવારે તેનો જન્મદિવસ હતો. દરમિયાન અમિતભાઈ નિત્યક્રમ પ્રમાણે બેંકમાં નાણા ભરવા માટે ગયા હતા. તે સમયે અજાણ્યા શખ્સો બેંક પરિસરમાં જ હત્યા કરીને ફરાર થયા હતા. જન્મદિવસે જ પિતાની હત્યા થતાં પરિવારજનો આઘાતમાં શરી પડ્યા છે.

પ્રાપ્ત માહિતી અનુસાર નડિયાદ મહાગુજરાત હોસ્પિટલ નજીક આવેલી સોસાયટીમાં અમિતભાઈ પટેલનું ઘર છે. અમિતભાઈ પરિવાર સાથે વર્ષ 2003થી અમેરિકામાં સ્થાયી થયા હતા. દરમિયાન 2010માં અમિતભાઈ પરિવાર સાથે કોલંબસ રહેવા ગયા હતા. ત્યાં તેઓ ગેસ સ્ટેશન ચલાવીને પરિવારનું ભરણપોષણ કરતા હતા. દરમિયાન રવિવાર તથા સોમવાર સવાર સુધીની સીલક લઈને બેંકમાં પોતાની કાર લઈને ભરવા ગયા હતા. તેઓ બેંક નજીક કાર પાર્ક કરીને નાણા ભરવા જતા હતા ત્યારે અજાણ્યા શખ્સોએ છાતીમાં ગોળી મારીને હત્યા કરીને ફરાર થયા હતા.

બનાવની જાણ થતાં સ્થાનિક પોલીસ ઘટનાસ્થળે પહોંચી હતી અને સીસીટીવી ફુટેજની મદદથી હુમલાખોરોની શોધખોળ હાથ ધરી છે. ઉલ્લેખનીય છે કે, થોડા દિવસો પહેલા જ અમેરિકામાં ગુજરાતીની હત્યાની ઘટના બની હતી. જેમાં ગુજરાતી મૂળના પોલીસ અધિકારીને ગોળી મારીને કરપીણ હત્યા કરવામાં આવી હતી. ઘટનાની વિગતો એવી છે કે, અમેરિકાના જ્યોર્જિયામાં પોલીસ ઓફિસર તરીકે ફરજ બજાવતાં ગુજરાતી મૂળના 38 વર્ષના પરમહંસ દેસાઈ ઘરેલું હિંસાના એક કેસમાં આરોપીની ધરપકડ કરવા ગયા હતા. આ દરમિયાન આરોપી તેમને ગોળી મારીને ફરાર થઈ ગયો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here