policeman beat pregnant woman in ahmedabad: સગર્ભાને ફટકારનાર પોલીસકર્મી સામે ફરિયાદ, મહિલા ACPને સોંપાઈ તપાસ – fir against policeman who beat pregnant woman in ahmedabad investigation handed over to female acp

0


હાઈલાઈટ્સ:

  • મહિલાએ હાઈકોર્ટમાં અરજી કર્યા બાદ HCના આદેશ અનુસાર ફરિયાદ નોંધવામાં આવી
  • સમગ્ર મામલે મહિલા ક્રાઈમ બ્રાન્ચના એસીપી મિની જોસેફને તપાસ સોંપવામાં આવી છે
  • 5kg સફરજન મફત માગતા મહિલાએ પૈસા આપવાનું કહ્યું તો પોલીસકર્મી ઉશ્કેરાયો હતો

અમદાવાદ: શહેરના નિકોલ વિસ્તારમાં સગર્ભા મહિલાને ફટકારનાર પોલીસકર્મી સામે ફરિયાદ થતાં ક્રાઈમ બ્રાન્ચના મહિલા ACP મિની જોસેફને તપાસ સોંપવામાં આવી છે. પ્રાપ્ત માહિતી અનુસાર વર્ષ 2019માં વિરાટનગર નજીક ફ્રૂટની લારી લગાવી વેપાર કરવારા લોકો પાસે એક સરકારી ગાડી આવીને ઉભી રહી હતી. તેમાં બેસેલા એક પોલીસકર્મીએ 5 કિલો સફરજન મફત માંગ્યા હતા. જો કે, લારીવાળા બહેને પડતર કિંમત માંગી એક કિલો સફરજન આપ્યા હતા. જેથી પોલીસકર્મીએ ઉશ્કેરાઈને મહિલા ગર્ભવતી હોવા છતાંય તેને લાકડીથી ફટકારી હતી.

આખરે મામલો હાઈકોર્ટ સુધી પહોંચતા આ મામલે ફરિયાદ નોંધાઈ છે અને મહિલા ક્રાઈમ બ્રાન્ચના મહિલા એસીપીને તપાસ સોંપવામાં આવી હોવાનું જાણવા મળ્યું છે. ફરિયાદ મુજબ ઓઢવ પમ્પિંગ સ્ટેશન પાસમે રહેતા મુન્ની બહેન પટણી પતિ અને બાળકો સાથે વિરાટનગરમાં રહે છે. તેમના પતિ વિરાટનગરમાં ફ્રૂટની લારી રાખીને વેપાર કરે છે. દરમિયાન 2019માં તેઓ કેનાલ નજીક ફ્રૂટની લારી રાખીને ઉભા હતા ત્યારે નિકોલ પોલીસ સ્ટેશનની સરકારી જીપ મફત ફ્રૂટ લેવા આવી હતી.

સરકારી ગાડીમાં 3 પોલીસકર્મી હાજર હતા. જેમાંથી એક પોલીસ કોન્સ્ટેબલે પાંચ કિલો મફત સફરજન માંગ્યા હતા. મુન્ની બહેને એક કિલો સફરજન આપ્યા હતા. બાદમાં તેઓએ મૂળ ભાવ માંગતા પોલીસ કર્મચારી ઉશ્કેરાઈ ગયો હતો અને લારીની બાજુમાં બેસેલા મુન્ની બહેનના પતિને ગાળો બોલી જણાવ્યું કે, તારે પૈસા લેવાના છે? કહી ગાળો બોલી હતી. મુન્ની બહેનના માતા બાજુમાં શાકભાજી વેચતા હતા તેમને પણ લાફો મારીને અપમાન કર્યું હતું.

આ દરમિયાન મુન્ની બહેન પોતાના મોબાઈલમાં વિડીયો ઉતારતા પોલીસ કર્મચારીઓએ ફોન પર લાકડી મારતા ફોન નીચે પડી ગયો હતો. મુન્ની બહેન સગર્ભા હોવા છતાંય તેમને પેટના ભાગે લાકડીઓ મારી હતી. જેથી તેમને તાત્કાલિક સારવાર માટે હોસ્પિટલ ખસેડવામાં આવ્યા હતા. જો કે, પોલીસકર્મીઓ મુન્નીબહેનના પતિને માલ સામાન સાથે નિકોલ પોલીસ સ્ટેશન લઈ ગયા હતા. મુન્ની બહેનની માતાએ ફરિયાદ કરવાનું કહેવા છતાંય નિકોલ પોલીસે ફરિયાદ લીધી નહોતી અને તેઓને સેન્ટ્રલ જેલ મોકલી દીધા હતા. સમગ્ર મામલો હાઈકોર્ટમાં જતાં હાઈકોર્ટના ફરિયાદના આદેશ બાદ ફરિયા કરરવા જતાં દિલિપસિંહ નામના પોલીસ કર્મચારી તથા તેની સાથેના સામે ફરિયાદ નોંધવામાં આવી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here