‘મથુરાના શાહી ઈદગાહમાં ભગવાન કૃષ્ણની આરતી કરીશું’, હિન્દુ મહાસભાએ કરી જાહેરાત – akhil bharat hindu mahasabha announces to perform aarti in shahi eidgah

0


હાઈલાઈટ્સ:

  • મથુરામાં પાછલા થોડા સમયથી વાતાવરણ સંવેદનશીલ બન્યું છે.
  • અખિલ ભારતીય હિન્દુ મહાસભાએ આરતી કરવાની જાહેરાત કરી.
  • શાહી ઈદગાહમાં કૃષ્ણ આરતી કરવા માંગે છે હિન્દુ મહાસભા.

આગ્રા- મથુરામાં પાછલા થોડા સમયથી વાતાવરણ સંવેદનશીલ બની ગયું છે. આ દરમિયાન અખિલ ભારત હિન્દુ મહાસભાએ જાહેરાત કરી છે કે, તેઓ 10મી ડિસેમ્બરના રોજ મથુરાના શાહી ઈદગાહમાં 10 મિનિટ સુધી ભગવાન કૃષ્ણની આરતી કરશે. આટલું જ નહીં, તેમણે ધમકી આપી છે કે જો પ્રશાસન તરફથી તેમને રોકવાનો પ્રયત્ન કરવામાં આવશે તો રાષ્ટ્રવ્યાપી વિરોધ પ્રદર્શન કરવામાં આવશે.

ઉલ્લેખનીય છે કે આ પહેલા હિન્દુ મહાસભાએ છઠ્ઠી ડિસેમ્બરના રોજ શાહી ઈદગાહમાં મૂર્તિ સ્થાપિત કરવાની જાહેરાત કરી હતી. નોંધનીય છે કે છ ડિસેમ્બર 1992ના રોજ અયોધ્યામાં બાબરી મસ્જિદ ધ્વસ્ત કરવામાં આવી હતી. પરંતુ સ્થાનિક પ્રશાસન તરફથી મંજૂરી ન મળવાને કારણે મૂર્તિ સ્થાપિત કરવાના કાર્યક્રમને રદ કરવામાં આવ્યો હતો.

નાગાલેન્ડ ફાયરિંગ: બે માસની પુત્રીએ પિતા ગુમાવ્યા, નવોઢાએ પતિ, ક્રિસમસ પહેલા ઓટીંગમાં માતમ

ડિસ્ટ્રિક્ટ મેજિસ્ટ્રેટ(ડીએમ)ને પત્ર લખીને અખિલ ભારતીય હિન્દુ મહાસભાના રાષ્ટ્રીય અધ્યક્ષ રાજ્યશ્રી ચૌધરીએ કહ્યું કે, શાંતિ ડહોળાય નહીં તે કારણ જણાવીને છ ડિસેમ્બરના રોજ બાળગોપાલજીની પ્રતિમાને તેમના જન્મસ્થળમાં પ્રવેશવાની મંજૂરી આપવામાં નહોતી આવી. હવે અમારી પ્રશાસનને વિનંતી છે કે 10મી ડિસેમ્બરના રોજ વિશ્વ માનવ અધિકાર દિવસ હોવાને કારણે અમને 10 મિનિટ માટે ભગવાન કૃષ્ણના જન્મસ્થળે આરતી કરવાની મંજૂરી આપવામાં આવે.

એસએસપી ગૌરવ ગ્રોવર જણાવે છે કે, પોલીસને આ પ્રકારની કોઈ અરજી હજી સુધી મળી નથી. અમે આ પ્રકારના કોઈ કાર્યક્રમને પહેલા પણ મંજૂરી નહોતી આપી અને ભવિષ્યમાં પણ નહીં આપીએ. ડિસ્ટ્રિક્ટ મેજીસ્ટ્રેટ નવનીત સિંહે કહ્યું કે, શહેરની શાંતિ જળવાઈ રહે તે જરુરી છે અને અમે કોઈને આ પ્રકારની પ્રવૃત્તિની મંજૂરી નહીં આપીએ. શહેરના શાંતિપૂર્વક વાતાવરણને ડહોળવાનો પ્રયત્ન કરનારા લોકો વિરુદ્ધ કડક પગલા લેવામાં આવશે.

બુલેટ પર ફિલ્મી સ્ટાઈલમાં કલર કરવો ભારે પડ્યો, ટ્રાફિક પોલીસે પકડાવ્યો 9,000નો મેમો
ઉલ્લેખનીય છે કે ગત વર્ષે લખનઉના એક વકીલ અને પાંચ અન્ય લોકોએ મથુરા ડિસ્ટ્રિક્ટ કોર્ટમાં અપીલ કરી હતી કે જે સ્થળ પર મસ્જિદ છે ત્યાં ભગવાન કૃષ્ણનો જન્મ થયો હતો. તેમણે આ સ્થળ પર મંદિર બનાવવાની માંગ કરી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here