resident doctors strike in gujarat: રેસિડેન્ટ ડોક્ટરોની હડતાલ: માંગણી પૂરી ન થતાં કોરોના, ઈમરજન્સી સેવાઓ બંધ – resident doctors strike gujarat corona and emergency services shut down

0


હાઈલાઈટ્સ:

  • પ્રશ્ન ઉકેલવા અલ્ટીમેટમ આપવા છતાં સરકારે કાર્યવાહી ન કરતા રેસિડેન્ટ ડોક્ટર્સમાં રોષ
  • રેલી, સૂત્રોચ્ચાર કરીને વિરોધ પ્રદર્શન કર્યું, રાજ્યના તમામ હોસ્પિ.ના ડોક્ટર્સ પણ જોડાશે
  • અસારવા સિવિલ હોસ્પિટલ ખાતે ડોક્ટર્સ હડતાલ પર, સાંજ પછી ઈમરજન્સી સેવા ઠપ

અમદાવાદ: કોરોનાના નવા વેરિયન્ટ ઓમિક્રોનની દહેશત વચ્ચે રેસિડેન્ટ ડોક્ટરો હડતાલ પર ઉતરી ગયા છે. આ ડોક્ટરોએ પોતાની માંગણી રજૂ કરીને તેને પૂરી કરવા માટે સરકારને યોગ્ય સમય આપવા છતાંય આરોગ્ય વિભાગ કે સરકાર દ્વારા કોઈ હકારાત્મક અભિગમ સુધ્ધા અપનાવવામાં આવ્યો નથી. જેના કારણે રેસિડેન્ટ ડોક્ટરોનું આક્રમણ વલણ જોવા મળી રહ્યું છે. પ્રાપ્ત માહિતી અનુસાર અસારવા સિવિલ હોસ્પિટલ ખાતે રેસિડેન્ટ તબીબો હડતાલ પર બેઠા છે. ઓપીડી કાર્યરત ડોક્ટરો પણ તેમના સમર્થનમાં જોડાતા કેટલીક ઈમરજન્સી સેવાઓ પણ ઠપ થઈ ગઈ હોવાનું સામે આવ્યું છે.

રેલી, સૂત્રોચ્ચાર કરીને વિરોધ પ્રદર્શન
મીડિયા રિપોર્ટ મુજબ સરકારી હોસ્પિટલમાં ફરજ બજાવતા રેસિડેન્ટ ડોક્ટર્સ દ્વારા પોતાની માંગણીઓ રજૂ કરી તેને પૂરી કરવા માટે સરકારને મંગળવાર સાંજે 5 વાગ્યા સુધીનો સમય આપવામાં આવ્યો હતો. આ દરમિયાન રૂટિન કામગીરીનો બહિષ્કાર કરીને ડોક્ટરોએ રેલી અને સૂત્રોચ્ચાર કરીને રોષ વ્યક્ત કર્યો હતો. પરંતુ પાંચ વાગ્યા સુધીમાં પણ સરકાર તરફથી કોઈ સમાધાનકારી વલણ માટે કાર્યવાહી કરવામાં ન આવતા રેસિડેન્ટ ડોક્ટરોએ કોરોના અને ઈમરજન્સી સહિતની કામગીરી બંધ કરી દીધી હતી.

રાજ્યની તમામ હોસ્પિટલના રેસિડેન્ટ ડોક્ટર્સ હડતાલમાં જોડાશે
પ્રાપ્ત માહિતી પ્રમાણે સિવિલ હોસ્પિટલ, એનએચએલ, સુરત મ્યુનિ. મેડિકલ કોલેજના રેસિડેન્ટ ડોક્ટરો હડતાલ પર ઉતર્યા છે. આજથી રાજકોટ, જુનાગઢ સહિતની તમામ સરકારી મેડિકલ કોલેજ અને હોસ્પિટલના ડોક્ટરો પણ હડતાલમાં જોડાશે અને જ્યાં સુધી સરકાર દ્વારા નવા સહાયક નિયુક્તિની માંગણી સ્વીકારવામાં નહીં આવે ત્યાં સુધી આંદોલન ચાલુ રાખવાની જાહેરાત કરવામાં આવી છે. એટલું જ નહીં, આજથી સવાર-સાંજ ધરણા પ્રદર્શન તેમજ કોઈ કામગીરી ન કરવા પણ એલાન કરવામાં આવ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here