bipin rawat helicopter: તમિલનાડુ હેલિકોપ્ટર ક્રેશ: દેશને ચોંકાવનારી આ ઘટનાના અત્યારસુધીના અપડેટ્સ – latest updates on cds bipin rawat helicopter crash in tamilnadu

0


હાઈલાઈટ્સ:

  • એરફોર્સનું હેલિકોપ્ટર MI-17V5 એરફોર્સ બેસથી વેલિંગ્ટન જઈ રહ્યું હતું ત્યારે કુન્નુરની નજીક ક્રેશ થયું હતું.
  • માનવીય વસાહત નજીક હેલિકોપ્ટર ક્રેશ થયું છે. કટ્ટેરીમાં આવેલા એક ચાના બગીચામાં આ દુર્ઘટના બની હતી
  • સત્તાવાર સૂત્રોનું માનીએ તો આ પહાડી વિસ્તારમાં ગાઢ ધુમ્મસને કારણે વિઝિબિલિટી ઘટી ગઈ હતી

ચીફ ઓફ ડિફેન્સ સ્ટાફ બિપિન રાવત, તેમના પત્ની સહિત આર્મીના અધિકારીઓને લઈ જઈ રહેલું એરફોર્સનું હેલિકોપ્ટર તમિલનાડુના કુન્નુરમાં ક્રેશ થઈ ગયું છે. આ દુર્ઘટનામાં અત્યારસુધી પાંચ લોકોના મોત થયા હોવાનું જાણવા મળી રહ્યું છે. ઘટનાની ગંભીરતાને જોતા સંરક્ષણ મંત્રી પણ ઘટનાસ્થળે જવા રવાના થવાના છે. પીએમ મોદીને પણ આ અંગે જાણકારી આપવામાં આવી છે. સંરક્ષણ મંત્રી સંસદમાં આ અંગે નિવેદન આપી શકે છે. આ ઘટનામાં અત્યારસુધી શું સામે આવ્યું છે તેને લગતા કેટલાક મહત્વના મુદ્દા નીચે અનુસાર છે.

CDS બિપિન રાવત સહિત 9 અધિકારીને લઈ જતું સેનાનું હેલિકોપ્ટર ક્રેશ

– સીડીએસ રાવત હેલિકોપ્ટરમાં સવાર હતા તે વાતની એરફોર્સે પુષ્ટિ કરી છે. તેઓ વેલિંગ્ટનમાં આવેલી ડિફેન્સ સ્ટાફ કોલેજમાં લેક્ચર આપવા માટે જઈ રહ્યા હતા.

– એરફોર્સનું હેલિકોપ્ટર MI-17V5 એરફોર્સ બેસથી વેલિંગ્ટન જઈ રહ્યું હતું ત્યારે કુન્નુરની નજીક ક્રેશ થયું હતું.

– એક નાનકડી માનવીય વસાહત નજીક હેલિકોપ્ટર ક્રેશ થયું છે. કટ્ટેરીમાં આવેલા એક ચાના બગીચામાં આ દુર્ઘટના બની હતી, જે કુન્નુરથી સાત કિમી દૂર છે.

– સત્તાવાર સૂત્રોનું માનીએ તો આ પહાડી વિસ્તારમાં ગાઢ ધુમ્મસને કારણે વિઝિબિલિટી ઘટી ગઈ હતી. જેના કારણે આ દુર્ઘટના થઈ હોવાનું મનાઈ રહ્યું છે.

– અત્યારસુધી ઘટનાસ્થળેથી ચાર લોકોના મૃતદેહ મળી આવ્યા છે. સીડીએસ બિપિન રાવતને આર્મી હોસ્પિટલમાં ખસેડાયા છે. જોકે, તેમની સ્થિતિ અંગે કોઈ માહિતી નથી મળી શકી.

– હાલ મળી રહેલી માહિતી અનુસાર, ત્રણ લોકોની હાલત ખૂબ જ ગંભીર છે. જેમના મૃતદેહ મળ્યા છે તે પણ ખરાબ રીતે બળી ચૂક્યા હોવાથી તેમની ઓળખ કરવી મુશ્કેલ થઈ રહી છે.

– આ હેલિકોપ્ટરમાં જનરલ રાવત, તેમના પત્ની મધુલિકા રાવત, બ્રિગેડિયર એલએસ લિડ્ડેર, લેફ્ટનન્ટ કર્નલ હરજિન્દર સિંઘ, નાયક ગુરસેવક સિંઘ, નાયક જિતેન્દ્ર કુમાર, નાયક વિવેક કુમાર, નાયક બી સાઈ તેજા, હવલદાર સતપાલ અને પાઈલટ્સ સવાર હતા.

– ઘટનાસ્થળ પર 12 મેડિકલ સ્ટાફર તેમજ છ જેટલી એમ્બ્યુલન્સ પણ મોકલવામાં આવી છે. એરફોર્સે ઘટનાની તપાસ માટેના આદેશ આપી દીધા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here