Mi-17V5 features: તમિલનાડુમાં ક્રેશ થયેલા જનરલ બિપિન રાવતના હેલિકોપ્ટર Mi-17V5ની કેટલીક રોચક વાતો – bipin rawat helicopter crash things you should know about mi-17v5 helicopter

0


હાઈલાઈટ્સ:

  • Mi-17V5 હેલિકોપ્ટરને 17 ફેબ્રુઆરી 2012ના રોજ ભારતીય એરફોર્સમાં સમાવવામાં આવ્યા હતા
  • આ હેલિકોપ્ટર 13 હજાર કિલો વજન અથવા 36 હથિયારધારી સૈનિકોને લઈને ઉડાન ભરી શકે છે
  • આગ બુઝાવવા, કોન્વોય એસ્કોર્ટ, પેટ્રોલિંગ અને સર્ચ એન્ડ રેસ્ક્યુ મિશનમાં પણ Mi-17V5 ઉપયોગી

નવી દિલ્હી: ચીફ ઓફ ડિફેન્સ જનરલ બિપિન રાવત, તેમની પત્ની અને સેનાના અધિકારીઓને લઈ જઈ રહેલું Mi-17V5 હેલિકોપ્ટર તમિલનાડુમાં ક્રેશ થઈ ગયું છે. હેલિકોપ્ટર કઈ રીતે દુર્ઘટનાગ્રસ્ત થયું તેની સત્તાવાર માહિતી હજુ સુધી જાહેર નથી કરાઈ. જોકે, એક અનુમાન અનુસાર ખરાબ હવામાનને કારણે આ દુર્ઘટના બની હોઈ શકે છે. મેડ ઈન રશિયા એવા Mi-17V5 હેલિકોપ્ટરને 17 ફેબ્રુઆરી 2012ના રોજ ભારતીય એરફોર્સમાં સમાવવામાં આવ્યા હતા. આ હેલિકોપ્ટર કઝાન હેલિકોપ્ટર્સ નામની રશિયન કંપની બનાવે છે.

તમિલનાડુ હેલિકોપ્ટર ક્રેશ: દેશને ચોંકાવનારી આ ઘટનાના અત્યારસુધીના અપડેટ્સ

MI-8/17 ફેમિલીના આ મિલિટરી ટ્રાન્સપોર્ટ હેલિકોપ્ટર છે, જેની ગણના ટેકનિકલી સૌથી આધુનિક હેલિકોપ્ટરમાં કરવામાં આવે છે. આ હેલિકોપ્ટર 13 હજાર કિલો વજન સાથે ઉડાન ભરી શકે છે. તેમાં એક સાથે 36 હથિયારધારી સૈનિકો સવાર થઈ શકે છે. આ સિવાય તે 4500 કિલો જેટલા લોડને એરલિફ્ટ પણ કરી શકે છે. ભારત પાસે જે Mi-17V5 હેલિકોપ્ટર છે તે તમામ કોમ્પ્લેક્સ નેવિગેશન અને ઈલેક્ટ્રોનિક ડિસ્પ્લે KNEI-8થી સજ્જ છે.

આ હેલિકોપ્ટરને સર્વશ્રેષ્ઠ ટ્રાન્સપોર્ટ હેલિકોપ્ટર્સમાંના એક ગણવામાં આવે છે. તે સૈનિકો ઉપરાંત હથિયારોની પણ હેરફેર કરી શકે છે. આ સિવાય આગ બુઝાવવા, કોન્વોય એસ્કોર્ટ, પેટ્રોલિંગ અને સર્ચ એન્ડ રેસ્ક્યુ મિશનમાં કામ કરવા માટે પણ તે સજ્જ છે. 2008માં રોસોબોરોન એક્સપોર્ટ કંપનીને ભારત સરકાર દ્વારા 80 Mi-17V5 હેલિકોપ્ટર માટે કોન્ટ્રાક્ટ આપવામાં આવ્યો હતો, જે 2011-2013 દરમિયાન પૂરો થયો હતો.

CDS બિપિન રાવત સહિત 9 અધિકારીને લઈ જતું સેનાનું હેલિકોપ્ટર ક્રેશ

2012-13માં એરફોર્સની જરુર અનુસાર, વધુ 71 Mi-17V5 હેલિકોપ્ટર ઓર્ડર કરવામાં આવ્યા હતા. આ હેલિકોપ્ટરની ફાઈનલ બેંચ જુલાઈ 2018માં ડિલિવર કરવામાં આવી હતી. એપ્રિલ 2019માં એરફોર્સે આ હેલિકોપ્ટરની રિપેરિંગ ફેસિલિટી પણ શરુ કરી હતી. 2019માં કાશ્મીરમાં એરફોર્સના છ અધિકારીઓને લઈ જઈ રહેલા Mi-17V5 હેલિકોપ્ટરને ભૂલથી ભારતની જ મિસાઈલ દ્વારા તોડી પાડવામાં આવ્યું હતું. સરકારી આંકડા અનુસાર, દેશમાં હાલ 200 જેટલા Mi-17V5 હેલિકોપ્ટર ઉપયોગમાં લેવાઈ રહ્યા છે.

આ હેલિકોપ્ટર હથિયારોથી પણ સજ્જ છે. તેમાં મશીનગન પણ લાગેલી છે. તેની ફ્યુઅલ ટેન્ક ફોમ પોલીરેથનથી સુરક્ષિત છે, જેનાથી હેલિકોપ્ટર દુર્ઘટનાનો શિકાર બને તો પણ ફ્યુઅલ ટેન્કમાં બ્લાસ્ટ નથી થતો. તેમાં જામર પણ લાગેલું છે, જે તેને રડારમાં પકડાતા બચાવે છે. આ સિવાય આ હેલિકોપ્ટર Shturm-V મિસાઈલ, એ-8 રોકેટ્સ અને 23એમએમ મશીનગન સાથે દુશ્મન પર હુમલો કરી શકે છે. તે આઠ ફાયરિંગ વેપન્સને કેરી કરી શકે છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here