couple killed mendicant in rajkot: 50 વર્ષીય સાધુની હત્યા કરી લાશ કોથળામાં ભરીને ફેંકી દીધી, દંપતીની ધરપકડ – couple arrested by rajkot police for killing mendicant of jamnagar

0


હાઈલાઈટ્સ:

  • પારા પીપળીયા ગામ નજીક સંતોષ સોલંકી નામના સાધુની હત્યા કરેલી હાલતમાં લાશ મળી
  • પોલીસે ગણતરીના કલાકોમાં ગીતા અને તેના પતિ વસંત જાદવને પકડીને ભેદ ઉકેલી નાખ્યો
  • રાતે જમવા બાબતે ઝઘડો થતાં ગીતા અને વસંતે મળી સંતોષ પર જીવલેણ હુમલો કર્યો હતો

રાજકોટ: રાજકોટ પોલીસ દ્વારા 50 વર્ષીય સંતોષ સોલંકી નામના સાધુની હત્યા કરવા બદલ એક પુરુષ અને તેની પત્નીની ધરપકડ કરવામાં આવી છે. પ્રાપ્ત માહિતી અનુસાર જામનગર હાઈવે પાસે પારા પીપળીયા ગામ નજીક એક કોથળામાં સાધુનો લોહીલુહાણ હાલતમાં મૃતદેહ મળી આવ્યો હતો. બનાવને પગલે પોલીસે હત્યાનો ગુનો નોંધીને તપાસ હાથ ધરી હતી. જેમાં સીસીટીવી ફુટેજ સહિતની દિશામાં તપાસ હાથ ધરી હતી અને ગણતરીના કલાકોમાં જ આરોપી ગીતા નામની મહિલા અને તેના પતિ વસંત જાદવની ધરપકડ કરીને હત્યાનો ભેદ ઉકેલી દીધો છે.

પથ્થરના ઘા મારીને સાધુને પતાવી દીધા
વિસ્તારના લોકોની પૂછપરછ દરમિયાન કોઈએ તેમને કહ્યું કે તેઓએ સોમવારે રાત્રે એસઆરપી કેમ્પ પાસે ભગવા કપડા પહેરેલા એક વ્યક્તિને જોયો હતો. વિસ્તારમાં તપાસ કરતાં પોલીસને લોહીના ડાઘા સાથે પથ્થરો મળી આવ્યા હતા. વધુ તપાસમાં જાણવા મળ્યું હતું કે ગીતા જાદવ (40) અને તેના પતિ વસંત જાદવ (45) છેલ્લા એક અઠવાડિયાથી અહીં ખુલ્લા મેદાનમાં આવેલા મકાનમાં રહેવા લાગ્યા હતા.

પોલીસે તપાસ કરતા દંપતી ઝડપાયું
પ્રાપ્ત માહિતી અનુસાર ગીતાના પિતા અર્જુન અને સંતોષ સાથે દંપતી સોમવારે રાત્રે જામનગરથી આ સ્થળે આવ્યા હતા. અર્જુન અને સંતોષ જામનગરમાં ભીખ માગતા હતા, જ્યારે વસંત રિક્ષા ચાલક હતો.

જમવા બાબતે ઝઘડો થતાં દંપતીએ હત્યા કરી દીધી
ડેપ્યુટી કમિશનર મનોહરસિંહ જાડેજાએ જણાવ્યું હતું કે, સોમવારે રાત્રે ગીતાએ બધા માટે ડિનર બનાવ્યું હતું પરંતુ સંતોષે સ્વાદ અંગે ફરિયાદ કરી હતી. જેના કારણે બોલાચાલી થઈ હતી અને ગીતાએ એક મોટા પથ્થરથી સંતોષના માથા પર હુમલો કરતા તેનું ઘટનાસ્થળે જ મોત થયું હતું. ત્યારબાદ દંપતીએ લાશને કોથળામાં ભરીને રિક્ષામાં લઈ ગયા અને બાદમાં પારા પીપળીયા ગામ પાસે ફેંકી દીધી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here