mi 17 helicopter crash: 5 વર્ષમાં 6 વખત દુર્ઘટનાઓનો શિકાર બની ચૂક્યું છે MI-17V5 હેલિકોપ્ટર – mi-17v5 helicopters have crashed 6 times in last 5 years

0


હાઈલાઈટ્સ:

  • સીડીએસ જનરલ બિપિન રાવતને લઈ જતા એમઆઈ 17 હેલિકોપ્ટરનો કલંકિત ભૂતકાળ
  • છેલ્લા પાંચ વર્ષમાં છ વખત દુર્ઘટનાઓનો શિકાર બની ચૂક્યું છે હેલિકોપ્ટર
  • વીસેક દિવસ અગાઉ જ અરુણાચલ પ્રદેશમાં થયું હતું ક્રેશ

ભારતના પ્રથમ સીડીએલ જનરલ બિપિન રાવતને લઈ જતું MI-17V5 હેલિકોપ્ટર તમિલનાડુના કુન્નુરમાં ક્રેશ થઈ ગયું હતું. બિપિન રાવત પોતાના પત્ની અને પરિવાર સાથે આ હેલિકોપ્ટરમાં સવાર હતા. આ હેલિકોપ્ટરમાં સવાર 14 લોકોમાંથી 13 લોકોનાં મોતની પુષ્ટિ કરી દેવામાં આવી છે. આ ગંભીર દુર્ઘટના મામલે ભારતીય એરફોર્સે તપાસનો ધમધમાટ શરૂ કરી દીધો છે. પણ બિપિન રાવત જે હેલિકોપ્ટર MI-17V5માં સવાર હતા, તેના આ અગાઉ પણ દુર્ઘટનાના અનેક કિસ્સાઓ સામે આવી ચૂક્યા છે. છેલ્લા પાંચ વર્ષમાં છ વખત આ હેલિકોપ્ટર દુર્ઘટનાઓનો શિકાર બની ચૂક્યું છે.

ભારતે રશિયા પાસેથી 80 MI-17V5 હેલિકોપ્ટરની ખરીદી કરી હતી. અને 2011થી તેની આપૂર્તિ શરૂ થઈ હતી અને 2018 સુધીમાં ભારતને તમામ 80 હેલિકોપ્ટર મળી ચૂક્યા હતા. રશિયા પાસેથી ખરીદાયેલાં MI-17V5 હેલિકોપ્ટર ભારતીય એરફોર્સના સૌથી સુરક્ષિત હેલિકોપ્ટર માનવામાં આવે છે. પણ છેલ્લા પાંચ વર્ષનાં કિસ્સાઓની વાત કરવામાં આવે તો આ હેલિકોપ્ટરની સુરક્ષા અંગે અનેક સવાલો ઉભા થઈ રહ્યા છે.

તમિલનાડુ હેલિકોપ્ટર ક્રેશ: 14માંથી 13નાં મોત, DNA ટેસ્ટથી મૃતદેહોની ઓળખ કરાશે

18 નવેમ્બર 2021, અરુણાચલ પ્રદેશ

આજની દુર્ઘટનાના વીસેક દિવસ અગાઉ જ MI-17 હેલિકોપ્ટર દુર્ઘટનાનો શિકાર બન્યું હતું. અરુણાચલ પ્રદેશમાં લેન્ડિંગ દરમિયાન આ હેલિકોપ્ટર દુર્ઘટનાગ્રસ્ત થઈ ગયું હતું. જો કે, આ સમયે હેલિકોપ્ટરમાં સવાર તમામ ક્રૂ મેમ્બરનો બચાવ થયો હતો અને તેમને સામાન્ય ઈજાઓ આવી હતી.

2018 અને 2019માં કેદારનાથમાં બે વખત ક્રેશ થયું

ઉત્તરાખંડના કેદારનાથ ધામમાં એમઆઈ-17 હેલિકોપ્ટર બે વખત દુર્ઘટનાઓનો શિકાર બની ચૂક્યું છે. પ્રથમ વખત 3 એપ્રિલ 2018ના રોજ જ્યારે હેલિકોપ્ટર ગુપ્તકાશીથી પુનર્નિમાણની સામગ્રી લઈને આવી રહ્યું હતું, ત્યારે હેલિપેડથી 60 મીટર પહેલાં જ આ હેલિકોપ્ટર ક્રેશ થઈ ચૂક્યું હતું. આ દુર્ઘટના સમયે પણ હેલિકોપ્ટરમાં સવાર તમામ 6 લોકોનો આબાદ બચાવ થયો હતો અને માત્ર એક સભ્યને મામૂલી ઈજાઓ પહોંચી હતી.

કેદારનાથમાં બીજા કિસ્સાની વાત કરવામાં આવે તો, 23 સપ્ટેમ્બર 2019ના રોજ કેદારનાથથી ગુપ્તકાશી જવા માટે જ્યારે એમઆઈ 17 હેલિકોપ્ટરે ટેક ઓફ કર્યું ત્યારે જ તે ક્રેશ થઈ ગયું હતું, અને આ સમયે પણ હેલિકોપ્ટરમાં સવાર તમામ 6 લોકોનો આબાદ બચાવ થયો હતો.
6 વર્ષ પહેલાં પણ ક્રેશ થયુ હતુ બિપિન રાવતનું હેલિકોપ્ટર, નાગાલેન્ડ દુર્ઘટનામાં માંડ માંડ બચ્યો હતો જીવ
27 ફેબ્રુઆરી 2019, જમ્મુ-કાશ્મીર

27 ફેબ્રુઆરી 2019ના રોજ જમ્મુ-કાશ્મીરના બડગામ જિલ્લામાં એમઆઈ-17 હેલિકોપ્ટર ક્રેશ થવાને કારણે હેલિકોપ્ટરમાં સવાર 6 મેમ્બર્સની સાથે એક નાગરિકનું પણ મોત નિપજ્યું હતું. હેલિકોપ્ટર ક્રેશની તપાસમાં સામે આવ્યું હતું કે, બેદરકારીને કારણે હેલિકોપ્ટર પોતાની જ મિસાઈલનું શિકાર બન્યું હતું.

6 મે 2017, અરુણાચલ પ્રદેશ

6 મે 2017ના રોજ અરુણાચલ પ્રદેશના તવાંગની પાસે એમઆઈ 17 હેલિકોપ્ટરે સવારે 6 વાગ્યે ટેક ઓફ કર્યું હતું અને થોડા સમય બાદ જ તે ક્રેશ થઈ ચૂક્યું હતું. આ દુર્ઘટનામાં પાંચ સભ્યોની સાથે બે સામાન્ય નાગરિકે જીવ ગુમાવ્યો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here