bipin rawat death: Breaking: હેલિકોપ્ટર ક્રેશમાં જનરલ બિપિન રાવત અને તેમના પત્નીનાં મોતની પુષ્ટિ – indian air force confimrs death of bipin rawat and his wife in tamil nadu helicopter crash

0


નવી દિલ્હી: તમિલનાડુમાં આજે સવારે થયેલા હેલિકોપ્ટર ક્રેશમાં ચીફ ઓફ ડિફેન્સ સ્ટાફ જનરલ બિપિન રાવત અને તેમના ધર્મપત્ની મધુલિકા રાવતનું મોત થયું હોવાની એરફોર્સે પુષ્ટિ કરી છે. એરફોર્સ દ્વારા પોતાના સત્તાવાર ટ્વીટર હેન્ડલ પર જણાવાયું છે કે આ દુર્ઘટનામાં કુલ 13 લોકોના મોત થયા છે. જ્યારે, ગ્રુપ કેપ્ટન વરુણ સિંઘ હાલ વેલિંગ્ટન મિલિટરી હોસ્પિટલમાં સારવાર હેઠળ છે. હેલિકોપ્ટરમાં 14 લોકો સવાર હતાં. ઉલ્લેખનીય છે કે, બિપિન રાવત દેશના પહેલા ચીફ ઓફ આર્મી સ્ટાફ હતા.


એરફોર્સના સત્તાવાર નિવેદન અનુસાર, જનરલ બિપિન રાવત ડિફેન્સ સર્વિસિસ સ્ટાફ કોલેજની મુલાકાતે જઈ રહ્યા હતા. તેઓ ફેકલ્ટી અને સ્ટૂડન્ટ ઓફિસર્સને સંબોધન કરવાના હતા. જોકે, તેમનું હેલિકોપ્ટર ઉડાન ભર્યાની 30 મિનિટમાં જ ક્રેશ થઈ ગયું હતું. નિલગીરીના જંગલોમાં ક્રેશ થતાં તેમાં સવાર 14માંથી 13 લોકોનાં મોત થયા હતા. બિપિન રાવત Mi-175V5 હેલિકોપ્ટરમાં સવાર હતા. આ હેલિકોપ્ટર તમિલનાડુના કુન્નુર નજીક ક્રેશ થયું હતું.

તમિલનાડુ હેલિકોપ્ટર ક્રેશ: 14માંથી 13નાં મોત, DNA ટેસ્ટથી મૃતદેહોની ઓળખ કરાશે

હેલિકોપ્ટર ક્રેશ થવાનું ચોક્કસ કારણ જાણવા માટે તપાસના આદેશ અપાયા છે. એક અનુમાન એવું પણ છે કે આ વિસ્તારમાં હવામાન ખરાબ હોવાના કારણે હેલિકોપ્ટર ક્રેશ થયું હોઈ શકે છે. આ દુર્ઘટનાની જાણ થતાં જ સંરક્ષણ મંત્રી રાજનાથ સિંઘ બિપિન રાવતના દિલ્હી સ્થિત સત્તાવાર નિવાસસ્થાને દોડી ગયા હતા. તેમણે સ્વ. રાવતના પરિવારજનોને આ અંગે માહિતગાર કર્યા હતા. પીએમ મોદીને પણ આ અંગે માહિતી અપાયા બાદ પીએમના નિવાસસ્થાને સાંજે એક ઉચ્ચસ્તરિય મિટિંગ બોલાવવામાં આવી હતી.

તમિલનાડુમાં ક્રેશ થયેલા જનરલ બિપિન રાવતના હેલિકોપ્ટર Mi-17V5ની કેટલીક રોચક વાતો
પહાડી વિસ્તારમાં આ હેલિકોપ્ટર માનવવસતીથી માત્ર 200 મીટર દૂર તૂટી પડ્યું હતું. ખાઈ જેવા વિસ્તારમાં ક્રેશ થતાં જ તેમાં આગ ફાટી નીકળી હતી. જેમાં હેલિકોપ્ટરમાં સવાર તમામ લોકો ભયાનક રીતે દાઝી ગયા હતા. હાલત એવી હતી કે જે લોકોના મોત થયા છે તેમની ઓળખ કરવા માટે પણ ડીએનએ ટેસ્ટ કરવામાં આવશે, કારણકે મૃતદેહોની ઓળખ તેના સિવાય થઈ શકે તેમ નથી. આ હેલિકોપ્ટરમાં જનરલ રાવત, તેમના પત્ની મધુલિકા રાવત, બ્રિગેડિયર એલએસ લિડ્ડેર, લેફ્ટનન્ટ કર્નલ હરજિન્દર સિંઘ, નાયક ગુરસેવક સિંઘ, નાયક જિતેન્દ્ર કુમાર, નાયક વિવેક કુમાર, નાયક બી સાઈ તેજા, હવલદાર સતપાલ અને પાઈલટ્સ તેમજ ક્રુ મેમ્બર સવાર હતા.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here