mi-17v5 helicopter used in surgical strike: જે હેલિકોપ્ટરમાં સવાર હતા CDC બિપિન રાવત, એનો સર્જિકલ સ્ટ્રાઈકમાં પણ થયો હતો ઉપયોગ – mi-17v5 helicopter was used in surgical strike in pok

0


હાઈલાઈટ્સ:

  • 2016માં પીઓકેમાં સર્જિકલ સ્ટ્રાઈકમાં MI-17v5નો ઉપયોગ થયો હતો
  • MI-17 હેલિકોપ્ટર સ્પેશિયલ ફોર્સીસનું ફેવરિટ હેલિકોપ્ટર રહ્યું છે
  • તમિલનાડુના કુન્નૂરમાં બુધવારે MI-17v5 હેલિકોપ્ટર ક્રેશ થયુ હતુ
  • હેલિકોપ્ટરમાં બિપિન રાવત, તેમની પત્ની અને સ્ટાફ સહિત 14 લોકો સવાર હતા

નવી દિલ્હીઃ તમિલનાડુના કુન્નૂરમાં બુધવારે વાયુસેનાનું MI-17v5 હેલિકોપ્ટર ક્રેશ થયુ હતુ. હેલિકોપ્ટરમાં સીડીસી બિપિન રાવત, તેમની પત્ની અને સ્ટાફ સહિત 14 લોકો સવાર હતા. આ સમાચાર લખાય છે ત્યાં સુધીમાં આ દુર્ઘટનામાં 13 લોકોનાં મોત થયા હોવાની પુષ્ટિ થઈ ચૂકી છે. ઘટના સ્થળે હાલ બચાવ કામગીરી ચાલુ રહી છે. આ દુર્ઘટના બાદ સેનાનું વીવીઆઈપી હેલિકોપ્ટર ફરી એક વાર ચર્ચામાં આવ્યું છે. આ એ જ હેલિકોપ્ટર છે કે જેનો ઉપયોગ 2016માં પીઓકેમાં કરવામાં આવેલી સર્જિકલ સ્ટ્રાઈકમાં કરવામાં આવ્યો હતો.

28 સપ્ટેમ્બરના રોજ એલઓસી પાર જ્યારે આતંકવાદીઓના અડ્ડાઓ પર સર્જિકલ સ્ટ્રાઈક કરવામાં આવી તો ચાર MI-17 હેલિકોપ્ટરનો ઉપયોગ કરવામાં આવ્યો હતો. આ ઓપરેશનમાં સામેલ સ્પેશિયલ ફોર્સીસના લગભગ 60 જવાનોને લાવવા લઈ જવાના કામમાં આ જ હેલિકોપ્ટરનો ઉપયોગ કરવામાં આવ્યો હતો. આ હેલિકોપ્ટરોમાંથી 30 કમાન્ડો ઉતર્યા હતા અને ટારગે સુધી પહોંચ્યા હતા. અન્ય બે હેલિકોપ્ટરોએ બાકીના જવાનોને એલઓસી પાસે ભારતીય સીમામાં ઉતાર્યા હતા.

6 વર્ષ પહેલાં પણ ક્રેશ થયુ હતુ બિપિન રાવતનું હેલિકોપ્ટર, નાગાલેન્ડ દુર્ઘટનામાં માંડ માંડ બચ્યો હતો જીવ

સ્પેશિયલ ફોર્સીસનું ફેવરિટ હેલિકોપ્ટર છે MI-17v5
MI-17 હેલિકોપ્ટર સ્પેશિયલ ફોર્સીસનું ફેવરિટ હેલિકોપ્ટર રહ્યું છે. રશિયામાં બનેલું આ હેલિકોપ્ટરનું મુંબઈમાં 2008માં થયેલા હુમલામાં પણ ઉપયોગ કરવામાં આવ્યો હતો, એ સમયે શહેરના છબાડ હાઉસમાં પાકિસ્તાની આતંકવાદીઓએ યહૂદી લોકોને બંધક બનાવ્યા હતા. આ હેલિકોપ્ટરનું એન્જિન ઉંચાઈવાળા વિસ્તારોમાં પણ ખૂબ સારી રીતે કામ કરી શકે છે. નેવિગેશન અને બરફ ઓગાળવા માટેના ઉપકરણો લાગ્યા હોવાથી કોઈ પણ મોસમમાં હેલિકોપ્ટર ઉડાન ભરી શકે છે. આ હેલિકોપ્ટરની ઓપરેશનલ રેન્જ 580 કિલોમીટર છે.

VVIPsની પહેલી પસંદ છે આ હેલિકોપ્ટર
MI-17v5નો વીવીઆઈપી મૂવમેન્ટમાં ભરપૂર ઉપયોગ કરવામાં આવે છે. વડાપ્રધાન, રક્ષા મંત્રી, આર્મી જનરલ, સીડીસી આ હેલિકોપ્ટરથી એ વિસ્તારોમાં જાય છે કે જ્યાં મોટુ એરક્રાફ્ટ ન જઈ શકે. બુધવારે દિલ્હીથી સુલૂર પહોંચેલા સીડીસી બિપિન રાવત વેલિંગટન સ્થિત ડિફેન્સ કૉલેજ જવા માટે આ જ હેલિકોપ્ટરમાં સવાર થયા હતા.
5 વર્ષમાં 6 વખત દુર્ઘટનાઓનો શિકાર બની ચૂક્યું છે MI-17V5 હેલિકોપ્ટર
અનેક મોર્ડન હથિયારોથી લેસ
આ હેલિકોપ્ટર અનેક પ્રકારના મોર્ડન હથિયારોથી લેસ છે. હથિયારોની વાત કરીએ તો, આમાં શતર્મ-5 મિસાઈલ્સ, એસ-8 રોકેટ, એક 23 એમએમ મશીન ગન, પીકેટી મશીન ગન્સની સાથે 8 ફાયરિંગ પોસ્ટ્સ પમ છે. હેલિકોપ્ટરમાં એક એવી ટેકનોલોજી છે કે રાત્રે પણ સરળતાથી ઉડાન ભરી શકાય છે. સ્ટ્રેટેજિક ઓપરેશનો, પેટ્રોલિંગ, રાહત અને બચાવ અભિયાનોમાં પણ MI-17v5 હેલિકોપ્ટરનો ઉપયોગ કરવામાં આવે છે.

CDS બિપિન રાવત સહિત 9 અધિકારીને લઈ જતું સેનાનું હેલિકોપ્ટર ક્રેશ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here