rip bipin rawat: RIP બિપિન રાવત : અમેરિકાથી અભ્યાસ પૂરો કર્યાં બાદ દેશની સેવા માટે પરત ફર્યાં હતા – rip bipin rawat: know all things about cds general bipin rawat

0


હાઈલાઈટ્સ:

  • ભારતના પ્રથમ સીડીએસ જનરલ બિપિન રાવતનું દુઃખદ નિધન
  • બિપિન રાવતના પિતા પણ ભારતીય સેનામાં લેફ્ટનન્ટ જનરલ હતા
  • બિપિન રાવતે 37 વર્ષ સુધી સેનામાં સેવા આપી, કોંગોમાં 7000 લોકોનાં જીવ બચાવ્યા

તમિલનાડુના કુન્નુરમાં આજે ભારતીય વાયુસેનાના એમઆઈ 17 હેલિકોપ્ટર ક્રેશમાં ભારતના પ્રથમ ચીફ ઓફ ડિફેન્સ સ્ટાફ જનરલ બિપિન રાવતનું દુઃખદ નિધન થયું છે. આ દુર્ઘટનામાં બિપિન રાવત, તેમના પત્ની સહિત 13 લોકોનાં મોત નિપજ્યા છે. જ્યારે હેલિકોપ્ટર પાયલોટ ગ્રૃપ કેપ્ટન વરુણ સિંહ હોસ્પિટલમાં સારવાર હેઠળ છે. આ દુર્ઘટનામાં બિપિન રાવતનું નિધન થતાં સમગ્ર દેશમાં દુઃખની લાગણી છવાઈ ગઈ છે. વર્ષ 2019માં સ્વતંત્રતા પર્વના દિવસે પીએમ નરેન્દ્ર મોદીએ લાલ કિલ્લા પરથી ચીફ ઓફ ડિફેન્સ સ્ટાફના નવા પદની ઘોષણા કરવામાં આવી હતી. જે બાદ ભારતીય સેનાના પૂર્વ પ્રમુખ જનરલ બિપિન રાવતે 31 ડિસેમ્બર 2019ના રોજ આ પદ સંભાળ્યું હતું.

બિપિન રાવતના પિતા લેફ્ટનન્ટ જનરલ હતા

બિપિન રાવતનો પરિવારે અનેક પેઢીઓથી ભારતીય સેનામાં સેવાઓ આપી છે. તેમના પિતા લેફ્ટનન્ટ જનરલ લક્ષ્મણસિંહ રાવત હતા, જેઓ અનેક વર્ષો સુધી ભારતીય સેનાનો હિસ્સો રહ્યા હતા. બિપિન રાવત ઈન્ડિયન મિલિટ્રી એકેડમી અને ડિફેન્સ સર્વિસ સ્ટાફ કોલેજમાંથી અભ્યાસ કર્યો હતો. અને તેમણે મદ્રાસ યુનિવર્સિટીમાંથી ડિફેન્સ સર્વિસમાં એમફીલ કર્યું છે. દેશના 27મા ભૂમિદળના સેનાધ્યક્ષ જનરલ બિપિન રાવતને સપ્ટેમ્બર 2016માં ભારતીય સેનાના વાઈસ ચીફ બનાવવાામં આવ્યા હતા.

અમેરિકાથી અભ્યાસ પુર્ણ કર્યાં બાદ દેશની સેવાનો નિર્ણય કર્યો

અભ્યાસ પૂરો કર્યાં બાદ બિપિન રાવત ઉચ્ચ અભ્યાસ માટે અમેરિકા ચાલ્યા ગયા હતા. સર્વિસ સ્ટાફ કોલેજમાં ગ્રેજ્યુએટ કરીને તેઓએ હાઈ કમાન્ડ કોર્સ પણ કર્યો હતો. અને તે બાદ બિપિન રાવતે ભારત આવીને દેશની સેવા કરવાનો નિર્ણય કર્યો હતો. તેઓને 6 ડિસેમ્બર 1978ના રોજ સફળતા મળી હતી. તેઓને ગોરખા 11 રાઈફલ્સની 5મી બટાલિયનમાં સામેલ કરવામાં આવ્યા હતા.

વરિષ્ઠ અધિકારીઓને અવગણી રાવતને બનાવાયા હતા સેના પ્રમુખ

ઉત્તરાખંડના પૌડી ગઢવાલમાં જન્મેલ રાવતને ગોરખા બટાલિયનમાં સામેલ કરાયા હતા. આ તેમના પિતાનું પણ યુનિટ હતું. ડિસેમ્બર 2-16માં ભારત સરકારે જનરલ બિપિન રાવતને વરિષ્ઠ બે ઓફિસર લેફ્ટનન્ટ જનરલ પ્રવીણ બક્શી અને લેફ્ટનન્ટ જનરલ પીએમ હારિજને અવગણીને ભારતીય સેનાના પ્રમુખ બનાવવામાં આવ્યા હતા. બિપિન રાવત ગોરખા બ્રિગેડથી નીકળનાર પાંચમા ઓફિસર છે, કે જેઓ ભારતીય સેના પ્રમુખ બન્યા હતા. 1987માં ચીન સાથેના નાના યુદ્ધમાં બિપિન રાવતની બટાલિયન ચીની સેનાની સામે ઉભી હતી.

37 વર્ષ સુધી આર્મીમાં સેવા આપી, 7000 લોકોનાં જીવ બચાવ્યા

બિપિન રાવતે પોતાના જીવનના 37 વર્ષ સુધી આર્મીમાં રહીને દેશસેવા કરી હતી. તેમના લગ્ન મધુલિકા રાવત સાથે થયા હતા અને તેમને બે દીકરીઓ છે. તેઓને વિશિષ્ટ સેના મેડલ અને યુદ્ધ સેના મેડલ મળ્યું હતું. ભારતમાં જ નહીં પણ ઈન્ટરનેશનલ લેવલે પણ તેઓેએ પોતાના કર્તવ્યોનું પાલન કર્યું હતું. તે કાંગોના યુએન મિશનનો ભાગ હતો. એક સમયે ત્યાં મોટી દુર્ઘટના સર્જાઈ હતી. અને બિપિન રાવતના સમયે તેઓએ પોતાની સતર્કતાથી 7000 લોકોનો જીવ બચાવ્યો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here