tamilnadu helicopter crash eyewitness: તમિલનાડુ હેલિકોપ્ટર ક્રેશઃ નજરે જોનારાઓએ કહ્યું-જોરદાર ધડાકો થયો અને પછી આગમાં લપેટાયુ – tamilnadu helicopter crash: eyewitness says there was a huge explosion and then a fire broke out

0


હાઈલાઈટ્સ:

  • બુધવારે કુન્નૂરમાં દુર્ઘટનાગ્રસ્ત થઈ ગયુ CDS બિપિન રાવતનું હેલિકોપ્ટર
  • વાયુ સેનાના આ હેલિકોપ્ટરમાં 14 લોકો સવાર હતા, 13નાં મોત થયાની પુષ્ટિ થઈ
  • આ દુર્ઘટના પર રક્ષા મંત્રી રાજનાથ સિંહ ગુરુવારે સંસદમાં નિવેદન આપી શકે છે

નવી દિલ્હીઃ ચીફ ઓફ ડિફેન્સ સ્ટાફ (CDS) જનરલ બિપિન રાવતને લઈ જઈ રહેલું વાયુ સેનાનું હેલિકોપ્ટર બુધવારે તમિલનાડુમાં દુર્ઘટનાગ્રસ્ત થયુ હતું. વાયુ સેનાના આ MI-17 હેલિકોપ્ટરમાં ચાલક દળના 5 સભ્યો સહિત 14 લોકો સવાર હતા. આ દુર્ઘટનામાં CDS બિપિન રાવત અને અન્ય 12 લોકોનાં મોત થયા છે. વાયુ સેનાએ CDS બિપિન રાવતના મોતની પુષ્ટિ કરી છે. જ્યારે બચી ગયેલા એક વ્યક્તિની હાલ સારવાર ચાલી રહી છે. CDS બિપિન રાવત વેલિંગટનમાં એક રક્ષા સ્કૂલમાં લેક્ચર આપવા માટે જઈ રહ્યા હતા. આ દરમિયાન તેમનું હેલિકોપ્ટર કુન્નૂરમાં ક્રેશ થઈ ગયુ હતુ.

જ્યાં દુર્ઘટના થઈ એ પહાડી વિસ્તાર
કહેવાય છે કે, જ્યાં આ દુર્ઘટના સર્જાઈ એ પહાડી વિસ્તાર છે. આ વિસ્તારમાં ચાના બગીચા છે આ દુર્ઘટના રહેણાંક વિસ્તારથી થોડે દૂર સર્જઈ તી. હેલિકોપ્ટર ક્રેશ થયુ એ ઘટનાને કેટલાંક લોકોએ જોઈ હતી. નજરે જોનારાઓનું કહેવું છે કે, હેલિકોપ્ટર નીચે તૂટી પડ્યુ ત્યારે જોરદાર ધડાકો થયો હતો અને પછી તેમાં આગ લાગી ગઈ. લોકોનું કહેવું છે કે, હેલિકોપ્ટર ક્રેશ થઈને નીચે પડ્યા પછી તેઓ દોડીને ત્યાં પહોંચ્યા હતા. સ્થાનિક લોકોએ હેલિકોપ્ટરમાંથી લોકોને બહાર કાઢીને સારવાર માટે હોસ્પિટલ પહોંચાડવાનો પ્રયાસ કર્યો હતો. લોકોએ જ આ દુર્ઘટનાની જાણકારી પોલીસ અને સ્થાનિક તંત્રને આપી હતી.

Breaking: હેલિકોપ્ટર ક્રેશમાં જનરલ બિપિન રાવત અને તેમના પત્નીનાં મોતની પુષ્ટિ

મેં જોરદાર ધડાકો સાંભળ્યોઃ નજરે જોનાર
રિપોર્ટનું માનીએ તો, કૃષ્ણાસ્વામી નામના એક પ્રત્યદર્શીએ જણાવ્યું કે, સૌથી પહેલાં મેં જોરદાર ધડાકો સાંભળ્યો. શું થયું હશે એ જાણવા માટે હું ઘરની બહાર નીકળ્યો. મેં જોયુ તો એક હેલિકોપ્ટર ઝાડો સાથે અથડાયુ હતુ. એ પછી હેલિકોપ્ટર આગની લપેટમાં આવી ગયુ હતુ. એ પછી તે બીજા ઝાડ સાથે ટકરાયુ. મેં જોયું તો કે હેલિકોપ્ટરમાંથી બે ત્રણ લોકો બહાર નીકળી રહ્યા હતા. એ લોકો સંપૂર્ણ રીતે આગની લપેટમાં લપેટાયેલા હતા અને પછી તેઓ જમીન પર નીચે પડવા લાગ્યા.

સ્થાનિક લોકોએ કરી મદદ
નજરે જોનારાએ જણાવ્યું કે, હેલિકોપ્ટર ક્રેશ થયા બાદ મેં તરત જ આસપાસમાં રહેતા લોકોને બોલાવ્યા અને ઘાયલ લોકોની મદદ કરવાનો પ્રયાસ કર્યો. એ પછી ફાયર વિભાગ અને અન્ય ઈમરજન્સી સેવાઓને જાણકારી આપવામાં આવી. આ ઘટનાના અનેક વીડિયો સામે આવ્યા છે. જેમાં હેલિકોપ્ટરને આગની લપેટમાં લપેટાયેલું જોઈ શકાય છે. સ્થાનિક લોકો આગને બૂઝાવવાનો પ્રયાસ કરતા નજરે પડી રહ્યા છે. આ દુર્ઘટના મુખ્ય માર્ગથી ચાર પાંચ કિલોમીટર દૂર સર્જાઈ હતી. રાહતકર્મીઓ ઘટના સ્થળે પહોંચે એ પહેલાં સ્થાનિક લોકોએ ડોલમાં પાણી ભરીને હેલિકોપ્ટરમાં લાગેલી આગને બૂઝાવવાનો પ્રયાસ કર્યો હતો.
RIP બિપિન રાવત : અમેરિકાથી અભ્યાસ પૂરો કર્યાં બાદ દેશની સેવા માટે પરત ફર્યાં હતા
MI-17ને ખૂબ જ એડવાન્સ હેલિકોપ્ટર માનવામાં આવે છે
આ વિસ્તારમાં કામ કરી ચૂકેલા સેનાના એક અધિકારીએ જણાવ્યું કે, જ્યાં દુર્ઘટના સર્જાઈ તે એક પહાડી વિસ્તાર છે. અહીં ગમે ત્યારે મોસમ ખરાબ થઈ જાય છે. મોસમ ખરાબ હોવાના કારણે વિઝિબીલીટી ઘટી જાય છે. પૂર્વ સૈન્ય અધિકારીએ કહ્યું કે, MI-17 ખૂબ જ એડવાન્સ હેલિકોપ્ટર માનવામાં આવે છે. જેમાં ટેકનોલોજી ખામી સર્જાવાની શક્યતા ખૂબ જ ઓછી હોય છે. તેમ છતાં પણ દુર્ઘટના પાછળનું સાચુ કારણ તો તપાસ બાદ જ સામે આવશે.

CDS બિપિન રાવત સહિત 9 અધિકારીને લઈ જતું સેનાનું હેલિકોપ્ટર ક્રેશ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here