bipin rawat helicopter crash: તમિલનાડુ હેલિકોપ્ટર ક્રેશ: 14માંથી 13નાં મોત, DNA ટેસ્ટથી મૃતદેહોની ઓળખ કરાશે – tamilnadu helicopter crash 13 out of 14 dead general bipin rawat at hospital

0


હાઈલાઈટ્સ:

  • હેલિકોપ્ટરમાં જનરલ રાવત અને તેમના પત્ની સહિત નવ લોકો તેમજ ક્રુના 5 સભ્યો સવાર હતા
  • ક્રેશ થતાં જ હેલિકોપ્ટરમાં આગ ભડકી ઉઠી, જેમાં તમામ લોકો ગંભીર રીતે દાઝી ગયા
  • સંરક્ષણ મંત્રી રાજનાથ સિંઘે બિપિન રાવતના ઘરે જઈને તેમના પરિવારજનોને આપી ઘટનાની માહિતી

નવી દિલ્હી: તમિલનાડુમાં આજે થયેલા હેલિકોપ્ટર ક્રેશમાં ક્રુ મેમ્બર અને તેમાં સવાર નવ લોકોમાંથી કુલ 13ના મોત થયા છે. ન્યૂઝ એજન્સી ANI દ્વારા આ અહેવાલ આપવામાં આવ્યા છે, જેની એરફોર્સે હજુ સુધી પુષ્ટિ નથી કરી. ઉલ્લેખનીય છે કે, આ હેલિકોપ્ટરમાં ચીફ ઓફ ડિફેન્સ સ્ટાફ જનરલ બિપિન રાવત અને તેમના પત્ની પણ સવાર હતા. ટીવી રિપોર્ટ્સ અનુસાર, રાવત હાલ આર્મી હોસ્પિટલમાં સારવાર હેઠળ છે. જોકે, તેઓ કઈ હાલતમાં છે તેને લઈને કોઈ પુષ્ટિ નથી થઈ શકી.

આ હેલિકોપ્ટરે 11.50 કલાકે સુલુર એરફોર્સ સ્ટેશનેથી ઉડાન ભરી હતી. પ્રાપ્ત વિગતો અનુસાર ઉડાન ભર્યાના 30 મિનિટ જેટલા સમયમાં જ તે દુર્ઘટનાનો ભોગ બન્યું હતું. હેલિકોપ્ટર જંગલમાં આવેલી એક ખાઈ જેવી જગ્યા પર ક્રેશ થયું હતું. જે ડિફેન્સ સર્વિસિસ સ્ટાફ કોલેજ, વેલિંગ્ટનથી 10 કિમી દૂર છે. વળી, ઘટનાસ્થળ પણ ખૂબ જ દુર્ગમ વિસ્તારમાં આવેલું હોવાથી ફાયર બ્રિગેડ તેમજ મેડિકલ સ્ટાફને પણ ત્યાં પહોંચવામાં ખાસ્સી તકલીફ પડી હતી. આખરે સ્થાનિક આદિવાસીઓ બચાવકર્મીઓને જંગલના રસ્તેથી લઈ ગયા હતા, અને આર્મીએ ત્યાં પહોંચી વાહનો આવી શકે તેવી વ્યવસ્થા કરી હતી.

CDS બિપિન રાવત સહિત 9 અધિકારીને લઈ જતું સેનાનું હેલિકોપ્ટર ક્રેશ

આ વિસ્તારમાં સામાન્ય રીતે આર્મીના હેલિકોપ્ટર ઉડતા રહેતા હોય છે. જેથી લોકોએ તેના પર ખાસ ધ્યાન નહોતું આપ્યું. જોકે, અચાનક જ મોટો ધડાકો સંભળાતા સ્થાનિકોને કોઈ દુર્ઘટના બની હોવાની શંકા ગઈ હતી. એક સ્થાનિક વ્યક્તિના જણાવ્યા અનુસાર, ગાઢ ધુમ્મસ છવાયેલું હોવાથી કંઈ પણ નહોતું દેખાતું. જોકે, તેમને ધુમ્મસ વચ્ચે આગની જ્વાળાઓ જોવા મળતા લોકો તે તરફ દોડી ગયા હતા. થોડા જ સમયમાં આર્મી અને મેડિકલ સ્ટાફના વાહનો ત્યાં આવી પહોંચ્યા હતા અને બચાવ કામગીરી શરુ કરવામાં આવી હતી.

આ દુર્ઘટના બાદ સંરક્ષણ મંત્રી રાજનાથ સિંઘ જનરલ રાવતના નવી દિલ્હી ખાતે આવેલા સત્તાવાર નિવાસસ્થાને પહોંચ્યા હતા અને તેમના પરિવારજનોને આ અંગે માહિતી આપી હતી. પીએમ મોદીને પણ આ દુર્ઘટનાથી માહિતગાર કરવામાં આવ્યા છે. રાજનાથ સિંઘ ઘટનાસ્થળ પર જાય તેવી પણ શક્યતા સેવાઈ રહી છે. તમિલનાડુના સીએમ સ્ટાલિન પણ ત્યાં પહોંચી રહ્યા છે.

તમિલનાડુમાં ક્રેશ થયેલા જનરલ બિપિન રાવતના હેલિકોપ્ટર Mi-17V5ની કેટલીક રોચક વાતો

જે 13 લોકોના મોત થયા છે, તેમના શબ સળગી ગયા હોવાથી તેમની ઓળખ કરવી પણ મુશ્કેલ બની છે. પ્રાપ્ત વિગતો અનુસાર, મૃતકોની ઓળખ કરવા માટે ડીએનએ ટેસ્ટ કરવામાં આવશે. આ માહિતી પણ ANI દ્વારા સૂત્રોના હવાલેથી આપવામાં આવી છે. સીડીએસ રાવત હેલિકોપ્ટરમાં સવાર હતા તે વાતની એરફોર્સે પુષ્ટિ કરી છે. તેઓ વેલિંગ્ટનમાં આવેલી ડિફેન્સ સ્ટાફ કોલેજમાં લેક્ચર આપવા માટે જઈ રહ્યા હતા. એરફોર્સનું હેલિકોપ્ટર MI-17V5 એરફોર્સ બેસથી વેલિંગ્ટન જઈ રહ્યું હતું ત્યારે કુન્નુરની નજીક ક્રેશ થયું હતું.

એક નાનકડી માનવીય વસાહત નજીક હેલિકોપ્ટર ક્રેશ થયું હતું. કટ્ટેરીમાં આવેલા એક ચાના બગીચામાં આ દુર્ઘટના બની હતી, જે કુન્નુરથી સાત કિમી દૂર છે. સત્તાવાર સૂત્રોનું માનીએ તો આ પહાડી વિસ્તારમાં ગાઢ ધુમ્મસને કારણે વિઝિબિલિટી ઘટી ગઈ હતી. જેના કારણે આ દુર્ઘટના થઈ હોવાનું મનાઈ રહ્યું છે. અત્યારસુધી ઘટનાસ્થળેથી 13 લોકોના મૃતદેહ મળી આવ્યા છે. સીડીએસ બિપિન રાવતને આર્મી હોસ્પિટલમાં ખસેડાયા છે. જોકે, તેમની સ્થિતિ અંગે કોઈ માહિતી નથી મળી શકી.

આ હેલિકોપ્ટરમાં જનરલ રાવત, તેમના પત્ની મધુલિકા રાવત, બ્રિગેડિયર એલએસ લિડ્ડેર, લેફ્ટનન્ટ કર્નલ હરજિન્દર સિંઘ, નાયક ગુરસેવક સિંઘ, નાયક જિતેન્દ્ર કુમાર, નાયક વિવેક કુમાર, નાયક બી સાઈ તેજા, હવલદાર સતપાલ અને પાઈલટ્સ સવાર હતા. ઘટનાસ્થળ પર 12 મેડિકલ સ્ટાફર તેમજ છ જેટલી એમ્બ્યુલન્સ પણ મોકલવામાં આવી હતી. એરફોર્સે ઘટનાની તપાસ માટેના આદેશ આપી દીધા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here