cremation of bipin rawat: બિપિન રાવત અને તેમના પત્નીના અંતિમ સંસ્કાર શુક્રવારે દિલ્હીમાં કરાશે – last rites of general bipin rawat and his wife to be held on friday at delhi cantonment

0


હાઈલાઈટ્સ:

  • ગુરુવારની સાંજે સૈન્ય વિમાનથી બિપિન રાવત અને તેમના પત્નીના નશ્વર દેહને દિલ્હી લવાશે
  • શુક્રવારે સવારે 11થી બપોરે 2 વાગ્યા સુધી અંતિમ દર્શન કરી શકાશે
  • દિલ્હી કેન્ટોન્ટમેન્ટના બ્રાર સ્ક્વેર સ્મશાનઘાટ ખાતે અંતિમ સંસ્કાર કરાશે

ગુરુવારનો દિવસ ભારત માટે ગોઝારો સાબિત થયો. દેશના પ્રથમ ચીફ ઓફ ડિફેન્સ સ્ટાફ જનરલ બિપિન રાવતે હેલિકોપ્ટર દુર્ઘટનામાં પોતાનો જીવ ગુમાવ્યો. બિપિન રાવતની સાથે તેમના પત્ની અને 11 લોકોનાં મોત નિપજ્યા હતા. બિપિન રાવતના નિધનથી સમગ્ર દેશ શોકાતૂર બની ગયો છે. જનરલ બિપિન રાવત અને તેમના પત્ની મધુલિકાના અંતિમ સંસ્કાર શુક્રવારે દિલ્હીમાં કરવામાં આવશે.

વિલિંગટનમાં આવેલ ડિફેન્સ સ્ટાફ કોલેજમાં જવા માટે સુલુર આઈએએફ બેઝ પરથી એમઆઈ 17 હેલિકોપ્ટરે ઉડાન ભરી હતી. જેમાં સીડીએસ જનરલ બિપિન રાવત, તેમના પત્ની સહિત 14 લોકો સવાર હતા. તમિલનાડુના નિલગીરી જિલ્લામાં કુન્નુર પાસે હેલિકોપ્ટર ક્રેશ થતાં જ પ્રચંડ ધડાકો થયો હતો અને હેલિકોપ્ટર આગની ચપેટમાં આવી ગયું હતું. આ દુર્ઘટનામાં બિપિન રાવત સહિત તેમનાં પત્ની મધુલિકાનું દુઃખદ નિધન થયું હતું.

શુક્રવારે દિલ્હીના કેન્ટોન્મેન્ટ ખાતે જનરલ બિપિન રાવત અને તેમના પત્નીના અંતિમ સંસ્કાર કરવામાં આવશે. મિલિટરીના પ્લેન દ્વારા તેમના નશ્વર દેહ દિલ્હી ખાતે ગુરુવારની સાંજ સુધીમાં પહોંચી જશે તેવી શક્યતાઓ વ્યક્ત કરવામાં આવી રહી છે. જે બાદ શુક્રવારે જનરલ બિપિન રાવત અને તેમના પત્નીના નશ્વર દેહને બિપિન રાવતના ઘરે લાવવામાં આવશે અને સવારે 11થી બપોરના 2 વાગ્યા સુધી લોકો અંતિમ દર્શન કરી શકશે. અંતિમ ક્રિયા કામરાજ માર્ગથી શરૂ થશે અને દિલ્હી કેન્ટોન્મેન્ટમાં આવેલાં બ્રાર સ્ક્વેર સ્મશાન ઘાટ ખાતે તેમના અંતિમ સંસ્કાર કરવામાં આવશે.

CDS જનરલ બિપિન રાવતનો જન્મ 16 માર્ચ 1958માં થયો હતો. તેઓ ડિસેમ્બર 1978માં સેનાની 11મી ગોરખા રાઇફલ્સની પાંચમી બટાલિયનના કમીશન ઓફિસર બન્યા હતા. તેઓ 31 ડિસેમ્બર 2016થી આર્મી ચીફ પણ રહ્યા. તેમને એલઓસી, કાશ્મીર અને પૂર્વ ઉત્તરમમાં કામકાજનો અનુભવ હતો. CDS તરીકે નિમણૂક પામ્યા પહેલા જનરલ બિપિન રાવત 27માં આર્મી ચીફ હતા. આ પહેલા તેઓને 1 સપ્ટેમ્બર 2016ના રોજ ભારતીય સેનાના ઉપ સેના પ્રમુખ નિયુક્ત કરવામાં આવ્યા હતા.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here