bipin rawat passed away: બિપિન રાવતના કાકાએ કહ્યું- રિટાયરમેન્ટ બાદ તેઓને ગામડે ઘર બાંધવાની ઈચ્છા હતી – tearful uncle recalls gen bipin rawat’s wants to build home in native village

0


હાઈલાઈટ્સ:

  • હેલિકોપ્ટર ક્રેશમાં બિપિન રાવતના નિધન બાદ પૈતૃક ગામમાં દુઃખની લાગણી
  • ગામમાં રહેતાં બિપિન રાવતના કાકાએ કહ્યું કે, તેઓ રિટાયરમેન્ટ બાદ ગામમાં ઘર બાંધવા ઈચ્છતા હતા
  • બિપિન રાવતે છેલ્લે વર્ષ 2018માં પોતાના પૈતૃક ગામની મુલાકાત લીધી હતી

તમિલનાડુના કુન્નુરમાં ભારતીય એરફોર્સના હેલિકોપ્ટર ક્રેશમાં ચીફ ઓફ ડિફેન્ફ સ્ટાફ જનરલ બિપિન રાવતનું દુઃખદ નિધન થયું છે. બિપિન રાવતની સાથે તેમના પત્ની સહિત 13 લોકોનાં દર્દનાક મોત નિપજ્યા છે. આ દુર્ઘટના બાદ રાષ્ટ્રપતિ, પીએમ નરેન્દ્ર મોદી સહિત મહાનુભાવોએ દુઃખ વ્યક્ત કર્યું છે. આ દુર્ઘટના બાદ સમગ્ર દેશમાં આઘાતની લાગણી છવાઈ ગઈ છે. બિપિન રાવતના નિધન બાદ તેમના પૈતૃક ગામ હિબકે ચઢ્યું છે. બિપિન રાવતના કાકાએ જણાવ્યું હતું કે, રાવત રિટાયરમેન્ટ બાદ ગામડે ઘર બાંધવાનું વિચારી રહ્યા હતા.

બુધવારે બિપિન રાવતની યાદોને વાગોળતાં તેઓનાં કાકાએ જણાવ્યું કે, જનરલ બિપિન રાવતે છેલ્લે વર્ષ 2018માં ઉત્તરાખંડના પૌરી જિલ્લામાં આવેલ પોતાના પૈતૃક ગામની મુલાકાત લીધી હતી. બિપિન રાવતના કાકા ભરતસિંહ રાવત (70 વર્ષ) થોડા કામથી કોટદ્વાર ગયા હતા, પણ તેઓએ દુર્ઘટનાના સમાચાર સાંભળતાં જ તાત્કાલિક ઘરે પરત ફર્યાં હતા.

Breaking: હેલિકોપ્ટર ક્રેશમાં જનરલ બિપિન રાવત અને તેમના પત્નીનાં મોતની પુષ્ટિ

દ્વારિખલ બ્લોકના સૈના ગામમાં જનરલ રાવતનો પરિવાર રહે છે. જનરલ રાવતના કાકાએ કહ્યું કે, વર્ષ 2018માં જ્યારે જનરલ બિપિન રાવત ગામની મુલાકાતે આવ્યા હતા ત્યારે તેઓએ કુલદેવતા સમક્ષ પ્રાથના કરી હતી. આ ઉપરાંત ભરતસિંહ રાવતે જણાવ્યું કે, તેઓ તે જ દિવસે પરત ફરી ગયા હતા અને કહ્યુ હતું કે, રિટાયરમેન્ટ બાદ તેઓ ગામમાં ઘર બનાવશે.

તમિલનાડુ હેલિકોપ્ટર ક્રેશ અંગે હજુ સુધી કોઈ કારણ જાણવા મળી રહ્યું નથી. ધુમ્મસને કારણે આ દુર્ઘટના સર્જાઈ હોવાનું પ્રાથમિક અનુમાન લગાવવામાં આવી રહ્યું છે. આ મામલે એરફોર્સે તપાસના આદેશ આપી દીધા છે. પીએમ મોદીએ બિપિન રાવતના નિધન પર દુઃખ વ્યક્ત કરતાં જણાવ્યું હતું કે ભારતે સાચા દેશભક્ત ગુમાવ્યા છે.
હેલિકોપ્ટર ક્રેશમાં એકમાત્ર વરુણ સિંહ બચ્યા, આ વર્ષે રાષ્ટ્રપતિએ શૌર્ય ચક્રથી સન્માનિત કર્યાં હતા
હેલિકોપ્ટરમાં જનરલ રાવતની સાથે તેમના પત્ની મધુલિકા રાવત, બ્રિગેડિયર એલ.એસ.લિદ્દર, લેફ્ટનન્ટ કર્નરલ હરજિંદર સિંહ, નાયક ગુરુસેવક સિંહ, નાયક જિતેન્દ્ર કુમાર, નાયક વિવેક કુમાર, નાયક બી.સાઈ તેજા, હવલદાર સતપાલ અને પાયલોટ સવાર હતા. હેલિકોપ્ટર દુર્ઘટનામાં બચેલા ઈજાગ્રસ્ત ભારતીય વાયુસેનાના ગ્રૃપ કેપ્ટન વરુણ સિંહ ગંભીર રીતે ઈજાગ્રસ્ત છે અને તેઓ હોસ્પિટલમાં સારવાર હેઠળ છે. આ વર્ષે સ્વતંત્રા પર્વ પર રાષ્ટ્રપતિના હસ્તે તેઓને શૌર્ય ચક્રથી સન્માનિત કરવામાં આવ્યા હતા.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here