virat kohli captaincy: વિરાટ કોહલીએ વન-ડેનું સુકાનીપદ છોડવાની ના પાડી, આખરે BCCIએ કરી હકાલપટ્ટી – virat kohli didn’t want to step down as odi captain, bcci sacked him

0


હાઈલાઈટ્સ:

  • વન-ડેના સુકાનીપદેથી વિરાટ કોહલીની હકાલપટ્ટી
  • વિરાટ કોહલીને સન્માનજનક વિદાય આપવા માગતું હતું બીસીસીઆઈ
  • પણ કોહલીએ વન-ડેનું સુકાનીપદ છોડવાની ના પાડી દીધી

ટી20 વર્લ્ડ કપમાં ભારતની શરમજનક એક્ઝિટ બાદ વિરાટ કોહલીના અન્ય ફોર્મેટના સુકાનીપદ પર તલવાર લટકી રહી હતી. અને આખરે બુધવારે એ દિવસ આવી જ ગયો જ્યારે બીસીસીઆઈએ સાઉથ આફ્રિકાના પ્રવાસ માટે ટીમ ઈન્ડિયાના કેપ્ટન તરીકે રોહિત શર્માના નામની જાહેરાત કરી દીધી અને આ સાથે જ વન-ડેના કેપ્ટન તરીકે વિરાટ કોહલી યુગનો અંત આવી ગયો, અને ભવિષ્ય માટે ટીમ ઈન્ડિયાની કમાન રોહિત શર્માના હાથમાં સોંપી દેવામાં આવી.

કોહલીએ ટી20 વર્લ્ડ કપ અગાઉ જ ટી20 ટીમનું સુકાનીપદ છોડી દેવાની જાહેરાત કરી હતી. આ ઉપરાંત બીસીસીઆઈ દ્વારા છેલ્લા 48 કલાક સુધી વિરાટ કોહલીના સ્વેચ્છાથી વન-ડે સુકાનીપદ છોડવાના નિર્ણયની રાહ જોવામાં આવી હતી, પણ વિરાટ કોહલીએ સ્વેચછાથી વન-ડેનું સુકાનીપદ છોડવાની ના પાડી દીધી. અને 49મા કલાકે જ વિરાટ કોહલીનું સુકાનીપદ રોહિત શર્માને સોંપી દેવામાં આવ્યું હતું.

બીસીસીઆઈ દ્વારા વિરાટ કોહલીની સુકાનીપદેથી હકાલપટ્ટી કરી દેવામાં આવ્યા બાદ આ મામલે કોઈ નિવેદન પણ બહાર પાડવામાં આવ્યું ન હતું. બીસીસીઆઈ દ્વારા માત્ર એટલું કહેવામાં આવ્યું હતું કે, સિલેક્શન કમિટી દ્વારા વન-ડે અને ટી20ના કેપ્ટન તરીકે રોહિત શર્માને પસંદ કરવામાં આવ્યો છે. અને બસ આ જ રીતે કોહલીએ પોતાનું સુકાનીપદ ગુમાવી દીધું હતું.

વર્લ્ડ 2023નો વન-ડે ઈન્ટરનેશનલ વર્લ્ડ કપ ભારતમાં રમાવવાનો છે, અને આ વર્લ્ડ કપ માટે ટીમ ઈન્ડિયાનું સુકાનીપદ સંભાળવવાનું સ્વપ્ન કોહલી સેવી રહ્યો હતો. પણ બીસીસીઆઈ અને નેશનલ સિલેક્શન કમિટી દ્વારા કોહલીના આ સ્વપ્નને કચડી નાખ્યું હતું. ઉલ્લેખનીય છે કે, ટી20 વર્લ્ડ કપમાં ગ્રૃપ સ્ટેજમાં ટીમ ઈન્ડિયા બહાર ફેંકાતા જ વિરાટ કોહલીની સુકાનીપદથી વિદાય નક્કી થઈ ગઈ હતી. પણ છેલ્લા સાડા વર્ષના સુકાનીપદના કાર્યકાળને કારણે બીસીસીઆઈ તેને સન્માનજનક વિદાય આપવા માગતું હતું.

અને અંતે કોહલીએ બીસીસીઆઈને સામેથી જ હકાલપટ્ટી કરી દેવાનો મોકો આપ્યો અને બીસીસીઆઈએ પણ આમ જ કર્યું. અને આખરે સૌથી પાવરફુલ સ્કીપરને બીસીસીઆઈનો આ નિર્ણય સ્વીકારવા સિવાય અન્ય કોઈ વિકલ્પ ન હતો. આ અગાઉ પણ ટીમ ઈન્ડિયાના ખેલાડીઓ વિરાટ કોહલીથી નારાજ હોવાના સમાચાર સામે આવ્યા હતા. અને બીસીસીઆઈનું મેનેજમેન્ટ પણ અલગ અલગ ફોર્મેટ માટે અલગ અલગ કેપ્ટનશિપ પર જોર આપી રહ્યું હતું. તેવામાં હવે વિરાટ કોહલી યુગનો અંત આવ્યો છે અને રોહિત યુગની શરૂઆત થઈ છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here