cervical cancer: મહિલાઓને થતાં સર્વાઈકલ કેન્સરની રસી નિઃશુલ્ક આપવા રાજ્ય સરકારની વિચારણા – gujarat government thinks about giving free cervical vaccines

0


હાઈલાઈટ્સ:

  • બેઠકમાં ઋષિકેશ પટેલે જણાવ્યું કે, ન્યૂમોકોકલ-સર્વાઈકલ વેક્સીન જનતાને નિઃશુલ્ક આપવાની વિચારણા.
  • 18 ડિસેમ્બરે ગાંધીનગરમાં પ્રી-ઈવેન્ટ સમિટ યોજાશે જેમાં સહભાગી થવા યુએસએફડીએની ટીમને આમંત્રણ અપાયું.
  • આરોગ્ય મંત્રીએ ગુજરાતમાં ચાલતી વિવિધ યોજનાઓ અંગે માહિતી USFDAની ટીમને આપી હતી.

ગાંધીનગર: એફડીસીએ-ગુજરાત અને યુએસએફડીએ વચ્ચે માહિતી અને નોલેજના આદાનપ્રદાન માટે એફડીસીએ, ગુજરાત-યુએસએફડીએ રેગ્યુલેટરી ફોરમનું ગઠન થયું છે. આ ફોરમની મીટિંગમાં આરોગ્યમંત્રી ઋષિકેશ પટેલે જણાવ્યું હતું કે, ન્યૂમોકોકલ વેક્સિન અને સર્વાઈકલ કેન્સર વેક્સીન જનતાને નિઃશુલ્ક આપવા જેવી બાબતો પર સરકાર વિચારણા કરી રહી છે. ગુજરાત રાજ્ય દવાના ઉત્પાદનમાં મોખરાના સ્થાન સાથે રાહત દરે ગુણવત્તાયુક્ત દવાઓ સરળતાથી જનતાને પૂરી પાડવા પ્રતિબદ્ધ છે અને રહેશે.

ઊંધિયાનો સ્વાદ માણવો પડશે મોંઘો, શિયાળામાં પણ લીલા શાકભાજીના ભાવ આસમાને

આગામી દિવસોમાં ગુજરાતમાં યોજાનાર વાઈબ્રન્ટ ગુજરાત ગ્લોબલ સમિટ 2022 અંતર્ગત તારીખ 18 ડિસેમ્બર 2021ના રોજ ગાંધીનગર ખાતે યોજાનાર પ્રી-ઈવેન્ટ સમિટમાં સહભાગી થવા યુએસએફડીએની ટીમને મંત્રીએ આમંત્રણ આપ્યું હતું.

યુએસએફડીએ ટીમે ઈન્ડો-યુએસ વેક્સિનેશન પ્રોગ્રામ અંતર્ગત આરોગ્યમંત્રી ઋષિકેશ પટેલ અને અધિક મુખ્ય સચિવ મનોજ અગ્રવાલની શુભેચ્છા મુલાકાત કરી હતી. આરોગ્ય મંત્રીએ ગુજરાત રાજ્યમાં ચાલતી વિવિધ યોજનાઓ જેવી કે પ્રધાનમંત્રી જન આરોગ્ય યોજના, મા અમૃતમ વાત્સલ્ય યોજના દરમિયાન દર શુક્રવારે વિવિધ આરોગ્યલક્ષી તપાસ કરવાની કામગીરી કરવામાં આવે છે તેવી જાણકારી આપી હતી.

અધિક મુખ્ય સચિવ મનોજ અગ્રવાલે રાજ્યની ડ્રગ લેબોરેટરીને સેન્ટર ઓફ એક્સેલન્સ તરીકે પ્રસ્થાપિત કરવા માટે ચર્ચા કરતાં યુએસએફડીએ દ્વારા આ બાબતે સંમતિ દર્શાવવામાં આવી હતી. તેઓએ રાજ્યના આરોગ્ય વિભાગ દ્વારા ચાલતી વિવિધ યોજનાઓ જેવી કે નોન-કમ્યુનિકેબલ ડીસીઝ, સર્વાઈકલ કેન્સર અને નેશનલ હેલ્થ પ્રોગ્રામને સુદૃઢ બનાવા માટે યુએસએફડીએ સાથે ચર્ચા કરી હતી.

વિરાટ કોહલીએ વન-ડેનું સુકાનીપદ છોડવાની ના પાડી, આખરે BCCIએ કરી હકાલપટ્ટી

શું છે સર્વાઈકલ કેન્સર?

કેન્સર એવો રોગ છે જેમાં શરીરમાં રહેલા કોષો અનિયંત્રિત રીતે વિકસે છે. શરીરના જે અંગમાં કેન્સરની શરૂઆત થાય તેના પરથી તેનું નામ નક્કી કરવામાં આવે છે. જ્યારે સર્વિક્સ (ગર્ભાશયનો નીચલો ભાગ)માં કેન્સર થાય છે ત્યારે તેને સર્વાઈકલ કેન્સર કહેવાય છે. સર્વિક્સ વજાઈનાને ગર્ભાશયના ઉપરના ભાગ સાથે જોડે છે. મહિલા ગર્ભવતી હોય ત્યારે ગર્ભાશયમાં જ બાળક ઉછરે છે. તમામ મહિલાઓમાં સર્વાઈકલ કેન્સરનું જોખમ રહેલું છે. સામાન્ય રીતે 30થી વર્ષથી ઉપરની મહિલાઓને સર્વાઈકલ કેન્સર થાય છે. કેટલાક પ્રકારના હ્યુમન પેપીલોમા વાયરસ (HPV) સર્વાઈકલ કેન્સર થવાનું મુખ્ય કારણ છે. સ્ક્રીનિંગ ટેસ્ટ અને એચપીવી રસી મહિલાઓને સર્વાઈકલ કેન્સરથી બચાવી શકે છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here