tomato price: 100 રૂપિયા કિલોએ પહોંચ્યો ટામેટાનો ભાવ, અન્ય શાકભાજીની કિંમતમાં પણ ભડકો – ahmedabad tomato prices have gone up as high as rs 100 per kg

0


હાઈલાઈટ્સ:

  • ગુજરાતમાં ઓછો પુરવઠો હોવાથી કર્ણાટક અને મહારાષ્ટ્રમાંથી ટામેટાની ખરીદી
  • કમોસમી વરસાદના લીધે કડી, મહેસાણા, કલોલ અને ગાંધીનગરમાં ટામેટાના પાકને નુકસાન
  • શિયાળાની સીઝનમાં અન્ય લીલા શાકભાજીના ભાવ પણ આસમાને પહોંચ્યા

અમદાવાદઃ શિયાળામાં આમ તો ટામેટા, ડુંગળ તેમજ અન્ય લીલા શાકભાજીના ભાવ સાવ ઓછા હોય છે. જો કે, આ વખતે વિપરીત સ્થિતિ જોવા મળી રહી છે. શહેરમાં ટામેટાના ભાવ એટલા વધી ગયા છે કે, ગૃહિણીઓનું બજેટ ખોરવાયું છે. ઓછામાં ઓછા એક મહિનાથી રિટેલ માર્કેટમાં એક કિલો ટામેટાનો ભાવ 80 રૂપિયા છે અને શહેરના અમુક વિસ્તારોમાં ભાવ વધીને 100 રૂપિયા પ્રતિ કિલોએ પહોંચી ગયો છે.

ઊંધિયાનો સ્વાદ માણવો પડશે મોંઘો, શિયાળામાં પણ લીલા શાકભાજીના ભાવ આસમાને
‘કમોસમી વરસાદ અને ગુજરાતમાં પુરવઠો ઓછો હોવાના કારણે કર્ણાટક અને મહારાષ્ટ્રમાંથી ટામેટાની ખરીદી કરવાની ફરજ પડી છે. આ રાજ્યોમાં પણ તાજેતરમાં ચક્રવાતની સ્થિતિના કારણે ભારે વરસાદ થયો હતો. જેના પરિણામે પાક નિષ્ફળ ગયો હતો. તેથી, આ પ્રદેશોમાં પણ ટામેટાંના ભાવમાં ધરખમ વધારો થયો છે. વધુ માગ અને ઓછા પુરવઠાના કારણે એકંદરે ભાવ વધ્યા છે’, તેમ અમદાવાદ એપીએમસીના સેક્રેટરી દીપક પટેલે જણાવ્યું હતું.

સમગ્ર અમદાવાદમાં ટામેટાના વધેલા ભાવથી રેસ્ટોરાંના માલિકો પણ પરેશાન છે. કારણ કે, કરી, ગ્રેવી, સૂપ, સલાડ તેમજ ભારતીય સિવાય ઈન્ટરનેશનલ એમ બંને પ્રકારની વાનગીઓ બનાવવા માટે ટામેટાં એ મુખ્ય સામગ્રી છે.

ના કોઈ ફોન, ના કોઈ સંદેશ! તરછોડીને દુબઈ જતા રહેલા પતિ વિરુદ્ધ પત્નીએ નોંધાવી ફરિયાદ
ગુજરાતમાં કડી, મહેસાણા, કલોલ અને ગાંધીનગર ટામેટાના ઉત્પાદન માટેના હબ છે, જ્યાં કમોસમી વરસાદના કારણે પાકને નુકસાન થયું હતું. ‘બે અઠવાડિયા બાદ ભાવ સ્થિર થવાની શક્યતા છે, જ્યારે તાજી લલણી બજારમાં આવવાનું શરૂ થશે’, તેમ પટેલે ઉમેર્યું હતું.

માત્ર ટામેટા જ મોંઘા છે તેવું નથી. અન્ય શાકભાજીની છૂટક કિંમત પણ હાલમાં 100થી 120ની વચ્ચે છે. હાલમાં પડેલા કમોસમી વરસાદ અને વાદળછાયા વાતાવરણના કારણે વાલોળ, લીલું લસણ, લીલી ડુંગળી ઉપરાંત શક્કરિયાં અને રતાળુ સહિતના સીઝનલ લીલા શાકભાજી મોંઘા થઈ ગયા છે. મોટાભાગના કિસ્સાઓમાં છૂટક લીલા શાકભાજીના ભાવ હોલસેલ ભાવ કરતાં લગભગ બમણા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here