બે સાઈબર ઠગોની જાળમાં ફસાઈ ગયા નિવૃત્ત સરકારી અધિકારી, 81 લાખ રુપિયા ગુમાવ્યા – retired government officer duped of 81 lakh by foreign exchange trading con

0


હાઈલાઈટ્સ:

  • નિવૃત્ત સરકારી અધિકારીએ સાયબર ક્રાઈમમાં ફરિયાદ નોંધાવી.
  • બે સાઈબર ઠગોએ ફોરેક્ષ ટ્રેડિંગના નામે 81 લાખ રુપિયા પડાવ્યા.
  • એકાએક ફોન ઉપાડવાના બંધ કર્યા, વેબસાઈટ પણ બંધ થઈ ગઈ.

અમદાવાદ- આપણા રોજબરોજના જીવનમાં ઈન્ટરનેટનો ઉપયોગ વધી ગયો છે. ટેક્નોલોજીને કારણે લોકોના જીવન સરળ બની ગયા છે, પરંતુ સાથે સાથે ઈન્ટરનેટને કારણે થતી છેતરપિંડીના કેસ પણ ઘણાં વધી ગયા છે. તાજેતરમાં જ સાયબર ક્રાઈમની એક ઘટના બની છે, જેમાં નિવૃત્ત સરકારી અધિકારી સાથે 81 લાખ રુપિયાની છેતરપિંડી થઈ છે. બે સાયબર ઠગોએ મળીને બે મહિનામાં અધિકારી પાસેથી આ રકમ પડાવી હતી. તેમણે નિવૃત્ત અધિકારીને ફોરેન એક્ષચેન્જ ટ્રેડિંગમાં મોટો નફો કરાવી આપવાની લાલચ આપી હતી.

ના કોઈ ફોન, ના કોઈ સંદેશ! તરછોડીને દુબઈ જતા રહેલા પતિ વિરુદ્ધ પત્નીએ નોંધાવી ફરિયાદ

CIDના સાયબર સેલમાં 64 વર્ષીય સુભાષચંદ્રએ ફરિયાદ નોંધાવી છે. તેઓ રાજ્યના સિંચાઈ વિભાગમાં એડિશનલ આસિસ્ટન્ટ એન્જિનિયર તરીકે ફરજ બજાવી ચૂક્યા છે. તેમણે ફરિયાદમાં કહ્યું છે કે, 27 ઓક્ટોબર 2020થી આ ઠગાઈની શરુઆત થઈ હતી. તેમને અજાણ્યા સ્ત્રોત પાસેથી ઈન્વેસ્ટમેન્ટને લગતો મેસેજ મળ્યો હતો. સુભાષચંદ્રએ જ્યારે મેસેજ ખોલ્યો તો તેમાં એક હાઈપરલિંક મૂકવામાં આવી હતી. આ લિંક પર ક્લિક કરતા તેઓ ફોરેન એક્ષચેન્જ વેબસાઈટ પર પહોંચ્યા હતા. વેબસાઈટ પર આરોપી સંજય પટેલનો કોન્ટેક્ટ નંબર પણ આપવામાં આવ્યો હતો.

સુભાષચંદ્રને સંજયે એક સર્ટિફિકેટ મોકલ્યું જે ઈન્ટરનેશલ ફાઈનાન્સ સર્વિસ કમિશન દ્વારા ફોરેક્સ ટ્રેડિંગ કંપની ગેલેક્સી FX ટ્રેડ માટે ઈશ્યુ કરવામાં આવ્યુ હતું. આ સાથે જ અન્ય ગ્રાહકો અને તેમણે મેળવેલા નફાની માહિતી પણ આપવામાં આવી હતી. સુભાષચંદ્રને વિશ્વાસ થઈ ગયો કે આ કંપની યોગ્ય છે અને તેણે નફાની લાલચમાં આવીને તેમાં રોકાણ કરવા માટે રાજી થઈ ગયા હતા. સંજયની સલાહ અનુસાર તેમણે પહેલીવાર 2.23 લાખ રુપિયાનું રોકાણ કર્યું અને 28મી ઓક્ટોબર, 2020નારોજ યુઝર આઈડેન્ટિટી અને ટ્રેડિંગ અકાઉન્ટ માટે ક્રેડેન્શિયલ પ્રાપ્ત કર્યું.

ક્રિમિનલ હિસ્ટ્રી જાણતા હોવા છતાં ઠગ સુકેશની વાતોમાં કેમ આવી જતા હતા લોકો?
સંજયે ત્યારપછી કંપનીની બેલેન્સશીટ સુભાષચંદ્રને બતાવી અને અમુક સ્ક્રીનશોટ્સ બતાવ્યા જેથી તેમને વિશ્વાસ થઈ જાય કે તેઓ નફો કરી રહ્યા છે. સંજય અને તેના સાથી આશિષ જૈને સુભાષચંદ્રને વધારે રોકાણ કરવા રાજી કર્યા અને કોઈ મહિલાના નામે બીજું અકાઉન્ટ પણ બનાવડાવ્યુ. સંજયની વાતોમાં આવીને સુભાષચંદ્રએ પોતાના અને પત્નીના ટ્રેડિંગ અકાઉન્ટ માટે કુલ 81 લાખ રુપિયા ચૂકવ્યા. કંપનીની વેબસાઈટ અનુસાર, સુભાષચંદ્રના પૈસા બમણા થઈ ગયા છે. જ્યારે સુભાષચંદ્રએ તેમની પાસે રોકડા પૈસાની માંગણી કરી અને ટ્રેડિંગ અકાઉન્ટ બંધ કરવાની ઈચ્છા વ્યક્ત કરી તો બન્ને તેમને ટાળવા લાગ્યા.

જાન્યુઆરી મહિનામાં તેમણે સુભાષચંદ્રના ફોન ઉપાડવાનું બંધ કરી દીધું અને પછી ખબર પડી કે તેમની કંપનીની વેબસાઈટ પણ બંધ થઈ ગઈ છે. આખરે સુભાષચંદ્રએ સાઈબર સેલમાં ફરિયાદ નોંધાવી. તેમણે છેતરપિંડી, વિશ્વાસઘાત અને આઈટી એક્ટ અંતર્ગત ગુનો દાખલ કર્યો છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here