amroli murder case: અમરોલીમાં 25 વર્ષીય યુવકની હત્યાનો ભેદ ઉકેલાયો, અમદાવાદથી બે આરોપીની ધરપકડ – ahmedabad crime branch nabbed two accused who killed 25 year old man in surat

0


હાઈલાઈટ્સ:

  • મંદિર પાસે દારૂ પીવાની ના પાડતાં બે શખ્સોએ યુવકને રહેસી નાખ્યો
  • અમરોલીમાં યુવકની હત્યા બાદ લાશ ફેંકીને ફરાર થઈ ગયા આરોપીઓ
  • બંને આરોપીઓની કસ્ટડી અમદાવાદ ક્રાઈમ બ્રાંચ સુરત પોલીસને સોંપશે

અમદાવાદઃ બે મહિના પહેલા સુરતના અમરોલી વિસ્તારમાં થયેલી 25 વર્ષીય યુવકની હત્યાનો ભેદ આખરે ઉકેલાઈ ગયો છે. અમદાવાદ ક્રાઈમ બ્રાંચે મંગળવારે યુવકની હત્યા કરનારા બે શખ્સોને ઝડપી પાડ્યા હતા.

શહેર ક્રાઈમ બ્રાંચના અધિકારીઓના જણાવ્યા પ્રમાણે, સુરતના કતારગામમાં રહેતા 24 વર્ષીય આરોપી મુકેશ ગાયકવાડ અને અમદાવાદના સરસપુરનો રહેવાસી સાગર દંતાણી, કે જે છ મહિના સુધી કતારગામમાં રહ્યો હતો, તેમણે સુરતના રહેવાસી તેવા 25 વર્ષીય સની શર્માની હત્યા કરી હતી.

વડોદરા કથિત ગેંગરેપ-આપઘાત કેસ: OASISના ટ્રસ્ટીઓને ક્રાઈમ બ્રાન્ચનું સમન્સ
હત્યાની ઘટના 26 સપ્ટેમ્બરે તાપી નદીના કિનારે આવેલા છાપરા ભાઠા વિસ્તારની નજીક બની હતી જ્યારે શર્માએ બંનેને મંદિર પાસે દારૂ પીતા જોયા હતા. શર્માએ આ બાબતનો વાંધો ઉઠાવતા બંનેએ તેને ગાળો ભાંડવાનું શરૂ કરી દીધું હતું અને બાદમાં તેને ધમકી પણ આપી હતી.

મૃતકે મંદિર પાસે દારૂ પીવા સામે વાંધો ઉઠાવવાનું યથાવત્ રાખતા, ગાયકવાડે તેને છરીના ઘા માર્યા હતા જ્યારે દંતાણીએ તેને પકડી રાખ્યો હતો. બાદમાં તેમણે તેની લાશ નજીકમાં ફેંકી દીધી હતી અને ઘટનાસ્થળ પરથી ફરાર થઈ ગયા હતા. અમરોલી પોલીસને શર્માની લાશ મળી આવી હતી અને અજાણ્યા શખ્સો સામે હત્યાનો ગુનો નોંધ્યો હતો.

50 વર્ષીય વ્યક્તિની હત્યા કરનારો આરોપી ઝડપાયો, મેન્ટેનન્સ બાબતે થઈ હતી માથાકૂટ
આ દરમિયાન, શહેર ક્રાઈમ બ્રાંચે કેસની તપાસ કરતાં ગાયકવાડ તેમજ દંતાણીએ શર્માની હત્યા કરી હોવાનું સામે આવ્યું હતું. ક્રાઈમ બ્રાંચની ટીમ મંગળવારે બંને આરોપીઓના ઘરે પહોંચી હતી અને તેમની ધરપકડ કરી હતી. આગળની કાયદાકીય કાર્યવાહી કરવા માટે શહેર ક્રાઈમ બ્રાંચ બંનેની કસ્ટડી સુરતની અમરોલી પોલીસને સોંપશે. આરોપીઓ અન્ય કોઈ ગુનાહિત ઈતિહાસ ધરાવે છે કે કેમ તે દિશામાં પણ તપાસ કરવામાં આવશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here