eye witness explain helicopter crash: વાયુસેનાનું હેલિકોપ્ટર ક્રેશ થવાની ઘટનાને નજરે જોનારા ગામવાળાએ શું કહ્યું? – eye witness explain how iaf helicopter crash and what happened after that

0


હાઈલાઈટ્સ:

  • તમિલનાડુના કુન્નૂરમાં બનેલી ઘટના ગ્રામજનો માટે ઘણી જ ડરામણી હતી
  • હેલિકોપ્ટર ક્રેશ થવાની ઘટનામાં ગ્રામજનોએ જે નજરે જોયું તે જણાવ્યું
  • કઈ રીતે એક ઝાડ રેસ્ક્યુ ટીમ માટે મોટી અડચણરુપ સાબિત થયું હતું?

તમિલનાડુના કુન્નૂરના નીલગીરીના જંગલોમાં ભારતીય વાયુસેનાનું હેલિકોપ્ટર ક્રેશ થયા બાદ બનેલી ઘટના દેશ માટે દુઃખદાયી રહી. દુર્ઘટના બન્યા પચી રેસ્ક્યુ ટીમ ઘટનાસ્થળ પર પહોંચી હતી. હેલિકોપ્ટરમાંથી બે લોકોને જીવતા બહાર કાઢવામાં આવ્યા હતા. જેમાંથી એક સીડીએસ જનરલ બિપિન રાવત પણ હતા. હવે આ ઘટના બની ત્યારે કેવી સ્થિતિ હતી તે અંગે સ્થાનિક નજરે જોનારા લોકોએ પોતાની આપવીતી જણાવી છે.

“200 મીટર ઉપર ઉડતું જોયું, 100 મીટરથી ક્રેશ થયું”

બર્લિયાર હેમલેટના રહેવાસી પ્રકાશે હેલિકોપ્ટર 100 મીટર ઉપરથી દુર્ઘટનાગ્રસ્ત થતા જોયું. તેમણે કહ્યું, “સવારે ધૂમ્મસ હતું. મેં હેલિકોપ્ટર મારા ઘરથી 200 મીટર ઉપર ઉડતું જોયું હતું. તે એક મોટા ઝાડ સાથે અથડાયું હતું અને પછી ધડાકો થયો હતો અને હેલિકોપ્ટર ક્રેશ થયું હતું. આસપાસના લોકો ડરીને પોતાના ઘરમાં ભાગી ગયા હતા.” પ્રકાશ અને તેમના વિસ્તારના અન્ય લોકો દુર્ઘટના બની તે સ્થળ પર પહોંચ્યા તો જોયું કે હેલિકોપ્ટર સળગી રહ્યું હતું.

હેલિકોપ્ટર ક્રેશ થયા બાદ જીવતા હતા CDS બિપિન રાવત, હિન્દીમાં ધીમા અવાજે શું કહ્યું હતું?

“પીડાદાયક અવાજમાં માગી રહ્યા હતા પાણી”

એક અન્ય ગામના અને ઘટનાસ્થળ પર પહોંચેલા લોકોમાં શિવકુમાર પણ હતા. તેમણે જણાવ્યું કે સળગતા હેલિકોપ્ટરમાં 11 લોકો હતા, જ્યારે કે ત્રણ જણા થોડા મીટરના અંતરેથી મળ્યા હતા, હેલિકોપ્ટર ક્રેશ થયા બાદ લગભગ તેઓ તેમાંથી બહાર ફેંકાઈ ગયા હતા અને પોતાનો જીવ બચાવવા માટે દૂર જવાની કોશિશ કરી રહ્યા હતા. તેમના શરીર પર ગંભીર ઈજાઓ થઈ હતી. ઘાયલોમાંથી એક વ્યક્તિ પીડાથી કણસી રહી હતી. ધીમા અવાજમાં તેમણે પાણી માગ્યું હતું.

ધડાકાનો અવાજ સાંભળ્યો અને તાત્કાલિક વીજળી કટ કરાવી

દુર્ઘટનાસ્થળ પરથી લગભગ 100 મીટર દૂર કટેરી ગામમાં, એક મજૂર પોથમ પોન્નમે દુર્ઘટનાગ્રસ્ત થતા પહેલા હેલિકોપ્ટરને પોતાના માથા પરથી પસાર થતા જોયું હતું. ગણતરીની સેકન્ડોમાં તેમણે મોટો અવાજ સાંભળ્યો અને તેમને લાગ્યું કે હેલિકોપ્ટર ક્રેશ થયું છે. કટેરીના રહેવાસીઓએ જિલ્લા અધિકારીનો સંપર્ક કર્યો અને આ વિસ્તારની વીજળી તાત્કાલિક કાપી નાખવામાં આવી હતી. પોથમે કહ્યું કે જ્યારે અમે દુર્ઘટનાસ્થળ પર પહોંચ્યા તો પોલીસે અને આગળ જતા રોકી દીધા હતા.

‘હું પહાડી છું, આટલી નાની ઘટનામાં મરવાનો નથી’ મોતને માત આપીને બોલ્યા હતા બિપિન રાવત
કપાયેલું ઝાડ રેસ્ક્યુ ઓપરેશનમાં અડચણરુપ બન્યું

એક ઝાડ હેલિકોપ્ટર ક્રેશ થવાની સાથે તૂટી પડ્યું હતું. આ તૂટેલું ઝાડ રેસ્ક્યુ ઓપરેશનમાં અડચણરુપ બન્યું હતું. ઝાડના કારણે બચાવ કામગીરીમાં મોડું થયું. 12 લોકોના શબ મળી આવ્યા અને બે લોકો જીવતા મળ્યા હતા, બન્ને ગંભીર રીતે ઘાયલ હતા.

વાસણમાં પાણી લાવીને આગ ઓલવવાના પ્રયાસ કર્યા

પ્રત્યક્ષદર્શીએ જણાવ્યું કે બચાવ કામગીરીમાં અડચણો આવી રહી હતી. આગ ઓલવવા માટે ફાયરબ્રિગેડના વાહનો લાવવા માટેનો કોઈ રસ્તો નહોતો. અમે નજીકમાં આવેલી નદી અને ઘરોમાંથી પાણી લાવીને આગ ઓલવવાના પ્રયાસો શરુ કર્યા હતા. ઓપરેશન ઘણું જ મુશ્કેલ હતું, શબને બહાર કાઢવા માટે હેલિકોપ્ટરના તીક્ષ્ણ કાટમાળને દૂર પડ્યો હતો. ઘણી મુશ્કેલી બાદ મૃતકોને બહાર કાઢી શકાયા હતા.

રાવતના શરીરના નીચેના ભાગમાં ગંભીર ઈજાઓ થઈ હતી

રેસ્ક્યુ ટીમ દ્વારા બચાવ કામગીરી કરાઈ રહી હતી જેમાં બિપિન રાવતના શરીરના નીચેના ભાગમાં ગંભીર ઈજાઓ થઈ હોવાનું માલુમ પડ્યું હતું. આ પછી તેમને ચાદરમાં લપેટીને એમ્બ્યુલન્સમાં લઈ જવામાં આવ્યા હતા. બચાવકર્મીઓને આ વિસ્તારમાં મુશ્કેલીઓનો સામનો કરવો પડ્યો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here