‘તેમને ભાઈ કહું કે મિત્ર?’, બિપિન રાવત સાથેની સેલ્ફી શેર કરીને સ્મૃતિ ઈરાનીએ લખી ભાવુક પોસ્ટ – smriti irani wrote heartfelt post to express the grief on general bipin rawat’s demise

0


હાઈલાઈટ્સ:

  • સ્મૃતિ ઈરાનીએ જનરલ બિપિન રાવત સાથેની સેલ્ફી શેર કરી.
  • કેન્દ્રીય મંત્રીએ જનરલ બિપિન રાવત સાથેની યાદોને વાગોળી.
  • તમામ નેતાઓ અને દેશવાસીઓ આપી રહ્યા છે શ્રદ્ધાંજલિ.

ભારતના સીડીએસ જનરલ બિપિન રાવતનું 8મી ડિસેમ્બરના રોજ એક દુર્ઘટનામાં નિધન થઈ ગયું. તેમનું હેલિકોપ્ટર તમિલનાડુના કુન્નુર પાસે ક્રેશ થઈ ગયુ હતું. દુર્ઘટના સમયે હેલિકોપ્ટરમાં 14 લોકો સવાર હતા. ભારતીય વાયુસેના તરફથી પ્રાપ્ત જાણકારી અનુસાર આ દુર્ઘટનામાં જનરલ રાવત અને તેમના પત્ની સહિત 13 લોકો શહીદ થઈ ગયા. સીડીએસ જનરલ રાવતના નિધનથી આખો દેશ શોકાતૂર છે. લોકો તેમની બહાદુરીને યાદ કરી રહ્યા છે અને તેમને શ્રદ્ધાંજલિ આપી રહ્યા છે. અભિનેત્રી અને રાજનેતા સ્મૃતિ ઈરાનીએ પણ આ ઘટના પર શોક વ્યક્ત કર્યો છે. તેમણે જનરલ રાવત સાથેની પોતાની એક સેલ્ફી શેર કરીને સાથે એક લાંબી અને ભાવુક કરનારી પોસ્ટ પણ લખી છે. તેમણે સંવેદના વ્યક્ત કરી છે.

વાયુસેનાનું હેલિકોપ્ટર ક્રેશ થવાની ઘટનાને નજરે જોનારા ગામવાળાએ શું કહ્યું?

સ્મૃતિ ઈરાની લખે છે કે, અમે સાત વર્ષ પહેલા સત્તાવાર રીતે મળ્યા હતા, એક ફૌજી અને એક મંત્રી. આ સાત વર્ષોમાં અમારી ઘણીવાર મુલાકાત થઈ. વાતચીત પરથી એવુ લાગતુ હતું જાણે અમે હંમેશાથી એકબીજાને ઓળખીએ છીએ. હું તેમને ભાઈ કહું કે મિત્ર કહું, તે લેજેન્ડ છે, હું તો તેમને હંમેશા મારા ચીફ માનીશ. આપણા સશસ્ત્ર દળોને આત્મનિર્ભર બનાવવાનો સંકલ્પ તેમણે લેવડાવ્યો હતો. સમાજને પ્રભાવિત કરનારા મુદ્દાઓ પર તેમણે સાથ આપ્યો, મને તેમની સાથે જોડાવવાનું સૌભાગ્ય પ્રાપ્ત થયું.

CDS રાવતના હેલિકોપ્ટરને અચાનક શું થયું? સતાવી રહ્યા છે આ પાંચ સવાલ
સ્મૃતિ ઈરાની આગળ લખે છે કે, તેમની સાથે થયેલી મારી વાતચીત મારા માટે આશિર્વાદ સમાન છે. બે વર્ષ પહેલા મેં તેમની સાથે આ સેલ્ફી લીધી હતી. સમય પસાર થઈ ગયો અને ત્યારે રોકાઈ ગયો જ્યારે મને ક્રેશ વિષે જાણકારી મળી. મને ખબર છે તે જ્યાં પણ હશે, આ મેસેજની પ્રતિક્રિયા સ્માઈલ સાથે આપશે. તમે ઘણી સારી યાદો મૂકીને ગયા છો, તમારા ઘણાં પ્રશંસકો છે. તમામ લોકો તમારા દ્વારા કરવામાં આવેલી દેશસેવા માટે આભારી છે. હું જ્યારે તમને મળીશ તો લડીશ કે અમને આટલા વહેલા છોડીને કેમ જતા રહ્યા. ઓમ શાંતિ.


જનરલ બિપિન રાવતના નિધન પર વડાપ્રધાન નરેન્દ્ર મોદી, રક્ષા મંત્રી રાજનાથ સિંહ, કેન્દ્રીય ગૃહ મંત્રી અમિત શાહ સહિત તમામ રાજકીય નેતાઓએ શોક વ્યક્ત કર્યો છે.





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here