helicopter black box: ક્રેશ થયેલા હેલિકોપ્ટરનું Black Box મળ્યું, દુર્ઘટના પહેલાની મહત્વની વિગતો સામે આવશે – block box of crash iaf helicopter found, investigation may start soon

0


હાઈલાઈટ્સ:

  • આખરે કુન્નૂરમાં બનેલી ઘટના બાદ હેલિકોપ્ટરનું બ્લેક બોક્સ મળી ગયું
  • હેલિકોપ્ટરની આસપાસના એક કિલોમીટરમાં કરાઈ રહી હતી શોધખોળ
  • બ્લેક બોક્સની તપાસમાં દુર્ઘટના કઈ રીતે સર્જાઈ તેવી વિગતો સામે આવશે

તમિલનાડુમાં બુધવારે સવારે બનેલી દુર્ઘટનામાં સેનાના સીડીએસ જનરલ બિપિન રાવત તેમના પત્ની અને અન્ય સેનાના અધિકારીઓને લઈને જતું હેલિકોપ્ટર ક્રેશ થવાની ઘટના બની હતી. આ ઘટનામાં જનરલ બિપિન રાવત તેમના પત્ની સહિત 13ના જીવ ગયા છે. ગ્રુપ કેપ્ટન આ ઘટનામાં જીવતા બચેલા એકમાત્ર વ્યક્તિ છે. તેમની હજુ સારવાર ચાલી રહી છે. હવે આ દુર્ઘટના કઈ રીતે બની તે અંગેની વિગતો બ્લેક બોક્સ દ્વારા મળશે. બ્લેક બોક્સની શોધ માટે સઘન તપાસ કરાઈ હતી. જેના માટે અધિકારીઓની ટીમ ઘટના સ્થળ પર પહોંચી હતી. હવે તપાસ વધારવામાં આવી છે.

વાયુસેનાનું હેલિકોપ્ટર ક્રેશ થવાની ઘટનાને નજરે જોનારા ગામવાળાએ શું કહ્યું?

બ્લેક બોક્સથી કઈ રીતે તમામ વિગતો મળે છે?

બ્લેક બોક્સમાં વોઈસ રેકોર્ડર હોય છે, જેમાં તમામ વાતો રેકોર્ડ થાય છે. પાઈલટ સતત કંટ્રોલ રૂમના સંપર્કમાં હોય છે. જે પણ વાતો થાય છે તે બ્લેક બોક્સમાં રેકોર્ડ થઈ જાય છે. દુર્ઘટના પહેલા શું વાત થઈ, પાઈલટે શું જણાવ્યું એ તમામ વાતોનો ખ્યાલ આવે છે. દુર્ઘટના પહેલા શું વાતો થઈ, પાઈલટે શું કહ્યું તે બધું ખબર પડે છે.

કુન્નૂરમાં હેલિકોપ્ટર ક્રેશ થયેલી જગ્યા પાસેથી બ્લેક બોક્સ મળ્યું

ઘટના સ્થળના થોડા અંતરેથી મળ્યું બ્લેક બોક્સ

ગુરુવારે સેનાના અધિકારીઓને તપાસમાં સફળતા મળી અને દુર્ઘટનાગ્રસ્ત થયેલા હેલિકોપ્ટરનું ફ્લાઈટ રેકોર્ડ એટલે કે બ્લેક બોક્સ મળી ગયું છે. આ બ્લેક બોક્સ ઘટનાસ્થળના થોડા મીટર દૂરથી મળી આવ્યું છે. એવો અંદાજ લગાવવામાં આવી રહ્યો છે કે દુર્ઘટના સર્જાયા બાદ આ બ્લેક બોક્સ હેલિકોપ્ટરમાંથી નીકળીને દૂર જઈને પડ્યું હશે.

હેલિકોપ્ટર ક્રેશ થયા બાદ જીવતા હતા CDS બિપિન રાવત, હિન્દીમાં ધીમા અવાજે શું કહ્યું હતું?
એક કિલોમીટરના અંતરમાં કરાઈ રહી હતી તપાસ

આ દુર્ઘટનામાં સીડીએસ જનરલ, તેમના પત્ની અને 11 અન્યના જીવ ગયા છે. પોલીસ સૂત્રોના જણાવ્યા પ્રમાણે સેનાના અધિકારીઓએ બ્લેક બોક્સની તપાસ દુર્ઘટનાસ્થળના 300 મીટરથી વધારીને એક કિલોમીટર સુધી કરી હતી. આજે બ્લેક બોક્સ મળી ગયું છે.

બ્લેક બોક્સની મદદથી પર્વતીય વિસ્તારમાં બનેલી હેલિકોપ્ટર ક્રેશ થવાની ઘટનાની મહત્વની વિગતો મળશે. Mi-17V5 હેલિકોપ્ટર બુધવારે દુર્ઘટનાગ્રસ્ત થયું હતું અને આગ લાગવાથી તેમાં સવારે 63 વર્ષના જનરલ રાવત, તેમના પત્ની અને 11 લોકોના જીવ ગયા હતા. આ દુર્ઘટનામાં માત્ર એક જ વ્યક્તિનો જીવ બચ્યો છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here