શહીદોના પરિવાર માટે કામ કરતા હતા મધુલિકા, અંતિમ સફર સુધી પતિ બિપિનને આપ્યો સાથ – late madhulika rawat associated with welfare associations know everything about her

0


હાઈલાઈટ્સ:

  • હેલિકોપ્ટર ક્રેશમાં CDS બિપિન રાવત અને પત્ની મધુલિકાનું નિધન.
  • મધુલિકાએ પતિ બિપિન રાવતનો અંતિમ સફર સુધી સાથ આપ્યો.
  • પરિવારની જવાબદારી સાથે સમાજ સેવા સાથે સંકળાયેલા હતા.

8મી ડિસેમ્બરના રોજ હેલિકોપ્ટર ક્રેશની જે દુર્ઘટના બની તેના કારણે આખો દેશ સ્તબ્ધ છે. હેલિકોપ્ટર ક્રેશમાં સીડીએસ બિપિન રાવત અને તેમના પત્ની મધુલિકાનું કરુણ નિધન થયું છે. બિપિન રાવતના પત્ની મધુલિકાની વાત કરીએ તો, તેમનો જન્મ મધ્ય પ્રદેશના શહડોલમાં થયો હતો. તેમણે જીવનના દરેક તબક્કામાં પતિનો સાથ આપ્યો અને મૃત્યુ સમયે પણ તેઓ પતિની સાથે હતા.

‘હું પહાડી છું, આટલી નાની ઘટનામાં મરવાનો નથી’ મોતને માત આપીને બોલ્યા હતા બિપિન રાવત

જનરલ બિપિન રાવતના પત્ની મધુલિકાનો જન્મ મધ્યપ્રદેશમાં શહડોલ જિલ્લાના સોહાગપુરમાં થયો હતો. તેમના પિતા કુંવર મૃગેન્દ્ર સિંહ રાજનીતિમાં સક્રિય હતા અને તેઓ બે વાર ધારાસભ્ય રહી ચૂક્યા હતા. મૃગેન્દ્ર સિંહ રીવા પરિવાર સાથે સંકળાયેલા હતા. શહડોલમાં આજે પણ તેમનું ભવ્ય મકાન છે અને તેમનો પરિવાર ત્યાં રહે છે. મધુલિકાએ પ્રાથમિક શિક્ષણ શહડોલમાં મેળવ્યું. જ્યારે તે ચોથા ધોરણમાં હતા ત્યારે ગ્વાલિયરના પ્રખ્યાત સિંધિયા ગર્લ્સ સ્કૂલમાં અભ્યાસ માટે મોકલી દેવામાં આવ્યા હતા. તેમણે 12મા ધોરણ સુધીનો અભ્યાસ તે શાળામાં કર્યો અને પછી દિલ્હી યુનિવર્સિટીથી સાયકોલોજીમાં ગ્રેજ્યુએશરની ડિગ્રી મેળવી.

હેલિકોપ્ટર ક્રેશ થયા બાદ જીવતા હતા CDS બિપિન રાવત, હિન્દીમાં ધીમા અવાજે શું કહ્યું હતું?
વર્ષ 1986માં મધુલિકાના લગ્ન બિપિન રાવત સાથે થયા હતા. તે સમયે બિપિન રાવત સેનામાં કેપ્ટનના પદ પર હતા. લગ્ન પછી શરુઆતના દિવસોમાં તે પતિથી અલગ રહ્યા. જનરલ રાવતની પોસ્ટિંગ તે સમયે બોર્ડર પર હતી. બિપિન રાવતને લાગતુ હતું કે પરિવારને સાથે રાખવાને કારણે તે પોતાની જવાબદારી નિભાવવામાં પાછળ પડી જશે. માટે તેમણે બાળકોના ઉછેરની જવાબદારી પણ મધુલિકાને સોંપી અને પોતે દેશ સેવામાં વળગી રહ્યા.

બિપિન રાવત અને તેમના પત્નીના અંતિમ સંસ્કાર શુક્રવારે દિલ્હીમાં કરાશે
જનરલ રાવત અને મધુલિકાની બે દીકરીઓ છે. મોટા દીકરીનું નામ કૃતિકા રાવત છે, જેમના લગ્ન મુંબઈમાં થયા છે. નાના દીકરી તારિણી હજી પણ અભ્યાસ કરે છે. તે દિલ્હીમાં માતા-પિતા સાથે રહેતા હતા. પતિની તમામ વ્યસ્તતા અને પરિવારની જવાબદારીઓ હોવા છતાં મધુલિકા સામાજિક પ્રવૃત્તિઓમાં સક્રિય રહેતા હતા. તે અને સામાજિક સંસ્થાઓ સાથે જોડાયેલા હતા. પરિવારના કાર્યક્રમોમાં પણ તે આગળ પડતો ભાગ લેતા હતા. મધુલિકાના ભાઈ યશવર્ધન સિંહે અમારા સહયોગી નવભારત ટાઈમ્સ સાથેની વાતચીતમાં જણાવ્યું કે, સેના પ્રમુખ બન્યા પછી બિપિન રાવત એકવાર ઈન્દોર આવ્યા હતા. તેઓ પત્ની મધુલિકાના એક વચનને કારણે ત્યાં આવ્યા હતા.

બિપિન રાવતના કાકાએ કહ્યું- રિટાયરમેન્ટ બાદ તેઓને ગામડે ઘર બાંધવાની ઈચ્છા હતી
યશવર્ધન સિંહના દીકરી ઈન્દોરના ડેલી કોલેજમાં અભ્યાસ કરતા હતા અને શૂટિંગમાં સક્રિય હતા. મધુલિકાએ તેમને વચન આપ્યુ હતું કે ગોલ્ડ મેડલ જીતશે તો તેમને મળવા સ્કૂલ આવશે. દીકરીને જ્યારે ગોલ્ડ મેડલ મળ્યો તો મધુલિકા જીદ કરીને પતિને પણ સાથે લઈ ગયા હતા. મધુલિકા આર્મી વાઈવ્સ વેલફેર અસોસિએશના પ્રેસિડન્ટ હતા. આ પદ પર રહીને તેમણે શહીદ જવાનોની પત્નીઓ માટે ઘણું કામ કર્યું. તેમને ટેલરિંગ, બ્યુટિશિયન, ચોકલેટ બનાવવી વગેરે જેવી કળાઓની તાલીમ માટે પ્રોત્સાહિત કરતા હતા, જેથી તે મહિલાઓ આર્થિક રીતે આત્મનિર્ભર થઈ શકે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here