farmer protest ends: સરકારે તમામ માગણી માની લેતા 378 દિવસ ચાલેલા ખેડૂત આંદોલનનો આખરે અંત – farmers end protest after 378 days as govt accepts all their demands

0


હાઈલાઈટ્સ:

  • ત્રણ કૃષિ કાયદાની વિરુદ્ધમાં દિલ્હીની બહાર નવેમ્બર 2020માં શરુ થયું હતું ખેડૂતોનું આંદોલન
  • આંદોલન દરમિયાન 600થી વધારે ખેડૂતો વિરોધ પ્રદર્શનના સ્થળ પર મોતને ભેટ્યાનો દાવો
  • આકરી ઠંડી, ગરમી તેમજ ચોમાસા અને કોરોનામાં પણ ખેડૂતોએ આંદોલન ચાલુ રાખ્યું

નવી દિલ્હી: કૃષિ કાયદાના વિરોધમાં એક વર્ષથી પણ વધુ સમયથી ધરણા પર બેઠેલા ખેડૂતોએ આખરે પોતાના આંદોલનને સમાપ્ત કરવાની જાહેરાત કરી છે. કેન્દ્ર સરકારે લેખિતમાં ખેડૂતોની તમામ માગણી માની લેતા તેમજ સંસદમાં કાર્યવાહી કરીને કાયદા પણ પરત ખેંચી લેતા આ આંદોલનનો અંત આવ્યો છે. ઉલ્લેખનીય છે કે, નવેમ્બર 2020માં આ આંદોલનનો પ્રારંભ થયો હતો. બંને પક્ષો વચ્ચે અનેકવાર વાતચીત થઈ હતી, જે નિષ્ફળ રહી હતી. આ આંદોલન 378 દિવસ ચાલ્યા બાદ આજે પૂરું થયું છે.

સંસદના શિયાળુ સત્રના પહેલા જ દિવસે ત્રણેય કૃષિ કાયદા પરત ખેચવાના બિલને મંજૂરી

દિલ્હીની સરહદો પર ધરણા કરી રહેલા ખેડૂતો 11 ડિસેમ્બરે વિજય યાત્રા કર્યા બાદ પોતાના ઘરે પરત ફરી જશે. આંદોલનકારી ખેડૂતો સુવર્ણમંદિર જશે તેવી જાહેરાત પણ કરવામાં આવી છે. સંયુક્ત કિસાન મોરચાના નેતાઓના જણાવ્યા અનુસાર, આંદોલનની સમાપ્તી બાદ પણ 15 જાન્યુઆરીના રોજ તેઓ એક રિવ્યૂ મિટિંગ કરીને સરકારે આપેલા વાયદા પર કેટલું કામ થયું તેની સમીક્ષા કરશે. આંદોલન ખતમ કરવાનો નિર્ણય આજે મળેલી ખેડૂતોના યુનિયનની એક બેઠકમાં લેવામાં આવ્યો હતો. સરકારે ટેકાના ભાવ અંગે એક સમિતિ બનાવવા તેમજ ખેડૂતો વિરુદ્ધ થયેલા તમામ કેસ તાત્કાલિક પરત ખેંચવાનું આશ્વાસન આપતા આંદોલનની પૂર્ણાહૂતિ જાહેર કરાઈ હતી.

‘કૃષિ કાયદા’ પીએમ મોદીએ બેન્જામિન ડિઝરાયલી અને વુડરો વિલ્સનની વચ્ચેનો રસ્તો અપનાવ્યો
કેન્દ્ર સરકારના કૃષિ સચિવે પોતાના લેટરપેડ પર ખેડૂતોને આ અંગે ખાતરી આપી હતી. આ ઉપરાંત, યુપી અને હરિયાણાની સરકાર આંદોલન દરમિયાન મોતને ભેટેલા ખેડૂતોને વળતર ચૂકવશે તેવી ખાતરી પણ સરકાર દ્વારા અપાઈ છે. ખેડૂત નેતાએ આંદોલનની પૂર્ણાહૂતિની જાહેરાત કરતા તેને કારણે લોકોને પડેલી તકલીફો બદલ ક્ષમા પણ માગી હતી. ઉલ્લેખનીય છે કે, કેન્દ્ર સરકારે સંસદમાં ત્રણ કૃષિ કાયદા પસાર કર્યા હતા, જેની સામે ખેડૂતોને સખ્ત વાંધો હતો. આ જ મામલે એનડીએના સાથી પક્ષ રહેલા અકાલી દળે સરકાર સાથે છેડો પણ ફાડી નાખ્યો હતો.

કૃષિ કાયદા રદ કરવાથી ચૂંટણીમાં ભાજપને થશે ફાયદો? સી-વોટરના સર્વેમાં સામે આવી આ વાત
કડકડતી ઠંડી, વરસાદ અને કોરોના કાળમાં પણ આંદોલનકારીઓ હટ્યા નહોતા. આ આંદોલન દરમિયાન દિલ્હીમાં પ્રજાસત્તાક દિને હિંસા પણ ફાટી નીકળી હતી. આ ઉપરાંત, યુપીના લખીમપુર ખીરીમાં મંત્રીના દીકરાએ આંદોલનકારીઓ પર 03 ઓક્ટોબર 2021ના રોજ પોતાની ગાડી ચઢાવી દેતા ચાર ખેડૂતો અને એક પત્રકારનાં મોત થયા હતા. આ ઘટના બાદ ફાટી નીકળેલી હિંસામાં ત્રણ લોકોનું ટોળાં દ્વારા લિન્ચિંગ કરવામાં આવ્યું હતું. તેનો વિડીયો પણ વાયરલ થયા બાદ સરકાર બેકફુટ પર આવી ગઈ હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here