dahegam accident: દહેગામઃ એક્ટિવા પર જઈ રહેલા 3 મિત્રોને નડ્યો અકસ્માત, 2નાં મોત – three friends went to a restaurant for birthday celebration met with an accident 2 youth died

0


| I am Gujarat | Updated: Dec 9, 2021, 5:19 PM

બર્થ ડે પાર્ટી મનાવવા માટે એક્ટિવા પર જઈ રહેલા ત્રણ મિત્રોને અકસ્માત નડ્યો, બેનાં મોત નીપજ્યા.

 

હાઈલાઈટ્સ:

  • ગઈકાલે રાત્રિના સમયે બર્થડે પાર્ટીની ઉજવણી માટે ત્રણ મિત્રો એક્ટિવા પર જઈ રહ્યા હતા.
  • ત્યારે પાછળથી ડમ્પરના ચાલકે એક્ટિવાને ટક્કર મારી હતી.
  • અકસ્માત થતાં જ ત્રણેય મિત્રો એક્ટિવા પરથી ઊછળીને જમીન પર પટકાયા હતા.

દહેગામ: રાજ્યના ગાંધીનગર જિલ્લાના દહેગામ નજીક વડોદરા ગામ પાસે એક્ટિવા પર જઇ રહેલા 3 મિત્રોને ભયંકર અકસ્માત નડ્યો હતો. જેમાં 2 મિત્રોના મોત નીપજ્યા હતા. જ્યારે અન્યને ગંભીર ઈજા પહોંચતા સારવાર માટે હોસ્પિટલ ખસેડવામાં આવ્યો હતો. દહેગામ-નરોડા હાઈવે રોડના વડોદરા પાટિયા પાસે ગઈકાલે રાત્રિના સમયે બર્થડે પાર્ટીની ઉજવણી માટે ત્રણ મિત્રો એક્ટિવા પર જઈ રહ્યા હતા. ત્યારે પાછળથી ડમ્પરના ચાલકે એક્ટિવાને ટક્કર મારી હતી. હવે આ અંગે ડભોડા પોલીસે ગુનો નોંધીને કાયદાકીય કાર્યવાહી હાથ ધરી છે.

પ્રાથમિક તપાસ મુજબ, મિત્રનો બર્થડે હોવાથી આ યુવકો નરોડાની એક હોટેલમાં જમવા જઇ રહ્યા હતા. ત્યારે તેઓ અકસ્માતનો ભોગ બન્યા હતા. દહેગામથી આશરે 4 કિલોમીટર દૂર આવેલા વડોદરા ગામના પાટિયા પાસે બુધવારે રાત્રે એક્ટિવા લઈને જઈ રહેલા દહેગામના ત્રણ યુવકોને અમદાવાદ તરફથી આવી રહેલી ટ્રકે અડફેટે લેતા બે યુવકોના મોત નીપજ્યા હતા. જ્યારે અન્ય એક યુવક ગંભીર રીતે ઈજાગ્રસ્ત થયો હતો. અકસ્માતની આ ઘટનામાં જેનો જન્મદિવસ હતો તે મયૂર લાખાણી નામનો યુવક અને તેના મિત્ર નીલ અમીનનું નીપજ્યું હતું. જ્યારે એક યુવકની હાલત ગંભીર છે અને હાલ હોસ્પિટલમાં સારવાર હેઠળ છે.

pablo (1)

મળતી માહિતી મુજબ, ગઈકાલે 8 ડિસેમ્બરના રોજ મયૂર લાખાણીનો જન્મદિવસ હોવાથી રાત્રિના ત્રણેય મિત્રો એક્ટિવા પર અમદાવાદ જવા માટે નીકળ્યા હતા. તેઓ રાત્રિના અરસામાં દહેગામ-નરોડા હાઈવે રોડના વડોદરા પાટિયા પાસેથી પસાર થઈ રહ્યા હતા ત્યારે એક ડમ્પર ટ્રકના ચાલકે પાછળથી એક્ટિવાને ટક્કર મારી હતી. અકસ્માત થતાં જ ત્રણેય મિત્રો એક્ટિવા પરથી ઊછળીને જમીન પર પટકાયા હતા. અકસ્માતની જાણ થતાં ત્રણેય યુવકોના પરિવારજનો દોડી આવ્યા હતા. જ્યારે મયૂરનો જન્મદિવસ તેની મોતનો દિવસ સાબિત થતા તેના પરિવારજનો પર આભ તૂટી પડયું હતું. આ બંને મિત્રો પરિવારમાં એકના એક પુત્ર હોવાથી શોકનો માહોલ છવાઈ ગયો છે.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : three friends went to a restaurant for birthday celebration met with an accident 2 youth died
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here