team india vice captain: વન-ડે અને ટી20 માટે આ ખેલાડી બની શકે છે માટે ટીમ ઈન્ડિયાનો વાઈસ કેપ્ટન! – kl rahul is all set to become vice captain of team india in limited overs

0


હાઈલાઈટ્સ:

  • ટી20 વર્લ્ડ કપ બાદ ટીમ ઈન્ડિયામાં ધરખમ ફેરફાર
  • રોહિત શર્માને કેપ્ટન બનાવ્યા બાદ, કેએલ રાહુલને વાઈસ કેપ્ટન બનાવવામાં આવી શકે છે
  • ઋષભ પંત પણ વાઈસ કેપ્ટનની રેસમાં હતો, પણ અંતે રાહુલના નામ પર મહોર લાગી

ટી20 વર્લ્ડ કપ બાદ ટીમ ઈન્ડિયામાં ધરખમ ફેરફાર કરવામાં આવી રહ્યા છે. વિરાટ કોહલીની વન-ડે ટીમના કેપ્ટન તરીકે હકાલપટ્ટી કરી દેવામાં આવી છે, અને તેના સ્થાને રોહિત શર્માને ટીમ ઈન્ડિયાનું સુકાનીપદ સોંપવામાં આવ્યું છે. અને હવે રિપોર્ટ્સનું માનીએ તો, કેએલ રાહુલ ટીમ ઈન્ડિયાનો આગામી વાઈસ કેપ્ટન બની શકે છે. વન-ડે ઈન્ટરનેશનલ અને ટી20 ઈન્ટરનેશનલ માટે ટીમ ઈન્ડિયાના વાઈસ કેપ્ટનની જવાબદારી કેએલ રાહુલને સોંપવામાં આવી શકે છે.

કેએલ રાહુલ બની શકે છે ટીમ ઈન્ડિયાનો વાઈસ કેપ્ટન

લિમિટેડ ઓવર્સમાં કેપ્ટન તરીકે વિરાટ કોહલીના યુગનો બુધવારે અંત આવી ગયો હતો. બીસીસીઆઈ દ્વારા વિરાટ કોહલીને સ્વૈચ્છિક રીતે કેપ્ટન તરીકે નિવૃતિ જાહેર કરવા જણાવાયું હતું. પણ કોહલીએ આ વાતનો સ્પષ્ટ ઈન્કાર કરતાં આખરે બીસીસીઆઈએ વિરાટને કેપ્ટનપદેથી સન્માનજનક વિદાય આપવાને બદલે રોહિત શર્માના નામની સીધી જાહેરાત કરી દીધી હતી. અને હવે એવી ચર્ચાએ જોર પક્ડયું છે કે, કેએલ રાહુલને ટીમનો આગામી વાઈસ કેપ્ટન બનાવવામાં આવી શકે છે. ઈનસાઈડ સ્પોર્ટ્સના એક રિપોર્ટ મુજબ 29 વર્ષીય કેએલ રાહુલને વાઈસ કેપ્ટનના પદ માટેનો ઉત્તરાધિકારી માનવામાં આવી રહ્યો છે. ન્યૂઝીલેન્ડની સામે હાલમાં જ સમાપ્ત થયેલ સીરિઝમાં કેએલ રાહુલે આ જવાબદારી સંભાળી હતી.

વિરાટ કોહલીએ વન-ડેનું સુકાનીપદ છોડવાની ના પાડી, આખરે BCCIએ કરી હકાલપટ્ટી

ભવિષ્યમાં ટીમ ઈન્ડિયાનો કેપ્ટન પણ બની શકે છે કેએલ રાહુલ

માનવામાં આવી રહ્યું છે કે, રોહિત શર્મા 2024ના ટી20 વર્લ્ડ કપ બાદ ટીમની સાથે કદાચ નહીં રહે, કેમ કે આ સમયે તેની ઉંમર 37 વર્ષની થઈ ગઈ હશે. કેએલ રાહુલ કે જેને આઈપીએલ મારફતે સુકાનીપદનો અનુભવ થઈ ચૂક્યો છે, તે વાઈસ કેપ્ટન બનશે તેવું માનવામાં આવી રહ્યું છે. બીસીસીઆઈના એક સીનિયર અધિકારીએ ઈનસાઈડ સ્પોર્ટ્સને જણાવ્યું છે કે, કેએલ રાહુલ આગામી વાઈસ કેપ્ટન હશે. લિમિટેડ ઓવર્સના ફોર્મેટમાં તે સ્વાભાવિક પસંદ છે. તેની પાસે હજુ 6-7 વર્ષનું ક્રિકેટ બાકી છે અને ટીમ ઈન્ડિયાના આગામી કેપ્ટન તરીકે તૈયાર પણ થઈ શકે છે. રોહિત અને વિરાટની સાથે તેની સાથે રાહુલ દ્રવિડ પણ હશે, જેમની પાસેથી તે ઘણું બધું શીખી શકે છે.

કેએલ રાહુલની સાથે પંતનું નામ પણ વાઈસ કેપ્ટનની રેસમાં હતું

જો કે, સિલેક્શન કમિટીના સભ્યો ઋષભ પંતને પણ વાઈસ કેપ્ટન બનાવવાનું વિચારી રહ્યા હતા. 24 વર્ષીય પંત આઈપીએલમાં દિલ્હી કેપિટલ્સનો કેપ્ટન છે. પંતની ઓછી ઉંમર, આઈપીએલમાં પ્રભાવશાળી કેપ્ટનશિપ અને ડીઆરએસમાં વિકેટકીપરની મહત્વપુર્ણ ભૂમિકાએ તેનો દાવો મજબૂત કર્યો હતો. પણ અંતે ટીમ મેનેજમેન્ટે કેએલ રાહુલના પર્ફોર્મન્સને જોતાં કેએલ રાહુલના નામ પર મહોર મારી દીધી હતી.
વન-ડેમાં રોહિત શર્મા કેપ્ટન, સાઉથ આફ્રિકાના પ્રવાસ માટે ટેસ્ટ ટીમની જાહેરાત
નાની ઉંમરમાં પંત પર વધારે દબાણ આપવા માગતા ન હતા સિલેક્ટર્સ

બીસીસીઆઈના અધિકારીએ ઈનસાઈડ સ્પોર્ટ્સને જણાવ્યું કે, ઋષભ ખુબ જ યુવાન છે અને આ ઉંમરમાં તેને વધારાની જવાબદારી આપતાં તેના પર વધારે દબાણ આવી શકે છે. જ્યારે સીનિયર્સ સાથે હશે ત્યારે તે ઘણું બધું શીખી શખશે. મને નથી લાગતું કે, તેને વાઈસ કેપ્ટનની જવાબદારી સોંપવી યોગ્ય નિર્ણય હશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here