gujarat corona cases: ઓમિક્રોનની આફત વચ્ચે રાજ્યમાં સતત વધી રહ્યા છે કોરોનાના દર્દીઓ, નવા 70 કેસ નોંધાયા – gujarat corona cases: new 70 cases reported today, 28 discharged

0


હાઈલાઈટ્સ:

  • રાજ્યમાં સતત વધી રહ્યા છે કોરોનાનાં કેસો
  • આજે રાજ્યમાં કોરોના કેસોનો આંક 70 પર પહોંચ્યો
  • જામનગરમાં કોરોનાનાં 10 કેસો નોંધાયા

ગુજરાતના જામનગરમાં કોરોનાના નવા વેરિયન્ટ ઓમિક્રોનનો સૌથી પ્રથમ કેસ નોંધાયો હતો. જે બાદ સમગ્ર રાજ્યમાં ઓમિક્રોનનો ડર જોવા મળી રહ્યો છે. અને આ વચ્ચે છેલ્લા ત્રણેક દિવસથી રાજ્યમાં કોરોનાનાં કેસોનો આંક 60 ઉપર નોંધાઈ રહ્યો હતો. તેવામાં આજે કોરોનાનો આંક હવે 70 પર પહોંચ્યો છે. રાજ્યમાં સતત વધી રહેલાં કોરોનાનાં કેસોને કારણે લોકોમાં ભારે ચિંતા ફેલાઈ ગઈ છે. જો કે, આજે કોરોનાને કારણે એક પણ મોત નોંધાયું નથી. આ ઉપરાંત છેલ્લા 24 કલાકમાં 28 લોકોએ કોરોનાને માત આપી છે.

કુલ એક્ટિવ કેસોનો આંક 459 પર પહોંચ્યો

રાજ્યમાં છેલ્લા 24 કલાકમાં 3,75,888 લોકોનું રસીકરણ કરવામાં આવ્યું છે. અને રાજ્યનો રિકવરી રેટ 98.73 પર પહોંચ્યો છે. આ ઉપરાંત રાજ્યમાં આજે 28 દર્દીઓ સાજા થતાં કુલ 8,17,389 દર્દીઓએ કોરોનાને માત આપી છે. હાલ રાજ્યમાં કુલ એક્ટિવ કેસોનો આંક 459 પર પહોંચ્યો છે. જેમાંથી 8 દર્દીઓ વેન્ટિલેટર પર છે, જ્યારે 451 દર્દીઓની હાલત સ્થિર છે.

Corona

અમદાવાદમાં 13, જ્યારે જામનગરમાં 10 કેસ નોંધાયા

કોરોના કેસોની જિલ્લાવાર વિગતો પર નજર નાખવામાં આવે તો, છેલ્લા 24 કલાકમાં અમદાવાદ કોર્પોરેશનમાં કોરોનાનાં 13 કેસો, જામનગર કોર્પોરેશનમાં 10 કેસો, સુરત કોર્પોરેશનમાં 9 કેસો, વડોદરામાં 6 કેસો, વડોદરા કોર્પોરેશનમાં 6 કેસો, નવસારીમાં 5 કેસો, વલસાડમાં 5 કેસો, આણંદમાં 4 કેસો, કચ્છમાં 3 કેસ, રાજકોટ કોર્પોરેશનમાં 3 કેસ, ભાવનગર કોર્પોરેશનમાં 2 કેસ, ગાંધીનગર કોર્પોરેશનમાં 2 કેસ, રાજકોટમાં 1 કેસ તેમજ તાપીમાં કોરોનાનો એક કેસ નોંધાયો હતો.

ગત રોજ નોંધાયા હતા 67 કેસો

ગત રોજ ગુજરાતમાં કોરોના વાયરસના નવા 67 કેસ નોંધાયા હતા, 22 દર્દી સાજા થયા હતા. ગત રોજ અમદાવાદમાં 23, સુરતમાં 11, જામનગર અને વડોદરામાં 7-7, સુરત (જિલ્લા)માં 4, બનાસકાંઠા અને વલસાડમાં 3-3, અમદાવાદ (જિલ્લો)-કચ્છ-નવસારી-તાપીમાં 2, વડોદરા (જિલ્લા)માં 1 કેસ નોંધાયો હતો. આમ ગત રોજ અને આજના આંકડાની સરખામણી કરવામાં આવે તો, અમદાવાદમાં આજે કોરોનાનાં કેસોમાં ધરખમ ઘટાડો જોવા મળ્યો છે. જેની સામે જામનગરમાં કોરોનાનાં કેસોમાં વધારો જોવા મળી રહ્યો છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here