bipin rawat death: બિપિન રાવતના નિધન પર કેમ ન જાહેર કરાયો રાજકીય શોક? શું કહે છે નિયમ? – why was national mourning not declared on the demise of bipin rawat? what does the rule say?

0


હાઈલાઈટ્સ:

  • બિપિન રાવતનું હેલિકોપ્ટર ક્રેશમાં નિધન થયા બાદ પણ ન જાહેર કરાયો રાષ્ટ્રીય શોક
  • જાણો રાષ્ટ્રીય શોક ક્યારે જાહેર કરવામાં આવે છે?
  • રાષ્ટ્રીય શોક અને રાજકીય સન્માન સાથે અંતિમ સંસ્કારમાં શું ફરક હોય છે?

તમિલનાડુના કુન્નુરમાં હેલિકોપ્ટર ક્રેશ થતાં દેશનાં પ્રથમ ચીફ ઓફ ડિફેન્સ સ્ટાફ બિપિન રાવત, તેમના પત્ની સહિત 13 લોકોનાં દર્દનાક મોત નિપજ્યા. જે બાદ સમગ્ર દેશભરમાં શોકની લાગણી છવાઈ ગઈ હતી. દેશના પ્રથમ સીડીએસનું ગંભીર દુર્ઘટનામાં દુઃખદ નિધન થયા બાદ પણ કોઈપણ પ્રકારનો રાજકીય શોક જાહેર કરવામાં આવ્યો ન હતો. ઉત્તરાખંડમાં 3 દિવસનો રાજકીય શોક જાહેર કરવામાં આવ્યો છે. જેને લઈને અનેક લોકોના મનમાં સવાલો ઉભા થઈ રહ્યા છે. તેવામાં જાણો કે, રાજકીય શોક ક્યારે જાહેર કરવામાં આવે છે.

CDS બિપિન રાવતના પાર્થિવ શરીરને લઇ જઇ રહેલા વાહન પર ફૂલ વરસ્યાં, ‘ભારત માતાની જય’ના નારા ગૂંજ્યા

નિયમની વાત કરીએ તો, સેવારત અને પૂર્વ પ્રધાનમંત્રી, કેન્દ્રીય મંત્રી, રાષ્ટ્રપતિ, ઉપરાષ્ટ્રપતિ અને ચીફ જસ્ટિસ ઓફ ઈન્ડિયા જ દેશના દેશવ્યાપી રાષ્ટ્રીય શોકના હકદાર હોય છે. જો કે, રાષ્ટ્રીય શોક જાહેર કરવાને લઈને લેખિતમાં સ્પષ્ટ રીતે કાંઈ કહેવામાં આવ્યું નથી અને તેને લઈને કોઈ SOP પણ બનાવવામાં આવી નથી. એટલા માટે તે સરકારના વિવેક પર આધાર રાખે છે કે કોના નિધન પર રાષ્ટ્રીય શોક જાહેર કરવામાં આવે.

રાષ્ટ્રીય શોક અને રાજકીય સન્માન સાથે અંતિમ સંસ્કારમાં શું ફરક?

રાષ્ટ્રીય શોક અને રાજકીય સન્માનની સાથે અંતિમ સંસ્કારમાં ઘણો ફરક હોય છે. કોઈપણ એવી વ્યક્તિ તે જેણે પોલિટિક્સ, પ્રશાસન, કાનૂન, વિજ્ઞાન, કળા, સિનેમા જેવા ક્ષેત્રોમાં વિશેષ યોગદાન હોય, તેમના પાર્થિવ દેહને ત્રિરંગાથી ઢાંકવાની મંજૂરી સરકાર આપી શકે છે. આ માટે મુખ્યમંત્રી પોતાની કેબિનેટથી સલાહ લીધા બાદ કોઈ નિર્ણય લઈ શકે છે. મધર ટેરેસા, સત્ય સાઈ બાબા, શ્રીદેવી જેવા અમુક ઉદાહરણ આપણી સામે છે, જેમના પોતાના ક્ષેત્રમાં વિશિષ્ટ યોગદાન માટે રાજકીય સન્માન સાથે અંતિમ સંસ્કાર કરવામાં આવ્યા છે.

રાજકીય શોક પર ક્યારે આપવામાં આવે છે જાહેર રજા?

કેન્દ્ર સરકારના 1997ના નોટિફિકેશનમાં સ્પષ્ટ કહેવામાં આવ્યું છે કે, રાજકીય શવયાત્રા દરમિયાન કોઈ સાર્વજનિક રજાની જરૂર નથી. આ નોટિફિકશન મારફતે રાષ્ટ્રીય શોક દરમિયાન ફરજિયાત જાહેર રજાના પ્રાવધાનને ખતમ કરી દીધી છે. હવે ફક્ત કોઈ રાષ્ટ્રપતિ કે પ્રધાનમંત્રીના પદ પર રહેતાં નિધન થવા પર જ જાહેર રજાની જાહેરાત કરી શકાય છે. જો કે, અનેક વખત રાજ્ય સરકારોએ કોઈ મહાનુભાવના નિધન પર રજાની જાહેરાત કરી છે. કેન્દ્ર સરકારે અટલ બિહારી વાજપેયીના નિધન પર અડધા દિવસની રજા જાહેર કરી હતી, પણ દિલ્હી જેવા અમુક રાજ્યોએ સમગ્ર દિવસની રજા જાહેર કરી હતી.

રાષ્ટ્રીય અને રાજકીય શોક દરમિયાન શું થાય છે?

ભારતમાં રાષ્ટ્રીય કે રાજકીય શોક સમગ્ર રાષ્ટ્ર કે રાજ્ય વિશેષના દુઃખને પ્રગટ કરવાની એક સાંકેતિક રીત હોય છે. ફ્લેગ કોડ ઓફ ઈન્ડિયા અનુસાર, રાષ્ટ્રીય શોક દરમિયાન સમગ્ર ભારતમાં અને વિદેશ સ્થિત એમ્બેસી અથવા અન્ય ભારતી સંસ્થાઓમાં રાષ્ટ્રીય ધ્વજ અડધી કાઠીએ ફરકાવવામાં આવે છે. આ ઉપરાંત કોઈ સરકારી આયોજન થઈ શકતું નથી કે સત્તાવાર મનોરંજન અને કાર્યક્રમ ઉપર પણ પ્રતિબંધ રહે છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here