ins valsura recruitment drive: નેવી ભરતીમાં બોગસ સર્ટિફિકેટ રજૂ કરવા મામલે 8 સામે ફરિયાદ નોંધાઈ – eight booked for forging documents in navy recruitment drive at ins valsura in jamnagar

0


| I am Gujarat | Updated: Dec 9, 2021, 10:34 AM

નેવી ભરતીમાં બોગસ સર્ટિફેક્ટ રજૂ કરનારા ઉમેદવારો પાસેથી રાજસ્થાનના અલવરમાં ખાનગી ડીફેન્સ એકેડમી ચલાવતા બંધુઓની સંડોવણી ખુલવા પામી છે.

 

હાઈલાઈટ્સ:

  • રાજસ્થાનના બે ભાઈઓ દ્વારા તૈયાર કરાયેલા બનાવટી દસ્તાવેજો લઈને છ ઉમેદવાર ભરતી માટે આવ્યા હતા.
  • જામનગરના બેડી મરીન પોલીસ સ્ટેશનમાં ભરતી પ્રક્રિયાના નેવી અધિકારી દ્વારા ફરિયાદ નોંધાવવામાં આવી છે.
  • ઉમેદવાર સરખુ ગુજરાતી ન બોલી શકતા હતા અને તેમના ડોમિસાઈલ સર્ટિફિકેટ ગાંધીનગરના હોઈ અધિકારીને શંકા ગઈ.


જામનગર ખાતે નેવી તાલીમ સેન્ટર આઈએનએસ વાલસુરા ખાતે ભરતી પ્રક્રિયા હાથ ધરવામાં આવી છે. ત્યારે આજે બુધવારે સવારે યોજાયેલી ભરતી પ્રક્રિયામાં ભાગ લેવા આવેલા છ ઉમેદવારોએ રજૂ કરેલા પ્રમાણપત્રો ખોટા હોવાનું સામે આવ્યું હતું. ઉતરપ્રદેશ અને રાજસ્થાનના છ શખ્સોએ રજૂ કરેલા ડોમિસાઈલ પ્રમાણપત્ર બનાવટી હોવાનું સામે આવ્યું છે. જો કે આ પ્રમાણપત્રની ખરાઈ કરવામાં આવતાં સમગ્ર પ્રકરણ ઉજાગર થયું હતું.
કેટરિના કૈફ અને વિકી કૌશલની કુંડળીમાં છે ગજબ સંયોગ, જુઓ બંનેના મળે છે કેટલા ગુણ
રાજસ્થાનના અલવરમાં ખાનગી ડિફેન્સ એકેડમી ચલાવતા બંધુઓનું કૌભાંડ ખુલવા પામ્યું છે. આ પ્રકરણ અંગે જામનગરના બેડી મરીન પોલીસ દફ્તરમાં ભરતી પ્રક્રિયાના લેફ્ટનન્ટ ઓફિસર દ્વારા ફરિયાદ નોંધાવવામાં આવી છે. ભારતીય નેવી દ્વારા દર વર્ષે ભરતી પ્રક્રિયા હાથ ધરવામાં આવે છે. આ વર્ષે આઈએચક્યું એમઓડી દિલ્હી દ્વારા ભરતી પ્રક્રિયા બહાર પાડી ભારતભરમાંથી ઉમેદવારો પાસેથી ઓન લાઈન અરજીઓ મંગાવવામાં આવી હતી. જેના આધારે ભારતના જુદા-જુદા નેવી તાલીમ સેન્ટર ખાતે આર્ટીફાઈઝર એપ્રેન્ટીસ અને મેટ્રિક રીક્રુટમેન્ટની ભરતી પ્રક્રિયા અંતર્ગત ગઈકાલે મંગળવારે જામનગરના આઈએનએસ વાલસુરા નેવી તાલીમ મથક ખાતે જુદા-જુદા રાજ્યના અરજદારોને બોલાવાયા હતા. જેના અંતર્ગત આજે સવારથી જ વાલસુરા રીક્રુટમેન્ટ વેરીફીકેશન ઓફીસ ખાતે તમામ ઉમેદવારોના જરૂરી પ્રમાણપત્રોની ખરાઈ કરવામાં આવી હતી.
50 વર્ષીય સાધુની હત્યા કરી લાશ કોથળામાં ભરીને ફેંકી દીધી, દંપતીની ધરપકડ
આ પ્રક્રિયા દરમિયાન રાજસ્થાનનો સંતોષકુમાર સરદારારામ સેપટ, રાજસ્થાનનો કમલેશ જગદિશ સારણ, ઉત્તરપ્રદેશના કિર્તી દલવીર પાલ અને ગૌરવ રાજવિરસિંઘ ચાહર, શ્રીકાંત શ્રીપ્રેમ સિંઘ, ચન્દ્રકાંત ઘનસિંહ કુશ્વાહ નામના શખ્સોના ડોમિસાઈલ પ્રમાણપત્ર ગાંધીનગર મામલતદાર કચેરી ખાતેથી કાઢવામાં આવ્યા હોવાનું સામે આવ્યું હતું. આ તમામ ઉમેદવારો ગુજરાતી જાણતા ન હોવાથી રીક્રુટમેન્ટ ઓફિસરને શંકા ગઈ હતી. જે સંદર્ભે તપાસ કરાવતા આ તમામ પ્રમાણપત્ર બોગસ હોવાનું સામે આવ્યું હતું.
વર્ષ 2022 માટે નોસ્ત્રાડેમસની મોટી ભવિષ્યવાણી, પરમાણુ બોમ્બ, ઉલ્કાપિંડ અને મોંઘવારી
આ પ્રમાણપત્રો રાજસ્થાનમાં ખાનગી ડીફેન્સ એકેડમી ચલાવતા રાજેન્દ્રસિંઘ યાદવ તેના ભાઈ વિમલ ઉર્ફે મોનુ દ્વારા કાઢી આપવામાં આવ્યા હોવાનું સામે આવ્યું હતું. જેથી સ્થાનિક રીક્રુટમેન્ટ ઓફિસર મનોજ લક્ષ્મણસિંઘ બિસ્તે તમામ શખ્સો સામે બેડી મરીન પોલીસ દફ્તરમાં આઈપીસી કલમ 465, 466, 468, 471, 484, 114 મુજબ ફરિયાદ નોંધાવી હતી. જેમાં છ આરોપીઓએ નેવલ ભરતીમાં ભાગ લેવા માટે બનાવટી આધાર કાર્ડ તેમજ ડોમિસાઇલ સર્ટીફીકેટ બનાવી, બનાવટી ખોટા સરકારી દસ્તાવેજ તથા સિક્કા બનાવી રજુ કર્યા હોવાનો આરોપ લગાવાયો હતો. આ ફરિયાદના આધારે બેડી મરીન પોલીસના પીએસઆઈ આરએસ વાઢેર સહિતના સ્ટાફે તપાસ હાથ ધરી હતી.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : eight booked for forging documents in navy recruitment drive at ins valsura in jamnagar
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here