cds genera bipi rawat: જનરલ બિપિન રાવતનો પાર્થિવ દેહ દિલ્હી લવાયો, ભાવુક થઈ દીકરીઓ – the mortal remains of cds general bipin rawat being brought out of iaf aircraft that arrived at palam airbase from sulur

0


હાઈલાઈટ્સ:

  • પીએમ મોદી રાત્રે લગભગ 9 વાગ્યે દિવંગત સીડીએસ બિપિન રાવત અને અન્ય જવાનોને શ્રદ્ધાંજલિ અર્પિત કરશે.
  • રક્ષા મંત્રી, રક્ષા રાજ્યમંત્રી, રાષ્ટ્રીય સુરક્ષા સલાહકાર અને ત્રણેય સેનાના પ્રમુખ પણ હાજર રહેશે.
  • દેશના પહેલા CDS જનરલ બિપિન રાવતનું 8 ડિસેમ્બરે તમિલનાડુના કુન્નરમાં હેલિકોપ્ટર ક્રેશ થતા નિધન થયું હતું.

ભારતીય વાયુસેના (IAF)નું વિમાન CDS જનરલ બિપિન રાવત, તેમના પત્ની મધુલિકા રાવત અને 11 અન્યના પાર્થિવ દેહને લઈને પાલમ એરબેઝ પહોંચ્યું. પીએમ મોદી રાત્રે લગભગ 9 વાગ્યે દિવંગત સીડીએસ બિપિન રાવત અને અન્ય જવાનોને શ્રદ્ધાંજલિ અર્પિત કરશે. રક્ષા મંત્રી, રક્ષા રાજ્યમંત્રી, રાષ્ટ્રીય સુરક્ષા સલાહકાર અને ત્રણેય સેનાના પ્રમુખ પણ હાજર રહેશે. સીડીએસ બિપિન રાવતને સામાન્ય નાગરિક સીડીએસ કારજ માર્ગ સ્થિત તેમના નિવાસસ્થાન પર આવતીકાલે સવારે 11થી બપોરે 12.30 વાગ્યા સુધી શ્રદ્ધાંજલિ અર્પિત કરી શકે છે. જ્યારે સૈન્યકર્મીઓ માટે બપોરે 12.30થી 1.30 વાગ્યા સુધીનો સમય નક્કી કરવામાં આવ્યો છે. ત્યારબાદ પાર્થિવ દેહને દિલ્હી કેન્ટ બરાડ સ્ક્વેયરમાં અંતિમ સંસ્કાર માટે લઈ જવાશે.

દેશના પહેલા CDS જનરલ બિપિન રાવતનું 8 ડિસેમ્બરે તમિલનાડુના કુન્નરમાં હેલિકોપ્ટર ક્રેશ થતા નિધન થયું હતું. દુર્ઘટનાગ્રસ્ત થયેલા હેલિકોપ્ટરમાં સીડીએસ જનરલ બિપિન રાવત સાથે તેમના પત્ની મધુલિકા સહિત કુલ 14 લોકો સવાર હતા. જેમાંથી 13 લોકો આ દુર્ઘટનામાં મૃત્યુ પામ્યા હતા. દુર્ઘટનાના એક દિવસ પછી આજે 9 ડિસેમ્બરે CDS જનરલ બિપિન રાવતનું પાર્થિવ શરીર દિલ્હી લાવવામાં આવ્યું છે. પરંતુ આ પહેલા તમિલનાડુના નીલગિરી જિલ્લાના મદ્રાસ રેજિમેન્ટલ સેન્ટરથી સુલૂર એરબેઝ સુધી એમ્બ્યુલન્સથી જનરલ રાવત અને અન્ય લોકોના પાર્થિવ શરીર લાવવામાં આવ્યા હતા. મદ્રાસ રેજિમેન્ટલ સેન્ટરથી સુલૂર એરબેઝ સુધી CDS જનરલ બિપિન રાવતના પાર્થિવ શરીરને લઇ જતાં વાહન પર લોકોએ પુષ્પ વર્ષા કરી છે. આ દરમિયાન રસ્તાની બંને બાજુ ઊભા રહેલા લોકોએ ‘ભારત માતાની જય’ના નારા લગાવ્યા હતા.

તમિલનાડુમાં બનેલી હેલિકોપ્ટર દુર્ઘટનામાં શહીદ થયેલા ચીફ ઓફ ડિફેન્સ સ્ટાફ (CDS) જનરલ બિપિન રાવત તેમના પત્ની મધુલિકા સહિત 13 જવાનોનો મૃતદેહ ગુરૂવારે સાંજે લગભગ પોણા આઠ વાગ્યે દિલ્હીના પાલમ એરપોર્ટ પર લાવવામાં આવ્યા. જનરલ બિપિન રાવતનો પાર્થિવ દેહ આજે દિલ્હી સ્થિત ઘરે પહોંચી જશે. શુક્રવારે સવારે 11થી બપોરે 2 વાગ્યા સુધી લોકો રાવતના દિલ્હી સ્થિત ઘરે અંતિમ દર્શન કરી શકશે. જે બાદ કામરાજ માર્ગથી બરાર ચોક સુધી શબયાત્રા કાઢવામાં આવશે. દિલ્હી કેન્ટોન્મેન્ટમાં અંતિમ સંસ્કાર થશે.

કેસરી રંગના પેકમાં ચા વેચતી પેઢી સામે વાઘબકરી કોપીરાઈટનો કેસ હારી

દેશના પ્રથમ સીડીએસનું ગંભીર દુર્ઘટનામાં દુઃખદ નિધન થયા બાદ પણ કોઈપણ પ્રકારનો રાજકીય શોક જાહેર કરવામાં આવ્યો ન હતો. ઉત્તરાખંડમાં 3 દિવસનો રાજકીય શોક જાહેર કરવામાં આવ્યો છે. જેને લઈને અનેક લોકોના મનમાં સવાલો ઉભા થઈ રહ્યા છે. તેવામાં જાણો કે, રાજકીય શોક ક્યારે જાહેર કરવામાં આવે છે. નિયમની વાત કરીએ તો સેવારત અને પૂર્વ પ્રધાનમંત્રી, કેન્દ્રીય મંત્રી, રાષ્ટ્રપતિ, ઉપરાષ્ટ્રપતિ અને ચીફ જસ્ટિસ ઓફ ઈન્ડિયા જ દેશના દેશવ્યાપી રાષ્ટ્રીય શોકના હકદાર હોય છે. જો કે, રાષ્ટ્રીય શોક જાહેર કરવાને લઈને લેખિતમાં સ્પષ્ટ રીતે કાંઈ કહેવામાં આવ્યું નથી અને તેને લઈને કોઈ SOP પણ બનાવવામાં આવી નથી. એટલા માટે તે સરકારના વિવેક પર આધાર રાખે છે કે કોના નિધન પર રાષ્ટ્રીય શોક જાહેર કરવામાં આવે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here