corruption in stamp duty department: સ્ટિંગ ઓપરેશનનો પડઘો: અમદાવાદના સ્ટેમ્પ ડ્યુટી વિભાગ-1ના ડેપ્યુટી કલેક્ટર કુંજલ શાહની બદલી – ahmedabad stamp duty department part-1 deputy collector kunjal shah transfered to devbhumi dwarka

0


| I am Gujarat | Updated: Dec 9, 2021, 9:06 PM

અમદાવાદની પોલિટેકનિક કોલેજના કેમ્પસમાં આવેલી સ્ટેમ્પ ડ્યુટી કચેરીમાં ચાલતા ભ્રષ્ટાચારનું એક વકીલો સ્ટિંગ ઓપરેશન કરી સરકારને સોંપ્યું હતું. તે પછી ખુદ મહેસૂલ મંત્રી રાજેન્દ્ર ત્રિવેદીએ એ કચેરીમાં દરોડો પાડ્યો હતો.

 

હાઈલાઈટ્સ:

  • અમદાવાદના સ્ટેમ્પ ડ્યુટી વિભાગ-1ના ડેપ્યુટી કલેક્ટર કુંજલ શાહની દેવભૂમિ દ્વારકા ખાતે બદલી કરી દેવાઈ.
  • તેમના સ્થાને ધોળકાના પ્રાંત અધિકારી તરીકે ફરજ બજાવતા સિદ્ધિ ડી વર્માને મુકવામાં આવ્યા છે.
  • અમદાવાદની પોલિટેકનિક કોલેજના કેમ્પસમાં આવેલી સ્ટેમ્પ ડ્યુટી કચેરીમાં ભ્રષ્ટાચાર થતો હોવાની વ્યાપક ફરિયાદો ઉઠી હતી.

અમદાવાદ: અમદાવાદ સ્ટેમ્પ ડ્યુટી વિભાગ-1ના ડેપ્યુટી કલેક્ટર કુંજલ શાહ સહિત 10 અધિકારીઓની રાજ્યના મહેસૂલ વિભાગે બદલી કરી દીધી છે. કુંજલ શાહ એ જ ઓફિસર છે જેમણે દસ્તાવેજોની ઝડપી નોંધણી માટે ચાર વચેટિયાને ‘નોકરી’ એ રાખ્યા હતા અને તેમને પોતે પગાર ચૂકવતા હતા. આ વચેટિયાઓ દસ્તાવેજ માટે લોકો પાસેથી રૂપિયા ઉઘરાવતા હતા. એક વકીલે પોલિટેકનિક કેમ્પસમાં આવેલી આ કચેરીમાં ચાલતા ભ્રષ્ટાચારનું સ્ટિંગ ઓપેરશન કર્યું હતું અને સરકારને સોંપ્યું હતું. તે પછી મહેસૂલ મંત્રી રાજેન્દ્ર ત્રિવેદીએ કચેરી પર દરોડો પાડ્યો હતો અને તેમાં ભ્રષ્ટાચારની વિગતો સામે આવી હતી.
નેવી ભરતીમાં બોગસ સર્ટિફિકેટ રજૂ કરવા મામલે 8 સામે ફરિયાદ નોંધાઈ
કુંજલ શાહની દેવભૂમિ દ્વારકામાં બદલી કરાઈ છે. તેમને દેવભૂમિ દ્વારકાના મધ્યાહન ભોજન યોજનાના નાયબ કલેક્ટર બનાવાયા છે. આ ઉપરાંત વડોદરા (શહેર)ના પ્રાંત અધિકારી વિજય પટ્ટણીની અમરેલી જિલ્લા પચાયતના નાયબ જિલ્લા વિકાસ અધિકારી પદે બદલી કરાઈ છે. ભાવનગર જિલ્લાના તળાજાના પ્રાંત અધિકારી દક્ષેશકુમાર મકવાણાને વડોદરા (શહેર)ના પ્રાંત અધિકારી તરીકે મૂકાયા છે. ખ્યાતિ પટેલ કે જેઓ વડોદરામાં જમીન સુધારણા વિભાગના નાયબ કલેક્ટર પદે ફરજ બજાવતા હતા તેમની બદલી સુરતમાં સ્પીપાના નાયબ નિયામક પદે કરાઈ છે. તેમના સ્થાને કચ્છના અંજારના પ્રાંત અધિકારી વિમલ કે જોષીને મૂકવામાં આવ્યા છે. જ્યારે સુરત સ્પીપાના નાયબ નિયામક એસ એસ વર્માને બીજો હુકમ ન થાય ત્યાં સુધી સુરત કલેક્ટર કચેરી ખાતે ફરજ બજાવવાનો આદેશ કરાયો છે. ગેસ સિનિયર સ્કેલના રાજેશ કુમાર ઠુમ્મરને વડોદરા (ગ્રામ્ય)ના પ્રાંત અધિકારીમાંથી ગાંધીનગર સચિવાલય ખાતે સામાન્ય વહીવટ વિભાગમાં મૂકાયા છે.
મંત્રી રાજેન્દ્ર ત્રિવેદી દહેગામ મામલતદાર ઓફિસે પહોંચતા અધિકારીઓ દોડતા થઈ ગયા
તદ્ઉપરાંત નાયબ કલેકટર સંવર્ગ-1 ના ગુજરાત વહીવટીય સેવા વિભાગ ( જૂનીયર સ્કેલ ) વર્ગ-1ના 2019ની સીધી બેચના ભરતીના અજમાયશી અધિકારીઓની પણ બદલી કરવામાં આવી છે. તેમાં ધોળકાના પ્રાંત અધિકારી કુ. સિદ્ધિ ડી વર્માને અમદાવાદ સ્ટેમ્પ ડ્યુટી વિભાગ-1ના નાયબ કલેક્ટર બનાવાયા છે, એટલે કે તેઓ કુંજલ શાહનું સ્થાન લેશે. તે સિવાય મહુવા પ્રાંત (જેસર તાલુકો)ના પ્રાંત અધિકારી વિકાસકુમાર ડી રતાડાન તળાજાના પ્રાંત અધિકારી પદે મૂકાયા છે. વડોદરા (ગ્રામ્ય) પ્રાંત (પાદરા તાલુકો)ના પ્રાંત અધિકારી કુ. શ્રદ્ધા વી શ્રીમાણીની વડોદરા (ગ્રામ્ય)ના પ્રાંત અધિકારી પદે બદલી કરાઈ છે. જ્યારે કચ્છના ભચાઉ પ્રાંત (રાપર તાલુકો)ના પ્રાંત અધિકારી જયકુમાર કે રાવલની અંજારના પ્રાંત અધિકારી પદે બદલી કરવામાં આવી છે.

ભાવનગરમાં રખડતા ઢોરનો આતંક, વ્યક્તિ પર હુમલાની ઘટના CCTVમાં કેદ

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : ahmedabad stamp duty department part-1 deputy collector kunjal shah transfered to devbhumi dwarka
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here