virat kohli: કેમ વિરાટ કોહીલને સુકાનીપદેથી હટાવવામાં આવ્યો? સૌરવ ગાંગુલીએ કર્યો ખુલાસો – why was virat kohli removed from the captaincy? revealed by sourav ganguly

0


હાઈલાઈટ્સ:

  • વન-ડે ટીમ માટે વિરાટના સ્થાને રોહિત શર્માને બનાવાયો કેપ્ટન
  • સૌરવ ગાંગુલીએ જણાવ્યું કે, વિરાટને ટી20નું સુકાનીપદ ન છોડવા વિનંતી કરી હતી
  • પણ વિરાટે વાત ન માનતાં વ્હાઈટ બોલ ફોર્મેટ માટે રોહિતની પસંદગી કરવામાં આવી

ટીમ ઈન્ડિયાના સાઉથ આફ્રિકા પ્રવાસ માટે વન-ડે ટીમના કેપ્ટન તરીકે રોહિત શર્માની પસંદગી કરવામાં આવી છે, જ્યારે વિરાટ કોહલીની સુકાનીપદેથી હકાલપટ્ટી કરી દેવામાં આવી છે. તેવામાં આજે ગુરુવારે બીસીસીઆઈના પ્રેસિડેન્ટ સૌરવ ગાંગુલીએ કહ્યું કે, બોર્ડ અને સિલેક્શન કમિટીએ ભેગાં મળીને વ્હાઈટ બોલના કેપ્ટન તરીકે રોહિત શર્માની પસંદગી કરી હતી.

ટીમ ઈન્ડિયાનો ઓપનિંગ બેટ્સેમન રોહિત શર્માને વન-ડે ટીમનો કેપ્ટન બનાવવાની જાહેરાત બુધવારે કરવામાં આવી હતી. આવતા વર્ષે જાન્યુઆરીમાં સાઉથ આફ્રિકા સીરિઝમાં આ સ્ટાર પ્લેયર વિરાટ કોહલીનું સ્થાન લેશે. ગાંગુલીએ આ ઉપરાંત જણાવ્યું હતું કે, તેમણે અને સિલેક્ટર્સના ચેરમેને કોહલી સાથે આ અંગે વાત પણ કરી હતી. આ સાથે ગાંગુલીએ લિમિટેડ ઓવર્સ માટે કોહલીના યોગદાન બદલ આભાર માન્યો હતો.

વિરાટ કોહલીએ વન-ડેનું સુકાનીપદ છોડવાની ના પાડી, આખરે BCCIએ કરી હકાલપટ્ટી

ગાંગુલીએ એએનઆઈ સાથે વાત કરતાં જણાવ્યું કે, આ નિર્ણય બીસીસીઆઈ અને સિલેક્ટર્સે ભેગાં મળીને કર્યો છે. અમે વિરાટ કોહલીને ટી20 ટીમનું સુકાનીપદ ન છોડવા માટે વિનંતી કરી હતી, પણ તે વાતથી સહમત ન થયો. અન ત્યારબાદ સિલેક્ટર્સને ન લાગ્યું કે વ્હાઈટ બોલના બે ફોર્મેટમાં અલગ-અલગ કેપ્ટન હોવા જોઈએ.

આ ઉપરાંત ગાંગુલીએ જણાવ્યું કે, આ બાદ અમે નિર્ણય કર્યો કે, વિરાટ કોહલી ટેસ્ટ ટીમના કેપ્ટન પદે ચાલુ રહેશે, જ્યારે વ્હાઈટ બોલના કેપ્ટનનું પદ રોહિત શર્માને સોંપવામાં આવશે. મેં પ્રેસિડેન્ટ તરીકે વ્યક્તિગત રીતે વિરાટ સાથે વાત કરી હતી, આ ઉપરાંત સિલેક્શન કમિટીના ચેરમેને પણ તેની સાથે વાત કરી હતી. અમને રોહિત શર્માની લીડરશીપની ક્ષમતામાં પૂરેપૂરો વિશ્વાસ છે, અને વિરાટ ટેસ્ટ કેપ્ટન તરીકે યથાવત રહેશે. અમે બીસીસીઆઈ તરીકે પૂરી રીતે નિશ્ચિત છીએ કે, ભારતીય ક્રિકેટ સારા હાથમાં છે. વ્હાઈટ બોલ ફોર્મેટમાં કેપ્ટન તરીકે વિરાટ કોહલીના યોગદાન માટે અમે તેનો આભાર માનીએ છીએ.
વન-ડે અને ટી20 માટે આ ખેલાડી બની શકે છે માટે ટીમ ઈન્ડિયાનો વાઈસ કેપ્ટન!
સાઉથ આફ્રિકાની 3 મેચોની ટેસ્ટ સીરિઝ સામે ઓલ ઈન્ડિયા સીનિયર સિલેક્શન કમિટી દ્વારા 18 સભ્યોના સ્ક્વોડની જાહેરાત કરવામાં આવી હતી, જેમાં રોહિત શર્માને ટેસ્ટ ટીમનો વાઈસ કેપ્ટન બનાવવામાં આવ્યો છે. સાઉથ આફ્રિકા સામેની ટેસ્ટ સીરિઝ 26 ડિસેમ્બરથી શરૂ થશે અને આઈસીસી વર્લ્ડ ટેસ્ટ ચેમ્પિયનશીપ સાયકલનો એક ભાગ હશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here