Virat Kohli: કોહલીની આ અક્ષમતાએ તેની પાસેથી છીનવ્યું વન-ડે ટીમનું સુકાની પદ? – inability to win icc trophy cost virat kohli odi captaincy says saba karim

0


ભારતીય ક્રિકેટ કંટ્રોલ બોર્ડે વન-ડે ટીમના સુકાની પદેથી વિરાટ કોહલીને હટાવી દીધો છે અને તેના સ્થાને રોહિત શર્માને સુકાની બનાવ્યો છે. આ અંગે ભૂતપૂર્વ ભારતીય વિકેટકીપર અને રાષ્ટ્રીય પસંદગીકાર સબા કરીમે જણાવ્યું છે કે, આઈસીસી ટ્રોફી જીતી ન શકવાની અક્ષમતાના કારણે કોહલીને વન-ડે ટીમના સુકાની પદેથી હાંકી કાઢવામાં આવ્યો છે.
કેમ વિરાટ કોહીલને સુકાનીપદેથી હટાવવામાં આવ્યો? સૌરવ ગાંગુલીએ કર્યો ખુલાસો
કોહલીએ ટી20 વર્લ્ડ કપ બાદ ટી20 ટીમનું સુકાન પદ છોડી દીધું હતું. ટુર્નામેન્ટ અગાઉ જ તેણે જાહેરાત કરી દીધી હતી પરંતુ ટી20 ટીમનું સુકાની પદ છોડવાનો નિર્ણય જાહેર કરતી વખતે કોહલીએ ભારતમાં 2023માં રમાનારા વન-ડે વર્લ્ડ કપ સુધી વન-ડે ટીમનું નેતૃત્વ જારી રાખવાની ઈચ્છા વ્યક્ત કરી હતી. જોકે, ચેતન શર્માની આગેવાનીવાળી પસંદગી સમિતિએ રોહિત શર્માને ભારતની વન-ડે અને ટી20 ટીમનો સુકાની બનાવ્યો છે.

સબા કરીમે જણાવ્યું હતું કે, કોહલીની હકાલપટ્ટી કરી દેવામાં આવી છે તે કહેવું યોગ્ય છે. આઈસીસી ટ્રોફી ન જીતી શકવાની તેની અક્ષમતા ના કારણે કોહલીને તેનું સુકાની પદ ગુમાવવું પડ્યું હોઈ શકે છે. કરીમનું માનવું છે કે કોહલીને વન-ડે ટીમના સુકાની પદેથી હટાવી દેવામાં આવ્યો છે. કોહલીએ ટી20 ટીમનું સુકાની પદ છોડવાની જાહેરાત કરી હતી ત્યારે તેણે વન-ડે ટીમના સુકાની તરીકે યથાવત રહેવાની ઈચ્છા વ્યક્ત કરી હતી.
વન-ડે અને ટી20 માટે આ ખેલાડી બની શકે છે માટે ટીમ ઈન્ડિયાનો વાઈસ કેપ્ટન!નોંધનીય છે કે કોહલીની કેપ્ટનસીમાં ભારતીય ટીમ એક પણ આઈસીસી ટ્રોફી જીતી શકી નથી. 2019ના વર્લ્ડ કપમાં ભારતીય ટીમ સેમિફાઈનલમાંથી બહાર થઈ ગઈ હતી. જ્યારે તાજેતરમાં રમાયેલા ટી20 વર્લ્ડ કપમાં ટીમ નોકઆઉટમાં પણ પહોંચવામાં નિષ્ફળ રહી હતી.

કરીમે જણાવ્યું હતું કે, મને વિશ્વાસ છે કે રાહુલ દ્રવિડે કોહલી સાથે ચર્ચા કરી હશે. કરીમે જણાવ્યું હતું કે, મને ખાતરી છે કે રાહુલ દ્રવિડ અથવા તો બીસીસીઆઈએ સ્પ્લિટ કેપ્ટનસીને લઈને કોહલી સાથે તેમની યોજનાની ચર્ચા કરી હશે. તેથી જ્યારે આવા મોટા નિર્ણયની વાત આવે છે ત્યારે મારું માનવું છે કે કોઈએ તો ચોક્કસથી કોહલી સાથે વાતચીત કરી હોવી જોઈએ.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here