Australia opens border: દોઢ વર્ષથી રાહ જોતાં વિદ્યાર્થીઓ માટે રાહત, 15 ડિસેમ્બરથી અભ્યાસ માટે ઓસ્ટ્રેલિયા જઈ શકશે – australia opens its borders students from india will fly there from 15th december

0


હાઈલાઈટ્સ:

  • અગાઉ 1 ડિસેમ્બરે ઓસ્ટ્રેલિયાની બોર્ડર ખુલવાની હતી પરંતુ ઓમિક્રોન વેરિયંટ આવતા નિર્ણય બદલાયો.
  • હવે 15 ડિસેમ્બરથી ઓસ્ટ્રેલિયા પોતાની સરહદો ખોલશે અને વિદેશીઓને પ્રવેશ આપશે.
  • ભારતમાંથી 22,000 વિદ્યાર્થીઓ અભ્યાસ માટે ઓસ્ટ્રેલિયા જશે તેવો અંદાજો છે.


અમદાવાદ: અદાણી ઈન્સ્ટીટ્યૂટ ઓફ ઈન્ફ્રાસ્ટ્રક્ચર એન્જિનિયરિંગમાંથી એન્જિનિયરિંગ ઈન સિવિલ એન્ડ ઈન્ફ્રાસ્ટ્રક્ચરમાં ગ્રેજ્યુએશન કર્યા બાદ આકાશ મિસ્ત્રીએ ઓસ્ટ્રેલિયા જઈને માસ્ટર ડિગ્રી કરવાનો નિર્ણય કર્યો હતો. આકાશને યુનિવર્સિટી ઓફ એડિલેઇડમાં જુલાઈ 2020માં એડમિશન મળ્યું હતું પરંતુ કોરોના મહામારીના કારણે ઓસ્ટ્રેલિયાએ પોતાની સરહદો બંધ કરી દેતાં તે કોલેજ કેમ્પસ સુધી પહોંચી જ ના શક્યો. આકાશના ઓનલાઈન ક્લાસ શરૂ થઈ ગયા હતા અને પ્રતિ સેમેસ્ટર બે વિષયોનો અભ્યાસ કરતો હતો. કોલેજમાં એડમિશન લીધાના 17 મહિના બાદ હવે આકાશ ઓસ્ટ્રેલિયા પહોંચીને પ્રત્યક્ષ અભ્યાસ કરશે.

FB પર CDS બિપિન રાવતના મૃત્યુ અંગે વિવાદાસ્પદ પોસ્ટ લખનારની ધરપકડ

આકાશે કહ્યું, “અગાઉ ઓસ્ટ્રેલિયાની સરકારે કહ્યું હતું કે દેશની સરહદ 1 ડિસેમ્બરથી ખુલશે પરંતુ નવા ઓમિક્રોન વેરિયંટના કારણે નિર્ણયમાં ફેરવિચારણા કરવામાં આવી હતી. સરકારની લેટેસ્ટ ગાઈડલાઈન પ્રમાણે, હવે બોર્ડર 15 ડિસેમ્બરથી ખુલશે.”

શહેરમાં ઘણાં એવા વિદ્યાર્થીઓ છે જે ઓસ્ટ્રેલિયામાં અભ્યાસ કરવા જવાનું વિચારી રહ્યા છે તેઓ હવે પોતાના ટ્રાવેલ પ્લાન પર કામ કરી રહ્યા છે.

15 ડિસેમ્બરથી સંપૂર્ણ રસીકરણ થઈ ચૂક્યું હોય તેવા વિદેશી વિદ્યાર્થીઓ ઓસ્ટ્રેલિયાના વિવિધ રાજ્યો અને પ્રદેશોમાં જઈ શકે છે. તેમણે ક્વોરન્ટીન થવાની પણ જરૂર નથી, તેવું ઓસ્ટ્રેલિયાના ગૃહ વિભાગની સત્તાવાર વેબસાઈટ પર લખવામાં આવ્યું છે.

વિઝા કન્સલ્ટન્ટ ભાવિન ઠક્કરે જણાવ્યું કે, ભારતમાંથી 22,000 વિદ્યાર્થીઓ આ વર્ષે ઓસ્ટ્રેલિયા જશે તેવો અંદાજો છે. શહેરના વધુ એક વિઝા કન્સલ્ટન્ટ રિતેશ દેસાઈએ કહ્યું કે, ઓસ્ટ્રેલિયાએ લાંબા સમય સુધી પોતાની સરહદો બંધ રાખતાં યુએસ, કેનેડા અને યુકે જેવા દેશોને વિદ્યાર્થીઓ વિકલ્પ તરીકે જોવા લાગ્યા હતા.

ઓમિક્રોનના ભય વચ્ચે વધુ સાવચેત થયા ગુજરાતીઓ, માસ્કના વેચાણમાં ત્રણ ગણો વધારો

15 ડિસેમ્બરથી ઓસ્ટ્રેલિયામાં વિદેશી વિદ્યાર્થીઓને પ્રવેશ આપવાની જાહેરાત થતાં ટિકિટના ભાવમાં પણ ઉછાળો આવ્યો છે. અમદાવાદથી ઓસ્ટ્રેલિયાની ટિકિટનો ભાવ 50,000 રૂપિયા હતો જે વધીને 1.25 લાખ રૂપિયા થઈ ગયો છે, તેમ તેમણે ઉમેર્યું.

જૂન 2020માં સધર્ન ક્રોસ યુનિવર્સિટીમાં એડમિશન લેનારા હર્ષ પ્રજાપતિએ ત્રણ સેમેસ્ટર ઓનલાઈન ભર્યા છે. હવે તે 19 ડિસેમ્બર ઓસ્ટ્રેલિયા જવા ઉડાણ ભરશે અને ત્યાં જઈને ભણવાનું સપનું સાકાર થશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here