marriage in ahmedabad: કમુરતા બેસે તે પહેલા 12 ડિસેમ્બરે ગુજરાતમાં હજારોની સંખ્યામાં લગ્ન યોજાશે – amid corona virus new variant threat thousand of marriage on 12 december in gujarat before kamurata start

0


| I am Gujarat | Updated: Dec 10, 2021, 9:58 AM

કમુરતા બેસે તે પહેલા ગુજરાતમાં ઓમિક્રોનના ભય અને વધતા કોરોના કેસ વચ્ચે 12મી ડિસેમ્બરે હજારો લગ્ન પ્રસંગ ઉજવાશે, ત્યારે શું તંત્ર કોઈ વિશેષ ગાઈડલાઈન બહાર પાડશે?

 

હાઈલાઈટ્સ:

  • 16મી ડિસેમ્બરથી કમુરતા બેસી જાય છે. જે બાદ મકર સંક્રાંતિ સુધી કોઈ શુભ મુહૂર્ત નથી.
  • એકલા અમદાવાદમાં 12 ડિસેમ્બરના રોજ બે હજારથી વધુ લગ્નો યોજાઈ રહ્યા છે હવે ત્રણ જ મુહૂર્ત છે.
  • કોરોના વધતા કેસ અને ઓમિક્રોનના ભય વચ્ચે લગ્નો યોજાશે, તંત્ર કોરોના અંગે નિયમ બનાવી શકે છે.

અમદાવાદઃ આગામી 12મી ડિસેમ્બરે સમગ્ર ગુજરાતમાં હજારોની સંખ્યામાં લગ્ન પ્રસંગો ઉજવાશે. પ્રાપ્ત વિગતો મુજબ એકલા અમદાવાદમાં જ 12મી તારીખે બે હજાર કરતા વધુ મુહૂર્ત નીકળેલા છે. હવે પછીના ત્રણ દિવસ એટલે કે 11-12 અને 13 ડિસેમ્બર લગ્નના મુહૂર્ત છે. ત્યારબાદ છેક ઉત્તરાયણ પછી મુહૂર્ત આવશે. ત્યાં સુધી કમુરતા રહેશે. એકબાજુ રાજ્યમાં કોરોના અને ઓમિક્રોન વેરિઅન્ટનો ભય તેમજ વ્યાપક અસર વચ્ચે લગ્ન પ્રસંગો યોજાઈ રહ્યા છે.ગત વર્ષે પણ લગ્ન પ્રસંગો બાદ કોરોના કેસમાં ઉછાળો જોવા મળ્યો હતો. તે જ પ્રકારે આ વર્ષે પણ છેલ્લા કેટલાક દિવસોથી લગ્ન પ્રસંગોમાં હાજરી આપનારા લોકો પોઝિટિવ આવી રહ્યા છે.
ઈંડાની લારી હટાવવા મુદ્દે HC લાલઘૂમ, ‘હવે સત્તાધીશો નક્કી કરશે કે લોકોએ શું ખાવાનું?’
આ વર્ષે દેવ ઉઠી અગિયારસ પછી નવેમ્બરમાં કેટલાક શુભ મુહૂર્ત હતા અને ત્યાર બાદ ડિસેમ્બરમાં મુહૂર્ત હતા. હવે લગ્નની આ સીઝનમાં ફક્ત ત્રણ જ મુહૂર્ત બાકી છે. આ દરમિયાન અમદાવાદમાં બે હજારથી વધુ લગ્નો 12મી ડિસેમ્બરે યોજાવાના છે. તે માટે શહેરના મોટભાગના પાર્ટીપ્લોટ, હોલ,હોટેલો જ નહીં, રહેણાંક સોસાયટીઓના કોમન પ્લોટ્સ પણ બુક થઈ ગયા છે. 12મી ઉપરાંત 11 અને 13 ડિસેમ્બરેને અનુલક્ષીને કેટર્સ, બેન્ડ, પાર્ટી મંડપ આયોજકો, ફ્લોરિસ્ટ વગેરેન બુકિંગ તો ત્રણ ચાર મહિના અગાઉથી થઈ ગયેલા છે.
MapmyIndia આઈપીઓ ઓપન થયો, રુપિયા રોકવા કે નહીં શું કહી રહ્યા છે નિષ્ણાંતો?
આ ત્રણ દિવસ દરમિયાન સામાજિક અને જ્ઞાતિ સંસ્થાઓ દ્વારા સમૂહલગ્નોનું પણ આયોજન છે. 16મી ડિસેમ્બરપથી કમૂરતા બેસી જાય તે પહેલા લગ્નો યોજવા માટે આતુરલોકોમાં મોટું પ્રમાણ તો વિદેશમાં વસતા ગુજરાતી પરિવારો છે. જોકે પ્રસંગ ઉજવવા માગતા આ પરિવારોને વર્તમાન કોરોના માર્ગદર્શિકા પણ નડી રહી છે. નિયંત્રિત સંખ્યા અને બીજી સાવચેતી ઉપરાંત લગ્નપ્રસંગોનું રજિસ્ટ્રેશન અને મંજૂરી મેળવવા જેવા નિયમો લાગુ જ છે. હાલ કોરોના કેસો વધી રહ્યા છે. એટલે પરિવારોને ચિંતા સતાવી રહી છે કે કોઈ આકસ્મિક પ્રતિબંધો લદાઈ ન જાય.
CDS રાવતના હેલિકોપ્ટરને અચાનક શું થયું? સતાવી રહ્યા છે આ પાંચ સવાલ
આ વર્ષે એવું પણ બન્યું છે કે કોરોનાના માર્ગદર્શક નિયમોને કારણે શહેરોમાં વસતા પરિવારોએ પોતાના વતનમાં મોટાપાયે આયોજનો કર્યા છે. થોડોક વધુ ખર્ચ કરીને પણ મહેમાનોને પોતાને ત્યાં લઈ જવાની વ્યવસ્થાઓ કરી છે. કેમ કે ત્યાં મોટાં આયોજનો છતાં સ્થાનિક વગનો ઉપયોગ કરીને પ્રતિબંધો નામ પૂરતા અમલી બપનાવવા પડે અને તંત્રની નજરે ચઢી જવાય નહીં તેવી સ્થિતિ શક્ય બની છે.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : amid corona virus new variant threat thousand of marriage on 12 december in gujarat before kamurata start
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here