woman doctor files complaint against husband: સમાધાન કરવાનું કહીને ડૉક્ટર પત્નીને બોલાવીને કરી મારઝૂડ, બાદમાં પતિએ કર્યો આપઘાતનો પ્રયાસ – 45 year old female doctor files complaint against husband for causing hurt and intimidating

0


હાઈલાઈટ્સ:

  • 45 વર્ષીય મહિલા ડૉક્ટરે 1999માં બિઝનેસમેન સાથે લગ્ન કર્યા હતા.
  • દંપતીના 20 અને 17 વર્ષના બે સંતાનો છે.
  • અગાઉ પણ બિઝનેસમેન પતિએ પત્નીને સાથે ગેરવર્તણૂક કરી હતી પણ તેની સામે ફરિયાદ નહોતી થઈ.

અમદાવાદ: ઘરેલુ હિંસા જેવા અપરાધ નાત-જાત કે અમીર-ગરીબનો ફરક નથી જોતાં. ભણેલો પતિ હોય કે અભણ પત્ની પર અત્યારચાર ગુજારવાની માનસિકતા તેમને એક જ શ્રેણીમાં લાવીને મૂકી દે છે. આવી જ એક વધુ ઘટના અમદાવાદમાં સામે આવી છે. એલિસબ્રિજ વિસ્તારમાં આવેલી વીએસ હોસ્પિટલમાં કામ કરતાં 45 વર્ષીય ડૉક્ટરે ગુરુવારે પોતાના પતિ સામે ધમકી અને મારઝૂડની ફરિયાદ નોંધાવી છે. ફરિયાદમાં ઉલ્લેખ છે કે, મહિલા સાથે મારઝૂડ અને ધમકી આપ્યા પછી તેના પતિએ આત્મહત્યાનો પ્રયાસ કર્યો હતો.

દોઢ વર્ષથી રાહ જોતાં વિદ્યાર્થીઓ માટે રાહત, 15 ડિસેમ્બરથી અભ્યાસ માટે ઓસ્ટ્રેલિયા જઈ શકશે

પાલડી પોલીસે નોંધેલી FIR પ્રમાણે, મહિલાએ જણાવ્યું છે કે, તેણે રખિયાલમાં નટ-બોલ્ટનું મેન્યુફેક્ચરિંગ યુનિટ ધરાવતાં બિઝનેસમેન સાથે 1999માં લગ્ન કર્યા હતા. આ દંપતીનું મોટું સંતાન 20 વર્ષનું છે અને એમબીબીએસનો અભ્યાસ કરે છે જ્યારે નાના સંતાનની ઉંમર 17 વર્ષ છે. મહિલાએ ફરિયાદમાં જણાવ્યું છે કે, 29 નવેમ્બરે તેના પતિએ બિઝનેસની કોઈ સમસ્યાને લઈને તેની સાથે ઝઘડો કર્યો હતો. આ બિઝનેસમાં મહિલાના કાકા પણ સંકળાયેલા હોવાથી ઝઘડો થયો હતો. બાદમાં પતિએ મહિલાને અપશબ્દો કહ્યા હતા અને તેને થપ્પડ મારી હતી.

જે બાદ મહિલાએ પોલીસ કંટ્રોલ રૂમમાં ફોન કર્યો હતો પરંતુ પરિવારના સભ્યો વચ્ચે પડતાં તેણે પતિ સામે ફરિયાદ નહોતી નોંધાવી. બાદમાં મહિલા બોપલમાં રહેતાં પોતાના બહેનના ઘરે રહેવા જતા રહ્યા હતા.

જૂનાગઢ જિલ્લામાં 100% રસીકરણ થયું, અંતરિયાળ વિસ્તારમાં ઘરે-ઘરે જઈને અપાઈ રસી

બુધવારે સાંજે મહિલાના પતિએ સમાધાન કરવા માટે તેને ફોન કર્યો હતો. જેથી મહિલા પોતાના જીજાજી અને પતિના બે ફ્રેન્ડ સાથે તેને મળવા પહોંચી હતી. તેમણે વાતચીત શરૂ કરતાં જ તેનો પતિ ફરી ગાળાગાળી પર ઉતરી આવ્યો હતો અને મહિલાનો હાથ મચકોડીને તેને લાફો માર્યો હતો. સાથે જ તેણે આત્મહત્યા કરી લેવાની ધમકી આપી હતી. ધમકી આપ્યાના થોડા જ સમયમાં પતિએ આત્મહત્યાનો પ્રયાસ કર્યો હતો, તેવો ફરિયાદમાં ઉલ્લેખ છે. મહિલાએ પાલડી પોલીસ સ્ટેશનમાં પોતાના પતિ સામે મારઝૂડ, ગુનાહિત ધાકધમકી અને અપશબ્દો ઉચ્ચારવાની ફરિયાદ નોંધાવી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here