cds bipin rawat chopper crash: હેલિકોપ્ટર ક્રેશ પહેલા સુબેદાર ગુરસેવકે ઘરે ફોન કર્યો હતો પણ કોઈએ ઉપાડ્યો નહીં – hours before helicopter crash deputy subedar gursevak called home but no one picked up phone

0


હાઈલાઈટ્સ:

  • ગુરસેવક દરરોજ ઘરે ફોન કરતા, પરંતુ ઘટનાના એક દિવસ પહેલા ફોન કરી શક્યા નહીં
  • પરિવાર, દોસ્ત અને ગામમાં કોઈને ખબર નહોતી કે તેઓ CDS બિપિન રાવત સાથે છે
  • ગુરસેવકે હેલિકોપ્ટર દુર્ઘટનાના એક કલાક પહેલા ફોન કર્યો, પરંતુ કોઈએ ઉપાડ્યો નહીં

CDS બિપિન રાવતની સાથે હેલિકોપ્ટર અકસ્માતમાં શહીદ થયેલા નાયબ સુબેદાર ગુરસેવક સિંહની પત્ની હજી પણ માનવા તૈયાર નથી કે તેમનો જીવન સાથી તેમને હંમેશ માટે છોડી ગયો છે. ગુરસેવકની પત્ની જસપ્રીત કૌરે અમારા સહયોગી ટાઈમ્સ ઑફ ઈન્ડિયાને જણાવ્યું કે તેમના પતિ નાયબ સુબેદાર ગુરસેવક સિંહ તેમના અને બાળકોના સ્વાસ્થ્ય વિશે પૂછવા માટે નિયમિતપણે ફોન કરતા હતા, પરંતુ અકસ્માતના એક દિવસ પહેલા તેમણે ફોન કર્યો ન હતો. જ્યારે મેં તેમને ફોન કર્યો ત્યારે તેમણે કહ્યું કે તેઓ વ્યસ્ત છે. પરંતુ તેમણે ચોક્કસપણે પૂછ્યું કે શું હું મારી દવાઓ સમયસર લઈ રહી છું કે નહીં. મેં તેમને એમ પણ કહ્યું કે તમારે મારી અને બાળકો સાથે રહેવા ઘરે આવવું જોઈએ.

દિવંગત સૈનિકના પરિવાર, મિત્રો અને તેના ગામ ડોડેના લોકો પણ જાણતા નહોતા કે, ગુરસેવક ભારતના પ્રથમ CDSના સૌથી વિશ્વાસુ સૈનિકોમાંના એક હતા. અકસ્માતમાં મૃત્યુ થયા બાદ બધાને આ અંગે જાણ થઈ હતી.

છેલ્લો ફોન ઉપાડી શક્યા નહીં
પરિવારના જણાવ્યું કે, અમે ફક્ત એટલું જ જાણતા હતા કે તેઓ સેનામાં છે, પરંતુ એમની ડ્યુટી સિનિયર મોસ્ટ ઑફિસર સાથે છે એ ખબર નહોતી. ગુરસેવકના ભાઈ લખવિંદર સિંહે કહ્યું કે, આ ખરેખર આપણા બધા માટે ગર્વની વાત છે કે સરહદી ગામનો એક છોકરો ત્યાં સુધી પહોંચ્યો. ગુરસેવક તાજેતરમાં રજા પર ઘરે આવ્યા હતા અને 25 દિવસ તેમના ગામમાં પણ રોકાયો હતા અને બાદમાં 15 નવેમ્બરથી ફરી ડ્યુટી શરૂ કરી હતી.

પિતા કબલ સિંહે જણાવ્યું હતું કે, ‘અકસ્માતના થોડા કલાકો પહેલા તેણે ઘરે ફોન કર્યો હતો, પરંતુ બાળકો ફોન ઉપાડી શક્યા ન હતા, તેથી તેણે હેલિકોપ્ટરમાં હોવાનો મેસેજ છોડી દીધો હતો.’ તેમણે વધુમાં જણાવ્યું કે તે પછી તે પુત્રને ફોન કરતો રહ્યો, પરંતુ ફોન લાગ્યો નહીં.

ઉલ્લેખનીય છે કે, જનરલ બિપિન રાવત, તેમની પત્ની મધુલિકા રાવત અને અન્ય 10 કર્મચારીઓએ 8 ડિસેમ્બરના રોજ તમિલનાડુના કુન્નુર પાસે હેલિકોપ્ટર દુર્ઘટનામાં જીવ ગુમાવ્યો હતો. અકસ્માતનું કારણ હજુ સુધી જાણી શકાયું નથી. જો કે, મામલાની તપાસ ચાલુ કરી દેવામાં આવી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here